Galatia 4:16 - Surat Ralan na'a Vaidida

¹⁶ Fiang ini minovak ne, bira sian yaꞌa, tevek ufalak afa ovi kena ra verin mia?

Galatia 4:16 ပူးပေါင်းရင်းမြစ်များ

Yohanes 7:7

Tamata ovi rnaꞌa lanit ivavan a inar watan mia, naꞌuk wol inar lahir Yaꞌa, tevek ufalak ne, afa ovi rotu ra sian.

Yohanes 8:45

Ba mia wol myorang Yaꞌa, tevek ufalak afa ovi kena ra.

Galatia 2:14

Usiꞌik, na rira afa ovi rotu ra wol inovan roak ovu Ubu Ni Ivar Lolin i mngaꞌun a, ba ufalak verin Petrus naꞌa waharira ralan ra ne, “Velik ne oa tamata Yahudi oa, naꞌuk mu vavaꞌat a wean tamata ovi wol Yahudi ra. Motu roak wean inyai, na wean inba ma mkiwal tamata ovi wol Yahudi ira ma rot-orang tamata Yahudi rira adat ra?”

Galatia 2:5

Naꞌuk ami wol amtorung lahir ma amorang afa siklabir ovi rfalak ra, boma myorang aꞌuk Ivar Lolin mngaꞌun a.

Galatia 4:15

Ba naꞌut inyai, na inabira lolin urun, naꞌuk fiang ini inabira lolin yai nahu ba nti? Yaꞌa bis ufalak lahir ne, naꞌut inyai, na myotu afaka watan ma al mlyobang yaꞌa, ma naran i mtyorung ma mkyivul matabira ra ma myala verin yaꞌa!

Galatia 4:17

Tamata avyai inar ma myot-orang Musa ni inukun ra, naꞌuk afa ovi rotu ra wol lolin. Ira inar ma tsisala raladida, boma myorang ira ovu ralabira urun, ma deka myorang ami.

Galatia 5:7

Lan ana, ivaꞌubira urun ma myorang Yesus Kristus. Naꞌuk iki nangal mia, ma fiang ini wol myorang roak Ivar mngaꞌun a? Mia wean tamata i nafla silalia ma ula ia, naꞌuk tamata isa nafla teri ia.