Kisah 15:29 - Surat Ralan na'a Vaidida

²⁹ deka mian afamtahan ovi rala roak al raraning walut ra, deka mian afwatan ihin tali afwatan ovi fyungal ma fyedan ira, ovu deka myenu te mian lara. Deka msyifa tia ma watan ovu tamata ovi wol awabira verin ira. Wean i fyaroa tenabira tali afa avyai, na kena roak mia. Lawan watan inyai ta bir tinemun, ba ki tsituan ewal ita.”

Kisah 15:29 ပူးပေါင်းရင်းမြစ်များ

Lukas 9:61

Tamata liak isa vali nfalak ne, “Duilaꞌa, yaꞌa mane orang Oa, naꞌuk mtorung ma ti utuli tamata ovi rnaꞌa ning rahan a veki.”

Kisah 15:20

Ni lolin a tasusan surat verin ira ma tsurak ira ma deka raꞌan afamtahan ovi rala roak al raraning walut ra, te raꞌan afwatan ihin tali afwatan ovi rfungal ma rfedan ira, ovu deka renu te raꞌan lara. Deka rsifa tia ma watan ovu tamata ovi wol awarira verin ira.

Kisah 18:21

Mane nban-talik ira, na nfalak ne, “Wean i Ubu ralan nfalak, na ki uma ewal.” Nfalak munuk wean inyai, beti nrata ewal kabal lar ma nti talik Efesus.

Kisah 21:25

Tamata ovi wol Yahudi ira naꞌuk rorang roak Yesus, ami amala roak surat verin ira, ma deka raꞌan afamtahan ovi rala roak verin walut ra, deka renu te raꞌan lara, deka raꞌan afwatan ovi rfungal ma rfedan ira, ovu deka rsifa tia ma watan ovu tamata ovi wol awarira verin ira.”

Kisah 23:30

Urenar vali ne, Yahudi ra rafwaba ma rfedan ia, ba ufareta ning tamata ra ma rovun ia ti verin oa ta baba. Ufalak vali verin tamata ovi rmangadu ia ma rtaha ngrihi ini ti verin oa. Ning surat a lawan watan ini.”

2 Korintus 11:9

Naꞌut i itmunuk tnaꞌa wan isa ovu utuan susa, tevek wol ning kubang, na wol otu susa mia ma wol era lablobang tali mia. Naꞌut i wol ning akataka, na terad a valid tamata ovi rorang Yesus tali Makedonia rala afa avyai verin yaꞌa. Naꞌa afaka watan, na usiꞌik wang ma lolin, boma deka era kubang tali mia, ovu veka otu lalawatan wean inyai.

2 Korintus 13:11

Ba terang a valing averi, mane ufakbosal ning surat ini, na ufalak verin mia ne, fara ralabira lolin watan. Era ma fyakena urun afa ovi myotu naꞌa bira vavaꞌat ra, ovu myala ning snurak ra munuk ma rleal ralabira ra. Bira fikiran isa naꞌa afa ovi myotu ra. Msyiotu lolin mia naꞌa bira vavaꞌat ra ma malinan watan, boma Ubu i Nia silobang ovu malinan a, nfatuang mia.

1 Timotius 5:22

Deka fwarlan daꞌin ma fwadoku limam naꞌa tamata ra ma rdoku dawan kareda. Wean i tamata ra rotu salasilan ra, na deka morang ira. Msiꞌik wam ma lolin, boma mu vavaꞌat nmalola.

Yakobus 1:27

Agama i kena naꞌa Ubu wahan ralan a wean ini: ti ma talola varu ra ovu kasikoꞌu ovi rwatat renarir-yamarira ra ma tlobang ira naꞌa rira susa ra, ovu vali deka tfikir te tot-orang, wean tamata ovi inar afa sian ovi rnaꞌa lanit ivavan a.

1 Yohanes 5:21

Yanak averi, msyiꞌik wabira ma lolin ma deka myorang ubu liak ra. Ning surat a lawan watan ini. Salam tali yaꞌa, Yohanes

Yudas 1:24

Mya ma tfadawang Ubu naran a! Ia Ni ngrebat a not-nala ma wol mlyeka naꞌa salasilan, ovu nfamerat nala mia tali bira salasilan ra, boma myerat urun ma ti mdyiri Ubu wahan ralan a. Naꞌut inyai, na mia veka inabira lolin urun naꞌa Ubu vanan i nfitik a nyadat a.

Wahyu 2:14

Naꞌuk utabu mia naꞌa afa ifira, tevek tamata boku tali bira sidovung a rorang afa ovi lan a Bileam nair roak. Ia nfalyawang verin Balak naꞌa afa ovi rotu ma Israel ra rleka naꞌa salasilan ra. Bileam nweang ira ma raꞌan afa ovi rala roak ma al rfadawang walut ra. Ia vali nweang ira ma rsifa tia ma watan ovu tamata ovi wol awarira verin ira.

Wahyu 2:20

Naꞌuk Yaꞌa wol utorung afa isa tali mia, tevek wol mtyab-teri vata i naran Izebel. Ia nfalak ne, nabi ia. Ia nlabir waweang tamata ovi rorang Yaꞌa, ma rsifa tia ma watan ovu tamata ovi wol awarira verin ira, ovu raꞌan afa ovi rala roak ma al rfadawang walut ra.