Kisah 13:48 - Surat Ralan na'a Vaidida

⁴⁸ Ba tamata ovi wol Yahudi ira rarenar afa avyai, na inar lolin ma rfadawang Ubu, tevek Ni vaivatul ra naꞌa Yesus. Tamata ovi Ubu nfili roak ira ma rira vavaꞌat kakiwal, rorang Ni vaivatul ra.

Kisah 13:48 ပူးပေါင်းရင်းမြစ်များ

Matius 25:46

Ba tamata ktufan ovi rnaꞌa Ning lihir balit a, veka rti yafwan kakiwal, naꞌuk tamata ovi rira vavaꞌat ra rmalola veka rira vavaꞌat kakiwal.”

Matius 28:16

Yesus Ni tamata vutu rahin isa yai rti Galilea, ma rnaꞌa vuar i Yesus nfalak roak verin ira.

Lukas 7:8

Ukaꞌa lahir ne, afa ovi fwalak ra kena, tevek usoak vali verin ning dawan a, ovu suldadu ra rsoak vali verin yaꞌa. Wean i ufareta suldadu isa ma ufalak ne, ‘Muti,’ na ia nti. Wean i ufalak verin isa vali ne, ‘Mwa,’ na ia nma, te ufalak verin ning tamata sansinir a ne, ‘Mkarya afa ini,’ na ia notu!”

Yohanes 10:16

Yaꞌa Ning domba liak boku vali, naꞌuk wol rasdovu ira obin ovu domba ovi rnaꞌa roak warira ini. Domba avyai musti ovun vali ira, ovu ira veka rarenar vaing a. Ira veka rasdovu ira naꞌa sidovung isa, ovu veka rira domba duan isa watan vali, inyai Yaꞌa.

Yohanes 11:52

Ia wol nmata verin tamata Yahudi ra watan, naꞌuk nmata verin Ubu yanan ra munuk naꞌa wan inba watan, boma nasdovu ira naꞌa isa.

Kisah 13:12

Gubernur yai nsiꞌik afa yai, ba norang lahir Yesus. Ia ntalkaka, tevek rala ngrebat tali Ubu al rair Duilaꞌa verin tamata ra.

Kisah 13:42

Paulus irua Barnabas rsilyaha tali Yahudi rira rahan falurut, na tamata ra rasweang ira ma rfamalik ewal afa avyai verin ira, naꞌut amar i veka nma ma Yahudi ra ryari ira.

Kisah 15:2

Paulus irua Barnabas wol inar lahir afa i tamata avyai rfalak a, ba vair ma dawan. Nata raꞌan vai isa ma irua ovu tamata boku ovi rorang Yesus rti Yerusalem, ma rfamalik afa ini verin rasul ra ovu dawan kareda ovi reluk penatua.

Kisah 15:31

Tamata ovi rorang Yesus rbas munuk surat yai, ba ralarira lolin urun, tevek ihin nfaloling ralarira ra.

Kisah 2:41

Amar yai tamata rivun rorang afa ovi Petrus nfalak naꞌa Yesus, ba ti rbaptis ira. Rarekan tamata ovi beti rorang Yesus amar yai, na tamata rivun itelu.

Kisah 2:47

Ira rfadawang Ubu lalawatan ma tamata ovi rnaꞌa Yerusalem inar ira. Lokat amar, na Duilaꞌa notu ma tamata ra rtafal ma rorang Yesus, ma Ubu nsikat ira tali rira salasilan ra, ma rira vavaꞌat kakiwal.

Kisah 20:13

Amavul kabal lar ma ula ami ma amati kota isa naran Asos ma amsaꞌa Paulus, tevek mane nbana raa nti inyai.

Kisah 22:10

Yaꞌa orat ewal ne, ‘Yaꞌa veka otu aka ta Duilaꞌa?’ Duilaꞌa nfalak ne, ‘Bwatar ma muti Damsyik. Naꞌa ineri, na veka lyawan verin oa naꞌa afa ovi veka ufalak ma motu ra.’

