Ibrani 11:33 - Surat Ralan na'a Vaidida

³³ Ira rorang Ubu, ba boku tali ira rfaleka bangsa ra. Boku rot-orang afa ovi Ubu ralan nfalak ra naꞌa rira vavaꞌat ra, ovu boku rtuan roak afa ovi Ubu ntorung ma nala verin ira. Boku vali bisma rtaha motak singa sumarira ra.

Ibrani 11:33 ပူးပေါင်းရင်းမြစ်များ

Matius 5:12

Lalan ana, rwi-rwa vali Ubu Ni nabi ra, ba ti ma rwi-rwa mia, na ralabira lolin ovu inabira lolin watan, tevek Ia veka naval ma dawan mia naꞌa bira rala lolin a, naꞌa lanit ratan.”

Galatia 3:16

Ubu nala lan Ni tnorung a verin Abraham ovu ubun-nusin isa. Ia wol nfalak naꞌa Ni Surat Ralan ne, “Abraham ubun-nusin ra veka rira tnorung yai,” naꞌuk nala tnorung yai verin Abraham ubun-nusin ikisa watan. Inyai nfaturu Kristus.

2 Timotius 4:17

Naꞌuk Duilaꞌa nfatuang yaꞌa ma nfangrebat yaꞌa, ba ufamalik Ni Ivar Lolin a verin tamata ovi wol Yahudi ra ma rarenar munuk. Ubu nlobang yaꞌa ma tamata ovi mane rfedan yaꞌa wol rot-nala.

Ibrani 10:36

Mia musti mtyahang nal ralabira naꞌa bira inorang a, boma wean i myotu lalawatan afa ovi Ubu ralan nfalak a, na bira munuk afa ovi Ubu ntorung roak ma nala verin mia.

Ibrani 11:17

Abraham norang Ubu, ba nala lahir yanan i Ishak a ma neluk ni korban verin Ubu, naꞌut i Ubu nlabir teman ia naꞌa ni inorang a. Ubu nfalak lan verin Abraham ne, “Ishak ubun-nusin ra veka reluk ubum-nusim, wean lahir i ufalak roak naꞌa Ning tnorung verin oa.” Naꞌuk velik ne wean inyai, na ia ntorung watan ma nala lahir yanan ikisa laloꞌi ini ma neluk ni korban verin Ubu.

Yakobus 2:18

Snain tamata isa nfalak vali wean ini verin tamata ra ne, “Tamata boku rfalak ne, rira inorang, naꞌuk wol rfaturu rira inorang naꞌa afa ovi rotu ra. Boku vali rfaturu rira inorang tali afa ovi rotu ra.” Yaꞌa mane uvalat tamata ovi rangrihi wean inyai, ma ufalak ne, “Mia fyaturu verin yaꞌa naꞌa i wean inba ma tsiꞌik tamata ovi rorang Yesus, naꞌuk wol rfaturu ne, rotu afaka verin Ubu. Yaꞌa mane ufaturu ning inorang tali afa ovi otu ra.”

1 Petrus 5:8

Msyiꞌik wabira ma lolin, tevek nitdawan ni sian mia. Ia wean singa i vain dawan ma nbana tia ma watan ala ndava fanaꞌan.