Markus 16:15 - Surat Ralan na'a Vaidida

¹⁵ Ia nfalak verin ira ne, “Byan-soru munuk lanit ivavan a, ma fyamalik Ubu Ni Ivar Lolin verin tamata ra munuk.

Markus 16:15 ပူးပေါင်းရင်းမြစ်များ

Matius 28:19

Ba miti ma fyamalik Ubu Ni Ivar Lolin verin bangsa ra munuk naꞌa lanit ivavan a, boma rorang Yaꞌa. Byaptis ira naꞌa Yamang a naran a, Yanan a, ovu Ni Roh a.

Markus 13:10

Tamata ovi rorang Yaꞌa veka rfamalik lan Ubu Ni Ivar Lolin verin tamata ra munuk.

Yohanes 15:16

Mia wol fyili Yaꞌa, naꞌuk Yaꞌa ufili mia ma usinir mia, ma ti ma myotu afa ovi lolin ra, boma weabira aa anggur sanan ovi vuar lalawatan. Myotu wean inyai, na myera afaka watan tali Yamang a naꞌa narang a, na Ia veka nala verin mia.

Yohanes 20:21

Ba Yesus nfalak fasa ewal verin ira ne, “Fara Ubu notu ma ralabira ra malinan watan! Inyai wean lahir i Yamang nsinir Yaꞌa ovu vali Yaꞌa usinir mia.”

Kisah 1:2

ti naran amar i Ubu notu ma Yesus nrata lanit ratan. Yesus wol nrata lanit ratan obin, na Ubu Ni Roh nala ngrebat verin Ia, ma nsurak Ni rasul ovi nfili ra.

Kisah 1:8

Naꞌuk Ubu Ni Roh veka nleal mia ma nala ngrebat verin mia. Naꞌut inyai, na veka ti fyamalik Yaꞌa naꞌa Yerusalem, propinsi Yudea munuk ovu Samaria, ti nsoru munuk lanit ivavan a.”

Roma 10:18

Naꞌuk mane orat mia ne, tamata Israel ra wol rarenar Ivar yai obin? Velik aba rarenar roak, tevek rtulis roak naꞌa Surat Ralan ne, “Tamata ovi rfamalik Ivar yai, vairira ra ti rsoru munuk roak lanit ivavan ini, ovu rira vaivatul ra rti rsoru roak lanit ivavan a.”

Roma 16:26

Naꞌuk fiang ini Ubu nfavotuk roak Ivar yai, ovu nfareta ami ma amfalyawang Ivar yai verin tamata ra munuk. Ubu nanaꞌa lalawatan, ovu afa ovi nabi ra rtulis roak rotu ma tamata ra munuk rkaꞌa roak Ivar yai, boma rorang Ubu ovu rot-orang Ni afa ovi nfalak ra.

Efesus 2:17

Ia nma ma nfamalik Ubu Ni Ivar Lolin i nala malinan a verin tamata ovi raroa ira tali Ia. Tamata avyai wol Yahudi ira. Ia nma vali verin tamata Yahudi ovi sarseri roak ira ovu Ubu.

Kolose 1:23

Ba wean i inabira ma wean urun inyai, na bira inorang a musti nabwaꞌar. Deka mane tamata liak rotu teri mia ma wol mnyaban afa lolin ovi Ubu ntorung roak ma veka nala verin tamata ovi rorang Yesus. Mia mryenar roak Ubu Ni Ivar Lolin i nban-soru roak, nti wan rivun naꞌa lanit ivavan ini. Ubu nfili yaꞌa, Paulus, ma ufamalik Ni Ivar Lolin a verin tamata ra.

Kolose 1:6

Ivar Lolin yai nbana obin ma veka ti nsoru wan rivun naꞌa lanit ivavan ini, ma tamata rivun rorang Yesus Kristus, ma rira vavaꞌat ra kena ovu afa ovi Ubu ralan nfalak a. Naꞌut i beti mryenar Ivar mngaꞌun yai, na mia weabira lahir ira ma myorang Yesus Kristus, ovu fyan-aran Ubu Ni rala lolin verin mia.

1 Yohanes 4:14

Ami amsiꞌik roak Ubu Yanan a, ba amfalak verin mia ne, Yamadida Ubilaꞌa nsinir roak Yanan a ma nma lanit ivavan ini, ma neluk Raja ma nsikat ita tali dida salasilan ra, ma dida vavaꞌat kakiwal.

Wahyu 14:6

Usiꞌik vali ne, Ubu Ni sansinir isa ntali lanit ratan noru vali ma karatat urun ia. Ia ntaha Ivar tali Ubu mane nti nfaivar verin tamata ra rtali arun dawan ra munuk, ovu bangsa ra munuk, ovu negara ra munuk, ovu vali verin tamata rira vai ra munuk naꞌa lanit ivavan a. Ivar yai wol bisma tkati ia ovu nanaꞌa lalawatan.