Markus 9:2 - Surat Ralan na'a Vaidida

² Ba amar inean nelak roak, na Yesus novun Petrus, Yakobus ovu Yohanes ma rvaꞌal vuar karatat isa, ma aksa ira watan naꞌa inyai. Ira rsiꞌik, na Yesus felan a naling roak ia.

Markus 9:2 ပူးပေါင်းရင်းမြစ်များ

Matius 14:13

Ti ma Yesus nrenar ivar ne, Yohanes nmata roak, na nrata kumal isa ma aksa Ia nti wan lean vu isa. Naꞌuk tamata rivun rarenar ne Yesus nti roak, ba rbana earira rtali rira ahu ra ma rorang Ia.

Markus 14:33

Ba Yesus ti naflurut, na novun vali Petrus, Yakobus, ovu Yohanes. Yesus ralan lalau urun Ia ovu wol malinan.

Markus 16:12

Yesus notu wean inyai, beti ti nfavotuk vali tenan ovu felan naling Ia verin tamata irua tali tamata ovi rorang Ia. Rarea Ia naꞌut amar i rbana rti talik kota ma rti wan liak.

Markus 5:37

Yesus wol ntorung ma tamata rivun avyai rban-orang Ia, naꞌuk ntorung watan ma Petrus, Yakobus irua warin a Yohanes rovu Ia.

Lukas 6:12

Amar isa, na Yesus nrata vuar isa ma naflurut verin Ubu. Ovan lolan yai, na Ia naflurut lalawatan.

Yohanes 1:14

Ubu Ni Vaivatul neluk tamata, ma nanaꞌa roak lanit ivavan ovu ita, ovu vali ita tsiꞌik roak Ni dawan a. Ni dawan yai, Yaman a nala verin Ia, tevek Yanan ikisa laloꞌi watan. Ubu Yanan nma tali Yaman a, ma notu ma tkaꞌa lahir Ubu Ni rala lolin i dawan urun, ovu afa ovi nfavotuk ra munuk kena.

Roma 12:2

Deka myot-orang tamata ovi wol rorang Ubu naꞌa lanit ivavan ini rira fikiran ra ovu afa ovi rotu ra. Naꞌuk myala munuk bira vavaꞌat ra verin Ubu, boma nala fikiran ngorvaꞌan verin mia, ma bira vavaꞌat ra veka naling ia tali lan a, ma mkyaꞌa mngaꞌun afa ovi Ubu ralan nfalak ra. Afa avyai, afa lolin ovi rotu ma Ubu ralan a lolin ovu ita, ovu kena munuk lahir.

2 Korintus 13:1

Ini wean fatelu roak uma ma ulola mia. Surat Ralan nfalak roak ne, “Wean i naꞌa sala afaka watan, na tamata irua te itelu musti rfamalik sala yai, beti tanovak ne, sala yai kena te wahal.”

Filipi 3:21

Tenadida ra rmafun ovu veka rakvisal, naꞌuk Kristus veka nkati tenadida ra ma ngorvaꞌan, wean Ia tenan mngaꞌun a ovu lolin urun a. Ia veka not-nala afa yai, tevek Ni ngrebat ma nfaret-nala munuk afakataka.

Wahyu 20:11

Nata urea wan isa i dawan ovu nangiar, ovu urea vali Ia i ndoku wan yai ma nfareta. Naꞌut i nvotuk ana, lanit ratan ovu lanit ivavan wol rleal lahir ovu wol rvotuk roak.