Ibrani 13:21 - Surat Ralan na'a Vaidida

²¹ nala Ni kalolin a, Ni ngrebat a, ovu afaka watan verin mia, boma myotu watan afa ovi ralan nfalak a. Fara Yesus Kristus nlobang ita ovu Ni ngrebat a, boma tot-nala afa lolin ovi rotu ma Ubu ralan a lolin a. Mya ma tfadawang Kristus, nata ti wol ni wahan. Kena urun!

Ibrani 13:21 ပူးပေါင်းရင်းမြစ်များ

Matius 12:50

Tevek tamata iki watan not-orang afa ovi Yamang i nleal lanit ratan, ralan nfalak a, na Yaꞌa renang ovu urang a waring ira.”

Matius 21:31

Ba tali yanan a brana irua yai, na iki not-orang afa i yaman a nfalak a?” Ira rfalak ne, “Yanan iyaꞌan.” Ba Yesus nfalak verin dawan Yahudi avyai ne, “Afa i ufalak verin mia ini, kena urun! Tamata ovi baꞌi rera babahir kulu, ovu vatlean ra, veka ula ira ma ti rnaꞌa Ubu Ni Fareta, beti mia.

Matius 28:20

Myair ira ma rot-orang afa ovi ufareta munuk roak verin mia yai. Yaꞌa veka ufatuang mia, nata ti naran i lanit ivavan namwear a.”

Matius 6:13

Deka mtorung ma tamata te nitdawan nlabir teman ami, ba fwaroa tali ami nitdawan ovu ni siweang. [Tevek Oa mtaha fareta, Oa Mua ngrebat a, ovu vanam a nfitik nyadat ma ti wol ni wahan. Kena urun!]

Matius 7:21

“Tamata rivun veka rera Yaꞌa ne, ‘Duilaꞌa, Duilaꞌa,’ naꞌuk wol mane ira munuk ti rnaꞌa Ubu Ni Fareta a. Tamata ovi rot-orang Yamang i naꞌa lanit ratan Ni afa ovi ralan nfalak ra, na ira watan veka rnaꞌa Ni Fareta a.

Yohanes 17:23

Ning vavaꞌat isa watan ovu ira, ovu vali Bapa ovu Yaꞌa isa watan ita, boma irmunuk isa watan ira. Wean inyai, boma tamata ovi rnaꞌa lanit ivavan a rkaꞌa ne, Oa msinir Yaꞌa, ovu vali mlobang ira wean lahir i mlobang Yaꞌa.

Yohanes 7:17

Tamata iki watan inan ma not-orang afa ovi Ubu ralan nfalak a, na ia veka nkaꞌa ne, afa ovi air ra rtali Ubu, te Yaꞌa kaꞌi ufalak watan.

Roma 11:36

Ubu notu munuk roak afakataka ovu afakataka munuk rnaꞌa, tevek Ni ngrebat ma nfareta afa avyai munuk, boma traning Ia. Ba tfadawang Ubu, nata ti wol ni wahan. Kena urun.

Roma 16:27

Tfadawang Ubu! Ubu ikisa watan Ia. Ia aꞌuk saꞌi Ni kakaꞌa dawan naꞌa afaka watan. Inovan ma tfadawang Ia, nata ti wol ni wahan, tevek afa ovi Yesus Kristus notu ra. Kena urun. Ning surat a lawan watan ini. Salam tali yaꞌa, Paulus

2 Korintus 9:8

Ubu Ni ngrebat ma nala Ni kalolin a munuk verin mia, boma nfakena afakataka munuk naꞌa bira vavaꞌat ra. Ia notu munuk wean inyai verin mia, boma myot-nala munuk karya lolin ra ma al mlyobang tamata liak ra.

Galatia 1:5

Tfadawang aꞌuk Ia, nata ti wol ni wahan! Kena urun.

Efesus 2:10

Fiang ini Ubu i notu roak ita, notu vali ma dida vavaꞌat ra ngorvaꞌan ewal roak, tevek dida vavaꞌat isa roak ovu Kristus Yesus. Ia notu wean inyai, boma totu afa lolin ovi nfadoku roak tali lalan a verin ita.

Efesus 2:18

Kristus notu wean inyai, bi tamata Yahudi ra ovu ovi wol Yahudi ra, dida lingaꞌan ma tfaseri Yamadida, tevek ngrebat i ntali Ubu Ni Roh a, ikisa watan.

Filipi 2:11

Ira munuk veka rtorung ma rfalak ne, “Yesus Kristus Duilaꞌa Ia.” Afa yai notu ma ira munuk ralang ovu raraning Yamadida Ubilaꞌa.

