Markus 15:40 - Surat Ralan na'a Vaidida

⁴⁰ Vata boku rsiꞌik afa avyai tali raroa watan. Vata avyai nararira Maria Magdalena, Salome, Maria i yanan marmuri Yakobus ovu Yoses.

Markus 15:40 ပူးပေါင်းရင်းမြစ်များ

Matius 13:55

Ita tkaꞌa basil ne, Ia yaman a tukan kayu ia, na renan a naran Maria. Warin ra nararira Yakobus, Yusuf, Simon ovu Yudas.

Matius 27:61

Maria Magdalena ovu Maria isa vali rnaꞌa inyai. Ira rdoku van yai ngoran a.

Matius 28:1

Amar i Yahudi ra ryari ira yai nelak roak, na Maria Magdalena ovu Maria liak isa vali rti ma rsiꞌik van matmatan i rfanuba Yesus tenan a. Naꞌut inyai, na lera sarseri mane ndata roak naꞌa amar kareda.

Markus 15:47

Maria Magdalena ovu Maria i yanan Yoses ti rsiꞌik wan i rfadoku Yesus naꞌa.

Markus 16:1

Amar i Yahudi ra ryari ira nelak roak, na Maria Magdalena, Maria i yanan Yakobus ovu Salome rfaha ngul ovi voarira lolin, mane rti raꞌung naꞌa Yesus tenan a.

Markus 16:9

Ti ma Yesus nvaꞌat ewal naꞌut varverak sumatan naꞌa amar kareda, na nfavotuk lan Ia verin Maria Magdalena. Vata yai lan a, Yesus naling vatuk nait sian ifitu tali ia.

Lukas 19:3

Ia inan ma nsiꞌik Yesus, naꞌuk tamata rivun ovu kabava daꞌin ia, ba wol bisma nrea Yesus.

Lukas 23:49

Tamata ovi rkaꞌa Yesus, ovu vata ovi rkaꞌa vali Ia ma rorang Ia tali Galilea, rdiri watan raroa ma rsiꞌik afa avyai munuk.

1 Korintus 9:5

Inovan ma awamami ovi rorang roak Kristus, rorang vali ami naꞌa mami banbanan ra ma amfabana mami karya a. Rasul liak ra, ovu Duilaꞌa Yesus warin ra, ovu vali Petrus rotu roak wean inyai.

Galatia 1:19

Utuan Yakobus i aꞌan lalean verin Duilaꞌa Yesus, naꞌuk wol utuan rasul liak ra.

Yakobus 1:1

Terang a valing Yahudi ovi myorang Yesus Kristus. Yaꞌa ini Yakobus, ususan surat ini verin mia arun dawan vutu rahin irua ovi mimir-mimar naꞌa lanit ivavan ini. Yaꞌa ala salam verin mia munuk. Yaꞌa eluk tamata sansinir verin Ubu ovu Duilaꞌa Yesus Kristus.