Kisah 28:23

Ba irmunuk Paulus rfadoku amar ma rsituan ira. Naran amar i rfadoku roak ma rsituan ira, na dawan Yahudi rivun ira rma Paulus wan i nleal a. Ia nair ira ma nfalyawang Ubu Ni Fareta Ralan verin ira, tali varverak ti naran lervava. Ia nfamalik afa ovi rtulis roak naꞌa Musa ni inukun ra ovu tali nabi rira kitab ra, ma ndava ralarira ra ma rorang Yesus.

Kisah 8:8

Ba tamata ovi rnaꞌa kota yai ralarira lolin urun i lahir.

Roma 11:7

Ba ufalak wean ini: Lyawan roak ne, tamata Israel rdava lingaꞌan ma rira vavaꞌat ra rmalola naꞌa Ubu wahan ralan a, naꞌuk wol rdav-nala lingaꞌan yai. Tamata boku tali tamata Israel ra, Ubu nfili roak ira ma rtuan lingaꞌan yai. Naꞌuk tamata Israel liak ra, Ubu notu ma ralarira ra rangrebat urun ma wol rorang Ia.

Roma 13:1

Terang a valing averi, tamata iki watan musti not-orang tamata ovi rtaha fareta ra, tevek wol tamata isa vali ni ngrebat ma nfareta, wean i Ubu wol nala ngrebat verin ia. Tamata ovi rtaha fareta bisma rfareta, tevek Ubu nfadoku roak ma rfareta.

Roma 8:28

Fiang ini tkaꞌa roak ne, Ubu nasusan afakataka munuk, boma nala Ni lolin verin tamata ovi rlobang urun Ia. Ubu notu wean inyai, ma wean lahir i ralan a nfalak roak verin tamata ovi nera roak ira ma reluk yanan ra.

1 Korintus 16:15

Terang a valing averi! Mia veka mkyaꞌa roak ne, naꞌa Propinsi Akhaya, na Stefanus ovu ni rahan teta a ula lalean ira ma rorang Kristus. Ira ralarira urun ma rkarya al rlobang tamata ovi rorang Yesus. Wean inyai, bi era urun verin mia, ma myot-orang rira afa ovi rfalak ra, ovu vali tamata ovi irmunuk a rkarya.

Efesus 1:11

Ubu ralan kaꞌi nfalak ma notu munuk afakataka wean lahir i nvolan roak. Tali lalan ana, Ia nvolan roak ma nfili ita ma torang Ia, ovu teluk Ni tamata ovi rorang Ia, tali dida vavaꞌat i isa roak ovu Yesus Kristus.

Efesus 1:19

Era vali ma Ubu notu ma fyan-aran Ni ngrebat i dawan lia munuk. Ia nala ngrebat yai al nlobang tamata ovi rorang Ia. Ni ngrebat yai wean lahir ngrebat i al nfavaꞌat Kristus tali matmatan, ma rata ndoku Ubu Ni lihir mela a, naꞌa lanit ratan ma nfareta.

Efesus 1:4

Naꞌut i wol notu lanit ivavan ini obin, na nfili roak ita tamata inorang ra ma dida vavaꞌat ra rmerat urun, ovu wol dida sala roak naꞌa Ubu wahan ralan a. Ia notu wean inyai, tevek dida vavaꞌat isa roak ovu Kristus.

Efesus 1:5

Ubu Ni silobang a dawan verin ita, ba tali lalan ana, nfadoku roak ma nsikat ita ma teluk yanan ra. Ia ralan kaꞌi nfalak ma notu afa yai nahu Yesus Kristus, tevek afa yai notu ma ralan a lolin urun.

2 Tesalonika 3:1

Ba teramam-valimami averi naꞌa Yesus Kristus, amera verin bir tinemun ma miflurut verin ami. Myera verin Ubu ma Ni Ivar Lolin yarak ti naran wan rivun, boma tamata rivun veka rorang, wean lahir lan a mryenar ma myorang.