Kisah 14:18 - Surat Ralan na'a Vaidida

¹⁸ Velik ne rasul irua yai rfalak roak wean inyai, naꞌuk susa watan obin ma rangal tamata rivun avyai, ma deka rasnuri rira karba ra ma raraning ira.

Kisah 14:18 ပူးပေါင်းရင်းမြစ်များ

Matius 13:15

Tevek tamata ovi ralarira ra rasmotak, ba rsibi arurira ra ovu rkubak matarira ra, boma deka rsiꞌik ovu matarira ra, deka rarenar ovu arurira ra, ovu deka rfan-aran ovu ralarira ra. Deka rahil ma rtalik tali rira salasilan ra, ovu deka rdava Yaꞌa i bis otu ma lolin ewal ira.’

Yohanes 6:15

Yesus nkaꞌa afa i tamata rivun avyai ranovak a. Tamata avyai mane rkiwal Ia ma neluk raja verin ira. Ba Yesus nban-talik wan yai ma nti vuar isa ma aksa Ia watan naꞌa inyai.

Kisah 14:17

Naꞌuk Ia notu ma tamata ra rkaꞌa Ia. Ia nfaturu Ni lolin a, ma lokat varat nala daꞌut ovu vali notu ma bira vaꞌi ra ihirira. Ia nala afamtahan rivun verin mia ovu notu ma inabira lolin.”

Kisah 14:19

Nata Yahudi boku rtali Antiokhia ovu Ikonium rma Listra, ma rweang tamata rivun naꞌa inyai ma rteva Paulus, beti rving soli-sasan ia ma rti kota murin. Ira rnarin ne, Paulus nmata roak.