Matius 15:26 - Surat Ralan na'a Vaidida

²⁶ Ba Yesus nfalak verin ia ne, “Wol lolin, wean i tala kasikoꞌu rira afamtahan ra ma tvatuk verin yaha ra ma raꞌan.”

Matius 15:26 ပူးပေါင်းရင်းမြစ်များ

Matius 15:25

Naꞌuk vata yai nma ma nsangatur verin Ia ma nfalak ne, “Duilaꞌa, fara mlobang yaꞌa!”

Matius 15:27

Vata yai nfalak verin Yesus ne, “Kena ta Duilaꞌa, naꞌuk yaha ra baꞌi raꞌan afamtahan mumun ovi rleka naꞌa duarira rira meja vavan a.”

Matius 7:6

“Deka myala afa marmerat ovi rtali Ubu verin tamata ovi wol inar ra. Tevek myala verin ira, na inyai wean i myala afa marmerat verin yaha ra, te myala mutiara ra verin vavu ra. Ira veka rta mutiara avyai, beti rewal ira ti ma rkaras mia.”

Roma 9:4

Ira tamata Israel ira. Ubu nfili roak ira, ma nala ira ma reluk yanan ra, ovu nfaturu lahir Ni ngrebat verin ira. Ia notu tnorung ra verin ira, ovu nala Musa ni inukun ra verin ira. Ubu nfaturu vali verin ira ne, wean inba ma raraning Ia ovu nala roak Ni tnorung ra verin ira.

Galatia 2:15

Ubumam-nusimami ra Yahudi ira, ovu amanovak ne tamata ovi wol Yahudi ra, tamata salasilan ira, tevek wol rkaꞌa mami adat ovu inukun ra.

Efesus 2:12

Naꞌut inyai, na mia wol bira vavaꞌat isa ovu Kristus, ovu wol mkyaꞌa Ia. Mia wol tamata Israel mia, ovu vali tamata dakan mia, ba wol myala tnorung i Ubu notu roak verin Abraham ovu ubun-nusin ra. Lan ana, mnyaꞌa lanit ivavan ini, naꞌuk wol fyikir aran ma myala afa lolin isa vali naꞌa amar ovi veka rma ini, ovu wol mkyaꞌa Ubu.

Filipi 3:2

Msyiꞌik wabira ma lolin naꞌa tamata ovi rotu afa ovi sian ra naꞌa wahabira ralan ra. Ira rkiwal tamata ra ma rsunat ira ma rfalak ne, musti rsunat tamata ra veki. Ba inovan ma tfaliak tamata avyai ne, yaha ira.

Wahyu 22:15

Naꞌuk tamata ovi rotu afa ovi sian ra, ovu tamata ovi rtaha afa te rotu rira afnitu ra, tamata ovi rsangatur ma raraning walut ra, tamata ovi rsifa tia ma watan ovu tamata ovi wol awarira verin ira, tamata ovi rsifedan ra, tamata ovi rsiklabir ra ovu inar ma rotu lalawatan wean inyai, na ira munuk lahir veka rnaꞌa watan kota yai murin a.