Matius 15:13 - Surat Ralan na'a Vaidida

^13-14 Ba Yesus nfalak verin ira ne, “Deka ralabira raruan naꞌa tamata avyai! Ira wean afa ovi Yamang a naꞌa lanit ratan wol nfau ra, ma veka ratvutuk watan. Ira tamata dawan ira ma rban-ulu verin tamata ra, naꞌuk ira wearira tamata ovi matarira ra rkibu. Wean i tamata kibu isa nfabana tamata kibu liak, na irua veka rleka rsuta bilaman ralan.”

Matius 15:13 ပူးပေါင်းရင်းမြစ်များ

Matius 15:12

Ba Yesus Ni tamata ra rma ma rorat Ia ne, “Baba, Oa wol mkaꞌa ne, afa ovi fwalak avyai rotu ma tamata Farisi ra rangrova?”

Yohanes 15:1

Yesus nfamalik vaivatul kamkuma isa wean ini: “Yaꞌa ini wean aa anggur mngaꞌun a, na Yamang a wean tamata i nwanar vaꞌi anggur a.

Yohanes 15:2

Ningu aa anggur sanan ra, ovu sanan avyai rfaturu tamata inorang ra. Ba lokat aa sanan ovi wol vuarira, na tamata i nwanar vaꞌi anggur yai veka netal vatuk aa sanan avyai. Naꞌuk aa sanan ovi vuar ra, na Ia veka nsingya aa sanan avyai, boma rtafal ma vuarira.

Yohanes 15:6

Tamata iki watan wol ni vavaꞌat isa ovu Yaꞌa, na ia veka wean aa sanan ovi retal vatuk ira. Ti ma rear roak, na rasdovuk ira ma relik rti yafu ralan ma rasnuri ira.

1 Korintus 3:9

Ami amkarya naꞌa Ubu Ni vaꞌi ralan a ovu amotu karya i nala verin ami. Mia ini Ubu Ni vaꞌi a ovu Ni rahan a.

Yudas 1:12

Naꞌut i myotu snoba fanaꞌan ma al fyaturu ne, isa nlobang isa, na ira wol rmaꞌit lahir ma rafnaꞌan sian urun, ovu rfikir watan tenarira ra. Ira wearira mutan, naꞌuk wol daꞌut, ovu nait nean vatuk ira. Ira wearira vali aa ovi wol vuarira, velik ne naꞌut inyai, na aa ra vuarira, ba rvutuk vatuk ira ovu rira waꞌar ra ma rmata lahir.