Markus 9:26 - Surat Ralan na'a Vaidida

²⁶ Nait sian yai nafwak ovu notu ma kasikoꞌu yai raruru lalean ia, ma nleka nsuta ntuba wean tamata matmatan roak, beti nait sian nti ntalik ia. Ba tamata rivun avyai rfalak ne, “Ia nmata roak.”

Markus 9:26 ပူးပေါင်းရင်းမြစ်များ

Matius 15:22

Vata Kanaan isa ntali wan yai nma ma nafwak ne, “Duilaꞌa, raja Daud ubun a nusin Oa, fara fwaturu Mu silobang verin yaꞌa, tevek nait sian isa nleal yanak vata, ovu notu ma nleka aleman roak.”

Markus 1:26

Nait sian yai notu ma brana yai nafwak ma vain a dawan, ovu notu ma tenan raruru lalean, nata nti talik ia.

Markus 9:18

Wean i nait sian nlabir ia, na notu ma nvatuk tenan nsuta lanun, ovu vali bera faluvur ia, nifan ra rsitutu ira, ovu nablingu lahir. Era roak verin Mu tamata ovi rorang Oa ma raling vatuk nait sian yai, naꞌuk wol rot-nala.”

Markus 9:20

Ba rovun kasikoꞌu yai verin Yesus. Naꞌut i nait sian yai nrea Yesus, na notu lahir ma kasikoꞌu yai tenan a raruru lalean ia, ovu nleka ma nlawar ia naꞌa lanun, ovu vali bera faluvur ia.

Markus 9:25

Yesus nsiꞌik, na tamata rivun rma roak, ba nfalak ne, “Hoi, nait sian oa, ovu motu tamata ra ma raktun ovu rmanu. Ufareta ma muti talik kasikoꞌu ini, ovu deka mewal kikyai oa ma mleal ia.”

Markus 9:27

Naꞌuk Yesus ntaha kasikoꞌu yai liman a ma nfadiri ia ma ndiri.

Wahyu 12:12

Ba ovi mnyaꞌa lanit ratan munuk myotu inabira lolin. Naꞌuk sian urun i lahir verin tamata ovi mnyaꞌa lanit ivavan ini, ovu ovi mnyaꞌa tahat ralan veka mtyuan susa dawan ilaꞌa, tevek nitdawan nanaꞌa roak wahabira ralan a. Ia wol ntahang nal ralan roak, tevek nkaꞌa roak ne, ni amar mamahin roak ma nwi-nwa tamata ra.”