Markus 14:5 - Surat Ralan na'a Vaidida

⁵ Ngul yai fyawan urun, ba bisma tfedi, na fyawan a dinar ratut itelu teran, ma tala kubang a verin tamata kasian ra.” Ba rfasala ma dawan vata yai.

Markus 14:5 ပူးပေါင်းရင်းမြစ်များ

Matius 18:28

Naꞌuk ti ma nban-talik raja yai, na ntuan tamata isa i nkarya vali verin raja yai. Tamata yai nutang roak ni kubang a, naꞌuk koꞌu watan, dinar ratut isa. Ia ntaha ngurus tamata yai relan a, beti nfalak ne, ‘Bwahir kikyai mu utan verin yaꞌa!’

Matius 20:11

Ba rala rira kadi ra, na rafngamuꞌur watan verin vaꞌi duan yai.

Matius 26:9

Ngul yai fyawan urun, ba bisma tfedi ma kubang a, tala verin tamata kasian ra.”

Markus 14:4

Tamata ovi rnaꞌa inyai boku rangrova ma rsifalak afa verin ira ne, “Notu afakinimi nawahak watan ngul i voan lolin yai?

Markus 14:6

Naꞌuk Yesus nfalak ne, “Deka fyalak teri ia! Afakinimi fyasala ia? Afa i notu verin Yaꞌa lolin urun.

Lukas 15:2

Ba tamata Yahudi boku rtali sidovung Farisi, ovu rira dawan ovi rair Musa ni inukun ra, rafngamuꞌur ma rfalak ne, “Yaꞌi yo, tamata ini notu ni kida ovu tamata salasilan ra ma nafnaꞌan ovu ira!”

Yohanes 13:29

Tamata boku tali Yesus Ni tamata ovi rorang Ia ranovak ne, Yesus nsinir Yudas ma ti nfaha afa ovi mane rotu naꞌa rira amar dawan, te nsinir ia ma ti nala kubang boku verin tamata kasian ra. Rfikir wean inyai, tevek Yudas nasusan rira kubang ra.

Yohanes 6:43

Ba Yesus nfalak verin ira ne, “Deka mifngamuꞌur.

Yohanes 6:7

Filipus nfalak ne, “Velik ne tfaha roti fyawan dinar ratut irua vali, ma tsiduk kadkedan lokat ira, na wol naran watan.”

1 Korintus 10:10

Tamata boku vali tali ira rafngamuꞌur, ba Ubu nsinir Ni sansinir tali lanit ratan i ntaha matmatan a, ma nfedan ira. Ba ita wol bisma tfangamuꞌur wean ira.

Efesus 4:28

Tamata ovi byori ra, mtyalik kikyai ma deka byori. Naꞌuk mkyarya urun ma ratibira ovu karya lolin ovi myotu ra, boma bira karya enan ra bisma al mlyobang vali tamata ovi rira kasian ra.

Filipi 2:14

Ba wean i mkyarya afaka watan, na deka mifngamuꞌur ovu deka msyingarahi,

Yudas 1:16

Tamata avyai baꞌi rafngamuꞌur ovu rfasala tamata liak ra. Naꞌa rira vavaꞌat ra, na rorang watan rira ininan sian. Ira rangrihi ma rfakaratat tenarira ra, ovu vali rala vaivatul ovi lolin ra, boma rdava uturira.