Ibrani 12:18 - Surat Ralan na'a Vaidida

¹⁸ Terang a valing averi munuk, mia wol mtyuan afa ovi lan ana tamata Israel ra rtuan ovu rsiꞌik naꞌa vuar Sinai. Ira rtuan nait fufakmetan ovu yafu i nonga ma nabaꞌal naꞌa inyai. Naꞌut inyai, na deda fafyat nkum-teri vuar yai.

Ibrani 12:18 ပူးပေါင်းရင်းမြစ်များ

Roma 6:14

Ba salasilan a wol nfareta roak mia, tevek wol msyoak roak verin Musa ni inukun ra. Naꞌuk bira vavaꞌat ra rnaꞌa watan Ubu Ni rala lolin i nfaturu roak verin mia.

Roma 8:15

Ba Ubu Ni Roh i nala verin mia yai wol notu ma myeluk tamata sansinir ma byobar, naꞌuk nsikat mia ma myeluk roak Ubu yanan ra. Ni Roh yai nleal lokat ita raladida ra, ma bisma tera Ubu ne, “Bapa, o Bapa!”

2 Korintus 3:7

Lalan ana, Ubu ntulis Ni inukun ra naꞌa vatu nglavar irua. Inukun avyai rvua matmatan verin tamata ovi wol rot-orang. Velik ne wean inyai, naꞌuk naꞌut i Ubu nala Ni inukun avyai verin Musa, na vanan i nfitik nyadat a vanan naꞌa Musa wahan ralan. Tamata Israel ra wol bisma rsiꞌik ma mnanat Musa wahan a, velik ne Ubu vanan yai mane nlia roak naꞌa Musa wahan a. Lyawan urun ne, Ubu Ni tnorung ngorvaꞌan i Ni Roh nala a, nma roak ovu vanan i nfitik nyadat a ma vanan a nlia tali inukun mnanat avyai.

2 Korintus 3:9

Tevek wean i Musa ni inukun ovi rotu ma tamata ra rmata, vanan a lyawan urun, na Ubu Ni tnorung ngorvaꞌan i notu ma dida vavaꞌat ra rmalola, vanan a lyawan lia tali inukun mnanat yai vanan a.

2 Timotius 1:7

Deka bwobar ma fwabana karya yai, tevek Ubu nala Ni Roh verin ita, ovu wol mane nfabobar ita. Naꞌuk Ni Roh nfangrebat ovu nfangora lahir ita ovu Ni rala lolin a, ovu notu ma tkaꞌa ma tatahang nal raladida ra naꞌa afaka watan.