Kisah 2:30 - Surat Ralan na'a Vaidida

³⁰ Daud nabi ia, ba nkaꞌa roak ne, Ubu nala tnorung verin ia ovu nafwaba verin ia ne, tali Daud ubun nusin ra, na veka nsikat tamata isa ma neluk Raja i ntevut dida salasilan ra, ma ndoku wan i Daud ndoku ma nfareta.

Kisah 2:30 ပူးပေါင်းရင်းမြစ်များ

Matius 22:43

Ba Yesus norat ewal ira ne, “Wean i afa i fyalak yai kena, na notu afakinimi Ubu Ni Roh nfalak verin Daud ma nfalak ne, ni Duilaꞌa verin Ia. Daud nfalak ne,

Matius 27:35

Rbaku Yesus naꞌa aa walwalur, beti rbataru ma rsiduk ni kadaravit ra.

Markus 12:36

Ubu Ni Roh nleal Daud ralan a ma Daud nfalak ne, ‘Ubu nfalak verin ning Duilaꞌa ne: Mdoku Ning lihir mela a, ti naran i otu ma tamata ovi rira sian Oa rsoak nulu Oa.’

Lukas 24:44

Ia nfalak verin ira ne, “Ini afa ovi ufalak roak verin mia naꞌut i itmunuk obin a. Ufalak verin mia ne, afa ovi Musa ntulis roak naꞌa ni kitab ra, ovu nabi liak ra rtulis vali roak naꞌa rira kitab ra, ovu vali naꞌa Mazmur, na irmunuk rfamalik Yaꞌa. Ubu nfadoku roak ma afa avyai fiang ini musti rvotuk munuk roak!”

Kisah 1:16

Ia nfalak ne, “Terang a valing averi, Ubu nfakena roak afa ovi Raja Daud ntulis naꞌa Surat Ralan. Lalan ana, Ubu Ni Roh nangrihi ovu Daud ma nfamalik Yudas i nban-ulu verin tamata ovi rtaha Yesus.

Roma 1:3

Ubu Ni Ivar Lolin yai nfamalik Ubu Yanan a Yesus Kristus i dida Duilaꞌa verin Ia. Eka tanovak naꞌut i Yesus nleal lanit ivavan a ma neluk tamata, na Ia ubun-nusin Raja Daud. Naꞌuk eka tanovak ne, Yesus Duilaꞌa Ia. Ubu nfaturu lahir ovu Ni ngrebat ne, Yanan Ia naꞌut i nfavaꞌat ewal Ia tali matmatan ovu Ni Roh i nmerat urun.

Roma 15:12

Nabi Yesaya nfalak vali ne, “Tamata isa tali Isai ubun-nusin ra veka nma, ovu Ia veka nfareta bangsa ra munuk, ovu veka rfakloꞌi aꞌuk rira vavaꞌat ra verin Ia.”

2 Timotius 2:8

Mungnanang Yesus Kristus, ubun nusin Raja Daud. Ubu nfavaꞌat ewal roak Ia tali matmatan. Ufamalik Ivar Lolin ini verin tamata ra.

Ibrani 1:1

Terang a valing averi, lalan ana Ubu nangrihi ma rivun roak verin ubud-nusid ra nahu Ni nabi ra. Ia nala lingaꞌan rivun ma nangrihi verin ira.

Ibrani 3:7

Ba terang a valing averi, fara myorang afa ovi Ubu Ni Roh nfalak a wean ini, “Amar ini, wean i mryenar Ubu vain a,

Ibrani 4:7

Ba Ubu nfadoku amar ngorvaꞌan ma tamata ra bisma ryari ira ovu Ia. Amar yai ihin a ne, fiang ini. Tali naꞌut i Musa nanaꞌa, nata varat ratratut relak roak, beti Ubu nfalak afa ini nahu Raja Daud, wean lahir i ufalak roak naꞌa ratan ne, “Amar ini, wean i mryenar Ubu vain a, na deka fyangrebat ralabira ra.”

Ibrani 6:17

Ubu notu vali wean inyai. Ia nfangrebat tamata ovi veka rira tnorung yai ralarira ra, boma rkaꞌa ma lolin ne, Ia wol nsiklabir naꞌa Ni tnorung a. Ia notu wean inyai, tevek nala roak naran a ma al nafwaba ne, veka not-nala afa ovi nfalak roak.

Ibrani 7:21

Naꞌut i Ubu nfili Yesus ma neluk mela falurut, na Ia nafwaba lahir ne, “Yaꞌa ufwaba roak ma veka wol ukati afa ovi ufalak roak naꞌa Ning fawaba a ne, ‘Oa meluk mela falurut, nata ti wol ni wahan.’ ”

2 Petrus 1:21

Nabi lan ra rfamalik Ubu Ni vaivatul ra wol ntali rira ininan ra watan. Naꞌuk rfamalik Ubu Ni vaivatul ovi rarenar lahir tali Ia, tevek Ubu Ni Roh a nfatuang ira ma rfamalik lahir Ni vaivatul ra.

Wahyu 17:14

Ira veka rotu rihi ovu Domba Yanan a, naꞌuk Domba Yanan veka nfaleka ira, tevek Duilaꞌa Ia verin dua ra munuk, ovu Ia neluk Raja verin raja ra munuk. Ia ovu Ni tamata ovi rorang Ia yai veka uturira. Ni tamata avyai, Ubu nfili roak ira, ovu nera ira, tevek rot-orang lalawatan afa ovi Ia nfalak ra.”

Wahyu 19:16

Naꞌa Ni ravit blawat a ovu naꞌa sahin a, rtulis nara ini, “Ia neluk Raja verin raja ra munuk, ovu Duilaꞌa Ia verin dua ra munuk.”