Matius 25:42 - Surat Ralan na'a Vaidida

⁴² Inyai mia bira varvara a, tevek naꞌut i ublafar a, na wol myala afamtahan ma uan. Naꞌut i ubroa, na wol myala wear ma enu.

Matius 25:42 ပူးပေါင်းရင်းမြစ်များ

Matius 12:30

Tamata iki watan wol norang Yaꞌa, na ia nangal roak Yaꞌa. Tamata iki watan wol nkarya ovu Yaꞌa, na ia not-visal Ning karya.

Matius 25:35

Tevek naꞌut i ublafar a, na myala afamtahan roak ma uan. Naꞌut i ubroa, na myala roak wear ma enu. Naꞌut i Yaꞌa wean tamata dakan, na myala roak Yaꞌa ma ti unaꞌa bira rahan.

Matius 25:41

Yaꞌa veka ufalak vali verin ovi rnaꞌa Ning lihir balit a ne, ‘Yamang a veka near nfasoba mia, ba miti vatuk mia tali ini, ma ti mnyaꞌa yafwan kakiwal. Wan yai Ubu nfadoku roak verin nitdawan ovu ni sansinir ra.

Matius 25:43

Ti ma aksa Yaꞌa wean tamata dakan, na wol myala vali Yaꞌa ma ti unaꞌa bira rahan. Naꞌut i wol Ning kadaravit ma ung a eluk Yaꞌa, na wol myala vali kadaravit verin Yaꞌa. Ti ma nawar Yaꞌa ovu unaꞌa buꞌi ralan, na wol mya ma milola vali Yaꞌa.’

Matius 4:2

Yesus ntolat ti naran amar vutfaꞌat, ba nablafar urun.

Yohanes 14:21

Tamata iki watan ntorung afa ovi ufareta verin tamata ra ovu not-orang, na ia nlobang urun Yaꞌa. Iki watan nlobang Yaꞌa, na Yamang a nlobang ia, ovu Yaꞌa veka ulobang vali ia, ma ufaturu tenang a verin ia.”

Yohanes 5:23

Yamang a notu wean inyai, boma tamata ra bisma ralang Yaꞌa, wean i ralang Ia. Tamata iki watan wol nalang Yaꞌa, na ia wol nalang vali Yamang i nsinir Yaꞌa ma uma lanit ivavan a.

1 Korintus 16:22

Tamata ovi wol ralarira urun ma rlobang Duilaꞌa, na fara Ubu nukun ira ma rnaꞌa yafwan kakiwal. Era ma dida Duilaꞌa nma ewal.

2 Tesalonika 1:8

Ia veka nsuta ma nukun tamata ovi rafena ma rorang Ubu, ovu rafena ma rorang Ni Ivar Lolin a naꞌa Duilaꞌa Yesus.

1 Yohanes 4:20

Tamata i nfalak ne, “Yaꞌa ulobang Ubu,” naꞌuk wol inan lahir teran a valin ra, na tamata yai nsiklabir. Tevek wean i tamata yai wol nlobang teran a valin ovi nrea ra, na veka wol nlobang Ubu i wol nrea Ia.