Filipi 2:13

Myotu wean inyai, tevek Ubu nkarya naꞌa ralabira ra, boma inabira ma myotu afa ovi rfaloling Ubu ralan a, ovu Ia nlobang mia ma myot-nala afa avyai.

Filipi 4:13

Kristus nala Ni ngrebat a verin yaꞌa ovu nlobang yaꞌa, ma bis utahang nal ralang naꞌa afaka watan.

Filipi 4:18

Yaꞌa ala roak afa rivun ovi myala roak verin yaꞌa, ma nlia tali afa ovi udava, tevek Epafroditus ntaha munuk roak afa ovi myala yai verin yaꞌa. Kubang ovi myala yai naran roak ovu neluk korban i voan a lolin ma nfaloling Ubu ralan a.

Kolose 3:17

Fara afa ovi myotu ra munuk, ovu afa ovi fyalak ra munuk musti wean lahir i myotu ma fyaturu lahir Duilaꞌa Yesus naꞌa bira vavaꞌat ra. Fyalak fara weninyai lalawatan verin Yamadida Ubilaꞌa, nahu Yesus.

Kolose 3:20

Kasikoꞌu ra vali musti mryenar renabir-yamabira ra ovu myot-orang munuk afa ovi rfalak ra. Myotu wean inyai, na myotu ma Duilaꞌa ralan a lolin.

Kolose 4:12

Epafras nala vali salam verin mia. Ia ntali vali bira sidovung i naꞌa Kolose. Ia nkarya verin Kristus Yesus ovu ivaꞌun urun ma naflurut verin mia. Naflurut, boma bira dardirin a nangrebat naꞌa bira inorang a, ma mkyaꞌa lahir ma myot-orang afa ovi Ubu ralan nfalak ra.

1 Tesalonika 3:13

Amera vali verin Duilaꞌa ma nfangrebat ralabira ra ma notu ma ralabira ra rmerat urun, ovu vali wol bira sala naꞌa Yamadida Ubilaꞌa wahan ralan a, naꞌut i dida Duilaꞌa Yesus nma ewal ovu Ni tamata ovi rorang Ia.

1 Tesalonika 4:3

Ubu ralan nfalak ma bira vavaꞌat ra rmalola, ba deka mtyuba ovu tamata ovi wol awabira verin ira.

1 Tesalonika 5:23

Fara Ubu i notu ma dida vavaꞌat ra malinan, notu ma raladida ra munuk rmalola. Amera vali ma fara Ubu nlobang mia, boma tenabira ra, ovu ralabira ra, ntafal vali bira roh a rmalola, boma wol bira sala, ti naran amar i dida Duilaꞌa Yesus Kristus nma ewal.

1 Timotius 1:17

Talang ovu tfadawang Ubu. Ia Raja dawan Ia, ba Ni fareta wol ni wahan. Ia wol nmata ovu vali wol trea Ia. Ubu ikisa watan. Mya ma tfadawang naran a. Kena urun!

1 Timotius 5:10

Tamata liak musti rsiꞌik roak ne, ia baꞌi notu afa lolin, wean i notu lolin yanan ra, nsiꞌik ma lolin mangun ovi rlolak ia, nfakabava tenan a ma nlobang tamata ovi rorang Yesus, nlobang tamata ovi rtuan susa ra, ovu notu lalawatan afa ovi lolin ra.

1 Timotius 6:16

Ubu aꞌuk wol nmata. Ia nvaꞌat naꞌa lyawan i nfitik nyadat a, ma wol tamata isa nfaser-nala Ia. Wol tamata isa vali bisma nsiꞌik nala Ia. Ni fareta wol ni wahan, ba tfadawang aꞌuk Ia. Kena urun.

2 Timotius 3:17

Wean inyai, na Surat Ralan nlobang Ubu Ni tamata ra munuk, boma nfakesi ira ma rot-nala afa lolin ra munuk.

2 Timotius 4:18

Duilaꞌa veka nbelat yaꞌa ma nfaroa sian tali yaꞌa. Ia veka novun yaꞌa ma ti unaꞌa Ni Fareta naꞌa lanit ratan. Ita tfadawang Ia lalawatan. Kena urun!

Ibrani 10:36

Mia musti mtyahang nal ralabira naꞌa bira inorang a, boma wean i myotu lalawatan afa ovi Ubu ralan nfalak a, na bira munuk afa ovi Ubu ntorung roak ma nala verin mia.

Ibrani 12:23

Mia mtyuan roak sidovung i neluk Ubu yanan iyaꞌan ra. Tamata avyai tamata inorang ovi Ubu ntulis roak nararira ra naꞌa lanit ratan. Mia mtyuan vali Ubu i nfaleka inukun verin tamata ra munuk. Mtyuan vali tamata ovi rira vavaꞌat ra kena ovu afa ovi Ubu ralan nfalak a, rira roh ra.

