Markus 5:43 - Surat Ralan na'a Vaidida

⁴³ Naꞌuk Yesus nfalak teri lahir ma deka rfaivar verin iki watan naꞌa afa i notu a. Ia nfalak munuk wean inyai, na nsinir ira ma rala afamtahan ma kasikoꞌu yai naꞌan.

Markus 5:43 ပူးပေါင်းရင်းမြစ်များ

Matius 17:9

Nata rsuta tali vuar ma rnaꞌa rira banbanan obin, na Yesus nsurak ira ne, “Deka fyamalik afa i mryea inlangin yai verin tamata ra veki. Mnyaban ma Ubu nfavaꞌat ewal Yaꞌa, Tamata Yanan Yaꞌa tali matmatan, beti fyamalik.”

Matius 8:4

Nata Yesus nfalak verin ia ne, “Mungnanang ma deka fwamalik afa ini verin tamata iki watan, naꞌuk ti ma fwaturu tenam a verin mela falurut a ma nsiꞌik ne, lolin roak oa. Mala mu korban verin Ubu, wean i rfalak roak naꞌa Musa ni inukun ra, boma tamata munuk rkaꞌa ne, lolin roak oa.”

Matius 9:30

Naꞌut inyai, na rsirea lahir. Nata Yesus nsurak ira ne, “Deka fyamalik verin tamata ra naꞌa afa i beti otu yai!”

Markus 1:43

Ba Yesus nsinir lahir ia ma nfalak ne, “Ufangnanang oa ne, deka fwamalik afa ini verin tamata iki watan. Naꞌuk muti lahir ma fwaturu tenam a verin Yahudi rira mela falurut a ma nsiꞌik oa. Mala mu korban verin Ubu, wean i rfalak roak naꞌa Musa ni inukun ra, boma tamata ra rkaꞌa ne, lolin roak oa.”

Markus 3:12

Naꞌuk Yesus nfalak teri lahir ma deka rfalak ne, iki Ia.

Markus 5:42

Kasikoꞌu yai nvaꞌat ewal ma nbatar lahir ma nbana. Ia ni varat vutu rahin irua. Tamata ovi rsiꞌik afa i Yesus notu yai rtalkaka urun i lahir!

Markus 7:36

Yesus nfalak teri tamata ovi rnaꞌa inyai ma deka rfamalik afa yai verin tamata iki watan. Velik ne Yesus nfalak teri ira, naꞌuk rfamalik lalawatan afa yai naꞌa inba watan.

Markus 9:9

Nata rsuta tali vuar ma rnaꞌa rira banbanan obin, na Yesus nsurak ira ne, “Deka fyamalik afa i mryea inlangin yai verin tamata ra veki. Mnyaban ma Ubu nfavaꞌat ewal Yaꞌa, Tamata Yanan Yaꞌa ini tali matmatan, beti fyamalik.”

Lukas 24:30

Naꞌut i ndoku mane nafnaꞌan ovu ira, na Ia nala lan roti a ma nfalak fara weninyai verin Ubu, beti nvisul roti yai ma nala verin ira.

Lukas 5:14

Nata Yesus nfalak teri ma tamata yai deka nfamalik afa ini verin tamata iki watan, ovu nfalak vali ne, “Muti ma fwaturu tenam a verin Yahudi rira mela falurut a, ma nsiꞌik ne, lolin roak oa. Beti mala mu korban verin Ubu, wean i rfalak roak naꞌa Musa ni inukun ra, boma tamata ra rkaꞌa ne, lolin roak oa.”

Lukas 8:56

Kasikoꞌu yai renan yaman a rtalkaka lahir, naꞌuk Yesus nfalak teri ma deka rfaivar verin iki watan naꞌa afa i notu a.

Yohanes 5:41

Yaꞌa wol udava ma tamata ra ralang Yaꞌa.

Kisah 10:41

Ubu wol nfaturu Yesus verin tamata ra munuk, naꞌuk verin ami tamata ovi nfili roak a ma amfamalik Ia. Nvaꞌat ewal tali matmatan, beti amafnaꞌan ovu amafnenu ovu Ia.