Galatia 5:25 - Surat Ralan na'a Vaidida

²⁵ Ubu Ni Roh a nala roak vavaꞌat ngorvaꞌan verin ita, ba ita musti tvaꞌat wean i nfaturu verin ita.

Galatia 5:25 ပူးပေါင်းရင်းမြစ်များ

Yohanes 6:63

Ubu Ni Roh nala vavaꞌat verin tamata ra. Tamata rira ngrebat ra wol rot-nala ma rira vavaꞌat a. Vaivatul ovi ufalak roak verin mia ini, rtali Ubu Ni Roh ovu rala vavaꞌat verin mia.

Roma 8:10

Naꞌuk wean i Kristus nanaꞌa ralabira ra, na velik ne tenabira ra musti rmata tevek salasilan ra, Ubu Ni Roh a nala vavaꞌat kakiwal verin mia, tevek notu roak ma bira vavaꞌat ra rmalola naꞌa wahan ralan a.

Roma 8:2

tevek Ubu Ni Roh nala vavaꞌat ngorvaꞌan verin ita nahu Kristus Yesus. Wean inyai bi, nfatalik ita tali matmatan ovu dida salasilan ra. Ba matmatan ovu salasilan wol rfareta roak ita.

1 Korintus 15:45

Rfadoku roak naꞌa Surat Ralan ne, “Ubu notu lan lalean Adam ma nvaꞌat ula ia.” Naꞌuk Adam i nbana marmuri lalean a, inyai Kristus i nala vavaꞌat verin afakataka munuk.

2 Korintus 3:6

Ia nfangrebat vali ami, ba bisma ameluk tamata sansinir ma amfamalik Ni tnorung ngorvaꞌan. Ni tnorung ngorvaꞌan yai wol wean tnorung mnanat a, tevek tnorung ngorvaꞌan yai ntali Ubu Ni Roh, ovu wol rtulis naꞌa inukun ovi Ubu nala verin Musa. Inukun ovi rtulis roak yai rvua matmatan, tevek tamata ra wol bisma rot-orang munuk. Naꞌuk naꞌa Ubu Ni tnorung ngorvaꞌan a, na Ni Roh a nala vavaꞌat kakiwal verin tamata ra.

Galatia 5:16

Terang a valing averi, mane ufalak verin mia wean ini. Naꞌa bira vavaꞌat ra, na myot-orang watan afa ovi Ubu Ni Roh nfalak verin mia, boma deka myorang bira ininan sian ra.

Filipi 3:3

Velik aba, Ubu Ni tamata mngaꞌun verin ita, tevek tala roak sunat i kena naꞌa raladida ra, na ira wahal. Ubu Ni Roh a nlobang ita ma tfadawang Ubu ovu traning Kristus Yesus. Ita wol tfakloꞌi dida vavaꞌat ra naꞌa afa ovi totu ra naꞌa lanit ivavan ini, wean i tsunat tamata ra.

1 Petrus 4:6

Wean inyai, bi Ubu ralan nfalak vali ma tamata matmatan ra rarenar Ni Ivar Lolin a. Velik ne Ubu nfaleka inukun verin tenarira ra ma rmata, wean lahir Ia nfaleka inukun verin tamata ra munuk. Naꞌuk Ubu ralan nfalak wean inyai, boma rira roh ra bisma rvaꞌat vali naꞌa lanit ratan.

Wahyu 11:11

Naꞌuk amar itelu ovu amar isa ni lihir nelak roak, na Ubu nal-ewal nan a verin Ni tamata irua yai ma rvaꞌat ewal, ba rbatar ma rdiri. Ba tamata ovi rsiꞌik ira rbobar urun i lahir.