Markus 11:20 - Surat Ralan na'a Vaidida

²⁰ Varverak sumatan obin, na Yesus ovu Ni tamata ovi rorang Ia rban-ewal rti Yerusalem ma raran aa ara yai. Aa yai nangaran munuk roak ma ti naran ni waꞌar ra.

Markus 11:20 ပူးပေါင်းရင်းမြစ်များ

Matius 13:6

Naꞌuk ti ma lera ndirlola, na nabat ovi rarubu roak yai roarira ra rakla munuk ma rangaran, tevek wol rabwaꞌar ma lolin obin.

Matius 15:13

Ba Yesus nfalak verin ira ne, “Deka ralabira raruan naꞌa tamata avyai! Ira wean afa ovi Yamang a naꞌa lanit ratan wol nfau ra, ma veka ratvutuk watan. Ira tamata dawan ira ma rban-ulu verin tamata ra, naꞌuk ira wearira tamata ovi matarira ra rkibu. Wean i tamata kibu isa nfabana tamata kibu liak, na irua veka rleka rsuta bilaman ralan.”

Matius 21:18

Ni ilyan varverak a, na Yesus ovu Ni tamata ovi rorang Ia rewal ira rti kota Yerusalem, na Yesus nfarnuang Ni balafar roak.

Markus 11:12

Ni ilyan ana, Yesus ovu Ni tamata ovi rorang Ia rban-talik Betania, na Yesus nfarnuang Ni balafar roak.

Markus 11:14

Ba Yesus nfalak verin aa ara yai ne, “Tali amar ini, na tamata ra wol raꞌan roak vuam a!” Yesus Ni tamata ra rarenar munuk afa i nfalak a.

Yohanes 15:6

Tamata iki watan wol ni vavaꞌat isa ovu Yaꞌa, na ia veka wean aa sanan ovi retal vatuk ira. Ti ma rear roak, na rasdovuk ira ma relik rti yafu ralan ma rasnuri ira.

Ibrani 6:8

Naꞌuk wean i lanun wol ihin tevek lavurun-lesmat rarubu naꞌa, na lanun yai wol ihin akataka lahir. Ba inovan ma Ubu veka near nfasoba lanun yai, ovu nasnuri lavurun-lesmat avyai ma kusan lahir.

Yudas 1:12

Naꞌut i myotu snoba fanaꞌan ma al fyaturu ne, isa nlobang isa, na ira wol rmaꞌit lahir ma rafnaꞌan sian urun, ovu rfikir watan tenarira ra. Ira wearira mutan, naꞌuk wol daꞌut, ovu nait nean vatuk ira. Ira wearira vali aa ovi wol vuarira, velik ne naꞌut inyai, na aa ra vuarira, ba rvutuk vatuk ira ovu rira waꞌar ra ma rmata lahir.