Kisah 16:30 - Surat Ralan na'a Vaidida

³⁰ Nata novun ira rti murin ma norat ne, “Baba averi, yaꞌa musti otu afaka, boma Ubu nsikat yaꞌa tali ning salasilan ra, ma ning vavaꞌat kakiwal?”

Kisah 16:30 ပူးပေါင်းရင်းမြစ်များ

Matius 3:8

Ba fyaturu lahir naꞌa bira vavaꞌat ra ne, myahil ma mtyalik roak tali bira salasilan ra!

Matius 5:7

Ubu naflahar tamata ovi ralarira lolin ma rlobang tamata liak ra, tevek Ia veka nfaturu vali Ni silobang a verin ira.

Lukas 3:10

Ba tamata rivun avyai rorat ia ne, “Wean inyai, na ami veka amotu afaka?”

Kisah 14:15

“Kida averi, afakinimi myotu wean ini? Ami tamata watan ami wean mia! Amnaꞌa ini ma amfamalik Ubu Ni Ivar Lolin verin mia, boma myahil ma deka mryaning ubu ovi wol rot-nala akataka. Myorang aꞌuk Ubu, tevek Ia nvaꞌat ma notu lanit, lanit ivavan a, tahat ovu afa ovi rnaꞌa munuk lahir ralan a.

Kisah 16:17

Vata yai norang lalawatan Paulus ovu ami ma nafwak ne, “Brana ovi rkarya verin Ubu i Ni dawan nlia munuk afakataka. Ira rfamalik ne, wean inba ma Ia veka nsikat mia tali bira salasilan ra, ma bira vavaꞌat kakiwal!”

Kisah 16:24

Tamata yai norang afa ovi ni dawan ra rfalak verin ia, ba nvatuk lahir ira naꞌa buꞌi ralan, beti nala kakeak tmaꞌan al ndadul earira ra naꞌa liri dawan ra.

Kisah 2:37

Ti ma rarenar afa avyai, na ralarira lalau urun, ba rorat vali Petrus ovu rasul liak ra ne, “Kida averi, ki amotu aka?”

Kisah 22:10

Yaꞌa orat ewal ne, ‘Yaꞌa veka otu aka ta Duilaꞌa?’ Duilaꞌa nfalak ne, ‘Bwatar ma muti Damsyik. Naꞌa ineri, na veka lyawan verin oa naꞌa afa ovi veka ufalak ma motu ra.’

Kisah 9:6

Bwatar kikyai ma muti kota ralan eri, tevek naꞌa ineri, na tamata isa veka nfalak verin oa naꞌa afa ovi musti motu ra.”

Yakobus 2:13

Tevek naꞌut i Ubu veka nfaleka inukun verin tamata ra, na wol nfaturu Ni silobang verin tamata ovi wol rfaturu rira silobang verin tamata liak ra. Naꞌuk wean i tamata isa nkaꞌa ma nala ni silobang verin tamata liak, na Ubu veka nala vali Ni silobang verin ia, tevek Ni silobang yai nlia tali inukun i nfaleka roak verin ia.