Matius 15:9 - Surat Ralan na'a Vaidida

⁹ Ira raraning Yaꞌa, naꞌuk wol ihin lahir, tevek afa ovi rair ra wol rtali Ubu, naꞌuk rtali watan tamata.’ ”

Matius 15:9 ပူးပေါင်းရင်းမြစ်များ

Matius 15:10

Yesus nera ewal tamata rivun avyai ma nfalak verin ira ne, “Eka mryenar ma lolin boma fyan-aran.

Markus 7:7

Ira raraning Yaꞌa, naꞌuk wol ihin lahir, tevek afa ovi rair ra wol rtali Ubu, naꞌuk rtali tamata!’

1 Korintus 15:2

Ba wean i mia ralabira urun ma myorang Ivar Lolin yai, na Ubu nsikat roak mia tali bira salasilan ra. Naꞌuk wean i myorang afa ovi wol kena ra, na bira inorang yai veka wol nala utun akataka verin mia.

1 Timotius 1:4

Mtab-teri ira, boma deka rvatuk rira amar ra ma rfamalik tomu siklabir ra, ovu deka rfamalik daftar blawat i rfadoku uburir-nusirira ovi rmata roak veli, nararira ra rnaꞌa. Afa avyai rotu mi tamata ra vair ma dawan ma deka rkaꞌa Ubu Ni banbanan a. Ba fwalak verin ira ma rorang aꞌuk Ubu, boma rkaꞌa Ni banbanan verin ira.

Titus 1:14

Mtabu vali ira ma deka rorang kikyai Yahudi rira tomu siklabir ra, ovu rira adat ra rtali tamata ovi rangal afa ovi kena ra.

Ibrani 13:9

Ba deka mtyorung afa sala ovi tamata rair ra. Afa sala avyai bisma rfalek-nala mia. Naꞌuk mia musti fyakloꞌi aꞌuk bira vavaꞌat ra verin Ubu i nfangrebat ita, tevek nfaturu roak Ni rala lolin a verin ita. Deka fyakloꞌi bira vavaꞌat ra naꞌa adat ovi rfalak naꞌa fanaꞌan-fanenu ra, tevek adat avyai wol ihir akataka.

Yakobus 2:20

Mia ini byoda-byadi urun! Afakinimi mifena ma fyan-aran ne, bira inorang wol ihin akataka, wean i wol myotu afa lolin ma nfaturu ne, bira inorang verin Ubu?

Wahyu 22:18

Yaꞌa ini Yohanes. Ufangnanang urun mia ne, tamata iki watan wean i nrenar roak vaivatul ovi Ubu nala roak verin Ni nabi a naꞌa kitab ini, na mingnanang afa ini: Wean i tamata isa ntafal afa boku tali ovi rnaꞌa roak kitab ini, na Ubu veka nukun ia ovu inukun sian urun i lahir ovi rnaꞌa kitab ini.