Kisah 16:25 - Surat Ralan na'a Vaidida

²⁵ Kaꞌa bi nafafruan tenan, na Paulus irua Silas raflurut ovu rdedang ma al raraning Ubu. Tamata liak ovi raꞌabuꞌi roak ira naꞌa inyai rarenar vali.

Kisah 16:25 ပူးပေါင်းရင်းမြစ်များ

Lukas 22:44

Naꞌuk Yesus ralan a lalau urun i lahir, ba ntafal ma naflurut ilaꞌa. Ratin ra wean lara ma rditi rsuta lanun.]

Kisah 15:22

Rasul ra ovu dawan kareda ovi reluk penatua, irmunuk tamata ovi rorang Yesus naꞌa rira sidovung a raꞌan vai isa ma rfili tamata ifira tali ira, ma irmunuk Paulus ovu Barnabas rti Antiokhia. Ba rfili Silas ovu Yudas i rfanara vali ia ne Barsabas. Tamata irua ini rban-ulu vali naꞌa rira sidovung.

Kisah 16:19

Vata yai duan ra rkaꞌa roak ne, wol rdav-nala roak kubang tali ia. Ba rtaha Paulus irua Silas ma rlia soli-sasan ira rti wan i rfedi-rfaha afa naꞌa, ma rdiri dawan fareta waharira ralan ra.

Kisah 16:33

Nafafruan tenan yai vali, na dawan i nfareta buꞌi yai novun irua ma nfamerat rira mngala ra. Nata rbaptis lahir ia ovu ni rahan teta munuk.

Kisah 5:41

Rasul ra rban-talik sidovung dawan yai ovu inar lolin, tevek Ubu nfili ira ma tamata ra rotu sian ira ovu rfalak sian ira, tevek rorang Yesus.

Roma 12:12

Fara ralabira lolin urun, tevek fyakloꞌi aꞌuk bira vavaꞌat ra verin Duilaꞌa. Mtyahang ralabira naꞌut i mtyuan susa, ovu ivaꞌubira ma miflurut lalawatan.

Roma 5:3

Nlia tali inyai, na ita totu inadida lolin naꞌut i tatuan susa ra, tevek tkaꞌa ne, tali susa avyai, na bisma tatahang nal raladida.

2 Korintus 6:10

Velik ne rotu ma ralamami lalau, naꞌuk ralamami lolin urun. Ami tamata kasian ami, naꞌuk amotu ma tamata rivun rkaꞌi naꞌa rira inorang a. Ira ranovak vali ne, ami wol mami afakataka, naꞌuk velik aba, ami mami munuk afakataka.

Efesus 5:19

Mdyedang Ubu naran a ovu dadedang ovi tamata inorang ra rdedang. Mdyedang vali dadedang ovi Ubu Ni Roh nala verin tamata ra ovu dadedang tali mazmur. Mdyedang ma fyadawang Duilaꞌa ovu ralabira urun.

Filipi 2:17

Bira inorang verin Ubu ovu bira karya verin Ia, neluk bira korban ovi rfaloling Ubu ralan a. Wean i Ubu ralan nfalak ma rfedan yaꞌa ma ning vavaꞌat a neluk persembahan al ntafal afa ovi myala verin Ia, na yaꞌa ralang a lolin urun. Yaꞌa veka ovu vali mia munuk ma totu inad lolin, tevek bira inorang nangrebat urun.

Kolose 1:24

Yaꞌa ralang lolin urun, velik ne fiang ini utuan susa, tevek ukarya ma ulobang mia. Yaꞌa veka utuan susa obin, tevek ukarya verin Kristus. Ba fiang ini utuan roak susa, tevek ukarya verin tamata ovi rorang Kristus, naꞌa afa susa ovi Kristus nfadoku ma utuan a. Ita tamata ovi torang Kristus weadida tenan a.

Ibrani 5:7

Naꞌut i Yesus nvaꞌat naꞌa lanit ivavan a obin, na Ia naflurut ovu nvakar ma nfaktanit, ma nera verin Ubu i bisma nfatalik Ia tali matmatan a. Ubu nrenar Yesus Ni falurut ra, tevek Yesus nalang Ia ovu not-orang lalawatan afa ovi Ubu ralan nfalak ra.

Yakobus 1:2

Terang a valing averi, wean i mtyuan angangal te susa naꞌa bira vavaꞌat ra, na inabira lolin watan.

Yakobus 5:13

Tali bir tinemun, na wean i tamata isa ntuan susa, na fyalak verin ia ma naflurut verin Ubu. Wean i tamata isa inan lolin, na fyalak verin ia ma ndedang ma nfadawang Ubu.

1 Petrus 4:14

Wean i tamata ra rfalak sian mia tevek myorang Kristus, na utubira urun, tevek Ubu Ni Roh a, Ni ngrebat a dawan urun i lahir nanaꞌa ralabira ra.