Matius 26:27 - Surat Ralan na'a Vaidida

²⁷ Nata Yesus nala vali kobi i nsaꞌa anggur ma nfalak fara weninyai verin Ubu, beti nala ma renu. Ia nfalak ne, “Mia munuk myenu anggur i naꞌa kobi ini,

Matius 26:27 ပူးပေါင်းရင်းမြစ်များ

Matius 15:36

beti nala roti ifitu yai ovu ian ra ma naflurut ovu nfalak fara weninyai verin Ubu. Nata nvisul roti ovu ian ra ma nala verin Ni tamata ra, ma rtanang verin tamata rivun avyai.

Matius 26:26

Yesus ovu Ni tamata ra rafnaꞌan obin, na Ia nala roti a ma nfalak fara weninyai verin Ubu, beti nvisul roti yai ma nsiduk verin ira. Ia nfalak ne, “Myala ma mian kikyai. Ini Yaꞌa tenang a.”

Matius 26:28

tevek ini Yaꞌa larang i nvoat al nakvanak tamata rivun rira salasilan ra, ma neluk faneak ne, Ubu nfakena roak Ni tnorung a.

Lukas 22:20

Yesus notu munuk wean inyai, na nala vali kobi i nsaꞌa anggur a ma nfalak ne, “Anggur i naꞌa kobi ini nfaturu Ubu Ni tnorung ngorvaꞌan a. Tnorung yai nanaꞌa larang i veka nvoat verin mia.

1 Korintus 10:16

Naꞌut i tala kobi i nsaꞌa anggur a ma tenu al tangnanang Kristus laran i nvoak naꞌa aa walwalur a, na ita tfalak fara weninyai verin Ubu. Inyai nfaturu roak ne, isa roak ita ovu Kristus i nmata al nakvanak ita. Naꞌut i tsiduk roti ma itmunuk taꞌan, na inyai nfaturu roak ne, isa roak ita ovu Kristus tenan a.

1 Korintus 11:28

Ba lokat tamata musti ranovak lan naꞌa ralarira ra, ovu kaꞌi rsiꞌik vali tenarira ra veki, beti raꞌan roti ovu renu anggur a.