Ibrani 7:23 - Surat Ralan na'a Vaidida

²³ Terang a valing averi, eka tanovak ewal naꞌa afa isa ini. Tamata Yahudi rira mela falurut ra musti rivun ira, boma naꞌut i rmata, na liak ra bisma rkati ira ma rfabana rira karya a.

Ibrani 7:23 ပူးပေါင်းရင်းမြစ်များ

Matius 3:14

Naꞌuk Yohanes nafena. Ia nfalak ne, “Velik aba Oa bwaptis yaꞌa, tevek wol verang a ratang Oa. Notu afakinimi mwa ma mera verin yaꞌa ma ubaptis Oa i?”

Ibrani 7:21

Naꞌut i Ubu nfili Yesus ma neluk mela falurut, na Ia nafwaba lahir ne, “Yaꞌa ufwaba roak ma veka wol ukati afa ovi ufalak roak naꞌa Ning fawaba a ne, ‘Oa meluk mela falurut, nata ti wol ni wahan.’ ”

Ibrani 7:22

Tali Ubu Ni fawaba yai, na ita tkaꞌa tnorung ngorvaꞌan a tali afa i Yesus notu a. Tnorung yai lolin lia Musa ni inukun ra, ovu Ia veka nfakena lahir Ni tnorung yai.

Ibrani 7:24

Naꞌuk Yesus nvaꞌat nata ti wol ni wahan, ba Ia neluk mela falurut, nata ti wol ni wahan. Wean inyai bi wol mela falurut liak roak ma rkati Ia.

Ibrani 7:8

Yahudi rira mela falurut ra rala perpuluhan tali tamata Israel ra, naꞌuk veka naran ni amar a ma rmata vali. Naꞌuk Melkisedek nala vali perpuluhan tali Israel ra, ovu rtulis naꞌa Surat Ralan ne, nvaꞌat, nata ti wol ni wahan.