Galatia 3:17 - Surat Ralan na'a Vaidida17 Afa i ufalak ini ihin a wean ini: lan ana, Ubu nala roak Ni tnorung a verin Abraham. Varat ratut ifaꞌat rahin vututelu nelak roak, beti nala inukun ra verin Musa. Ni inukun avyai rban-muri, ba wol raꞌi vatuk nala Ubu Ni tnorung yai. အခန်းကိုကြည့်ပါ။ |
Ubu nfadoku ma Yesus ntuan inukun ma al nkati inukun i musti tatuan tevek dida salasilan ra, ma kaꞌi nala tenan ma nmata ovu laran a nvoat ma ntevut dida salasilan ra, wean i torang Yesus. Ubu kena Ia, naꞌuk tali lalan ana, wol nukun tamata ra naꞌa rira salasilan ra, tevek ntahang nal ralan naꞌa rira salasilan ra. Naꞌuk fiang ini, nahu Yesus Ni matmatan a, na Ubu nfaturu ne, Ia nukun lahir tamata ra naꞌa rira salasilan ra, ovu wean i rorang Yesus, na ntorung ma nala ira wearira tamata ovi rira vavaꞌat ra rmalola.
Naꞌut inyai, na mia wol bira vavaꞌat isa ovu Kristus, ovu wol mkyaꞌa Ia. Mia wol tamata Israel mia, ovu vali tamata dakan mia, ba wol myala tnorung i Ubu notu roak verin Abraham ovu ubun-nusin ra. Lan ana, mnyaꞌa lanit ivavan ini, naꞌuk wol fyikir aran ma myala afa lolin isa vali naꞌa amar ovi veka rma ini, ovu wol mkyaꞌa Ubu.
Tamata avyai munuk rira inorang a nangrebat, ti naran i rmata a. Ira wol rtuan obin afa ovi Ubu nfalak roak naꞌa Ni tnorung ma nala verin ira, naꞌuk rkaꞌa ne amar isa, na veka rira afa avyai, ovu wol rafla talik rira inorang a. Naꞌut i rvaꞌat obin, na rtorung ne, tamata dakan ovu mangun ira naꞌa lanit ivavan ini.