Matius 22:24 - Surat Ralan na'a Vaidida

²⁴ “Tuan Guru, Musa nfalak ne, ‘Wean i brana isa nmata ma teran aꞌuk awan a, naꞌuk wol yanarira, na brana yai aꞌan te warin nal-ewal varu yai ma neluk awan, ma fara ia i nmata roak yai veka duan yanan boku.’

Matius 22:24 ပူးပေါင်းရင်းမြစ်များ

Matius 22:16

Ba rsinir rira tamata boku, ovu boku vali tali ovi rorang Herodes ma ti rorat Yesus ne, “Tuan Guru, ami amkaꞌa ne, afa ovi fwalak ra kena lalawatan, ovu vali Oa msiair ovu ni malolan a wean Ubu ralan nfalak a. Oa wol bwobar tamata, tevek wol fwili tamata ovu wol mdava waham ralan.

Matius 22:25

Lan ana, brana ifitu iyaꞌan iwarin ira. Iyaꞌan nsifa roak, naꞌuk wol yanan obin, na nmata. Ia warin nsifa ewal ovu varu yai.

Matius 22:36

“Tuan Guru, inukun bi nlia munuk tali Musa ni inukun ra?”

Matius 7:21

“Tamata rivun veka rera Yaꞌa ne, ‘Duilaꞌa, Duilaꞌa,’ naꞌuk wol mane ira munuk ti rnaꞌa Ubu Ni Fareta a. Tamata ovi rot-orang Yamang i naꞌa lanit ratan Ni afa ovi ralan nfalak ra, na ira watan veka rnaꞌa Ni Fareta a.

Markus 12:19

“Tuan Guru, Musa ntulis inukun ini verin ita: Wean i brana isa nmata ma teran aꞌuk awan a, naꞌuk wol yanarira, na brana yai aꞌan te warin musti nala varu yai neluk awan, ma fara ia i nmata roak yai veka duan yanan boku.

Lukas 20:28

“Tuan Guru, Musa ntulis inukun ini verin ita: Wean i brana isa nmata ma teran aꞌuk awan a, naꞌuk wol yanarira, na brana yai aꞌan te warin musti nal-ewal varu yai ma neluk awan, ma fara ia i nmata roak yai veka duan yanan boku.

Lukas 20:33

Ba wean inyai, na ti naran amar i tamata matmatan ra rvaꞌat ewal, na iki veka awan mngaꞌun vata yai, tevek brana ifitu yai awar munuk roak ia?”

Lukas 6:46

“Afakinimi mifwak Yaꞌa ne, ‘Duilaꞌa, Duilaꞌa,’ naꞌuk wol myot-orang afa ovi ufalak ra?