Ibrani 12:28

Ba wean inyai, na ita musti tfalak fara weninyai verin Ubu, tevek Ni Fareta i nala verin ita wol bisma nakvisal. Mya ma tfadawang Ubu ovu tfalak fara weninyai verin Ia, ma tfaloling ralan a, ovu vali talang ovu tbobar Ia.

Ibrani 13:16

Deka miblufang ma myotu afa ovi lolin ra ovu mlyobang tamata liak ra, tevek afa avyai reluk korban ovi rfaloling Ubu ralan a.

1 Petrus 2:5

Fyaseri roak Ia ma myala bira vavaꞌat ngorvaꞌan a, ba mia weabira vali vatu ovi rvaꞌat ra. Ubu nala mia ma al nfadiri Ni rahan a, ovu Ubu Ni Roh nleal roak ralabira ra. Ia notu ma mia myeluk Ni tamata ovi nfili ra, ma bira karya wean mela falurut ra ma myala korban verin Ia, wean lahir i ralan nfalak a. Ubu ntorung bira korban yai, tevek afa ovi Yesus Kristus notu roak verin mia.

1 Petrus 4:2

Ba myorang afa ovi Ubu ralan nfalak ra naꞌut i byaꞌat obin naꞌa lanit ivavan a. Deka mane myorang watan bira ininan sian ra.

2 Petrus 3:18

Naꞌuk era ma fara mtyafal bira inorang naꞌa Duilaꞌa Yesus Kristus, Raja i ntevut dida salasilan ra, ma fyarnuang Ni rala lolin verin mia. Myair vali ma mkyaꞌa Ia. Tfadawang Duilaꞌa fiang ini, nata ti wol ni wahan. Kena urun. Ning surat i utulis ini, lawan watan ini. Ya'a Petrus, ala salam verin mia

1 Yohanes 2:17

Lanit ivavan ini ovu afa ovi tamata ra inar veka rlia rmamu munuk, naꞌuk tamata ovi rot-orang afa ovi Ubu ralan nfalak ra, na ira veka rira vavaꞌat kakiwal.

1 Yohanes 3:22

ovu wean i tera afaka watan tali Ubu, na veka nala verin ita, tevek tot-orang roak afa ovi nfalak ma totu ra, ovu dida vavaꞌat ra rotu ma ralan lolin watan.

Yudas 1:25

Ubu ikisa watan. Ia nsikat roak ita tali dida salasilan ra, nahu dida Duilaꞌa Yesus Kristus. Mya ma traning Ubu. Ni dawan a ovu Ni ngrebat ma nfareta, naꞌut i lanit ivavan a wol nanaꞌa obin, ma naran amar ini, nata ti wol ni wahan. Kena urun! Ning surat a lawan watan ini. Salam tali yaꞌa, Yudas

Wahyu 4:6

Naꞌa wan i Tamata isa ndoku ma nfareta yai ngoran a, na afa isa vali wean tahat. Afa yai nyadat ma wean kaca ngangiar i vanan urun ia, naran kristal. Naꞌa wan i Tamata isa ndoku ma nfareta yai ni lihir mela-balit a, na afa ifaꞌat ovi rvaꞌat ma raling ma lolan watan ira rnaꞌa susun ra. Matarira rnaꞌa munuk waharira ralan ra, ovu tetarira ratan ra, ovu vali rsoru munuk lahir tenarira ra.

Wahyu 5:13

Yaꞌa urenar munuk tamata ra ovu afa ovi rvaꞌat naꞌa lanit ratan, ovu ovi rnaꞌa lanit i vavan a, ovu vali ovi rnaꞌa letvava. Urenar munuk vali afa ovi rnaꞌa tahat ralan a. Afa avyai munuk rfalak ne, “Amdedang verin Ia i ndoku wan i Ubu ndoku ma nfareta a, ovu Domba Yanan a. Amfadawang ovu amraning Ia, tevek amalang Ia. Amfakaratat Ia, tevek Ni dawan a rahi lia munuk ovu Ni fareta a dawan lia munuk afakataka. Amfamalik Ia, nata ti wol ni wahan!”

Wahyu 5:9

Ira rdedang dadedang ngorvaꞌan isa verin Domba Yanan yai, tevek ralang Ia, ma rfalak ne, “Oa aꞌuk saꞌi Mu vavaꞌat nmalola, ba inovan ma mala buku lalulung yai ovu mkamsat ni segel ra. Tamata ra rfedan roak Oa ma laram a nvoat al mtevut tamata ra tali rira salasilan ra, ma reluk Ubu Ni tamata ra. Tamata avyai rtali arun dawan ra munuk, negara ra munuk, bangsa ra munuk ovu vali rtali vai ovi rnaꞌa lanit ivavan a munuk.