Galatia 2:20 - Surat Ralan na'a Vaidida

²⁰ Ba wol uvaꞌat watan wean lan a, naꞌuk Kristus nvaꞌat naꞌa ralang a. Naꞌa ning vavaꞌat a, na uvaꞌat ovu ning inorang naꞌa Ubu Yanan a. Ia nlobang yaꞌa, ba nmata verin yaꞌa.

Galatia 2:20 ပူးပေါင်းရင်းမြစ်များ

Matius 20:28

Wean vali inyai verin Yaꞌa, Tamata Yanan Yaꞌa. Yaꞌa wol uma ma usinir tamata ra ma rlobang Yaꞌa. Naꞌuk uma ma ulobang tamata ra ovu umata al ukvanak tamata rivun tali rira salasilan ra.”

Matius 4:3

Ba nitdawan nma ma nlabir teman Ia ma nfalak ne, “Wean i Ubu Yanan urun Oa, na eka motu ma vatu ovi rnaꞌa afamtahan ma muan.”

Yohanes 1:49

Natanael nfalak ne, “Tuan Guru, Ubu Yanan Oa ovu Raja Oa verin tamata Israel ra!”

Yohanes 10:11

Yaꞌa ini domba duan i lolin a. Domba duan i wean inyai, nmata verin ni domba ra.

Yohanes 15:13

Tamata i ntorung ma nmata al nakvanak ni kida ra, na tamata yai nfaturu roak silobang i dawan lia munuk.

Yohanes 17:21

Era verin Oa ta Bapa, boma motu ma isa watan ira, wean lahir Yaꞌa uleal ralam a ovu mleal ralang a. Era vali ma ira ovu ita isa watan, boma tamata ovi rnaꞌa lanit ivavan a rorang ne, Oa msinir roak Yaꞌa.

Yohanes 3:16

Ubu Ni silobang dawan urun verin tamata ra naꞌa lanit ivavan a, ma nala lahir Yanan ikisa laloꞌi a, boma tamata iki watan norang Ia, na veka wol nmata kakiwal, naꞌuk veka nvaꞌat, nata ti wol ni wahan.

Yohanes 3:35

Ubu nlobang urun Yanan a, ovu nala roak Ni ngrebat a verin Ia ma nfareta munuk afakataka.

Yohanes 6:57

Yamang i nvaꞌat a nsinir Yaꞌa ma uma, ovu Ning vavaꞌat ntali Ia. Wean vali inyai verin tamata ra. Tamata iki watan naꞌan tenang a, na veka ala vavaꞌat verin Ia.

Yohanes 6:69

Ami amorang roak Oa. Amkaꞌa lahir ne, Oa ini Ubu Ni sansinir a, ovu Mu vavaꞌat a nmerat urun.”

Kisah 8:36

Ira rbana nata ti ma raran wan isa i wear nanaꞌa. Tamata yai nfalak verin Filipus ne, “Baba, eka msiꞌik wear ini! Afaka wol kena obin ma wol bwaptis yaꞌa?” [

Kisah 9:20

Ia nti lahir Yahudi rira rahan falurut ra ma nfamalik Yesus verin tamata ra ne, Ubu Yanan Ia!

Roma 1:17

Tevek naꞌa Ubu Ni Ivar Lolin yai, na Ia nfaturu ne, wean inba ma notu ma tamata rira vavaꞌat ra rmalola naꞌa wahan ralan a. Ia nfakena afa yai nahu lingaꞌan isa watan: torang aꞌuk Ia. Inyai wean lahir i rtulis roak naꞌa Surat Ralan ne, “Tamata ovi rira vavaꞌat ra rmalola, tevek rorang Ubu, na ira veka rira vavaꞌat kakiwal ovu Ia.”

Roma 14:7

Tali did tinemun, na wol tamata isa vali naꞌa ni vavaꞌat a, kaꞌi nfikir watan tenan a. Wol tamata isa vali nmata tevek afa ovi ralan nfalak ra watan.

Roma 3:22

tamata rira vavaꞌat ra bisma rmalola naꞌa Ubu wahan ralan a, tevek rorang Yesus Kristus. Ubu notu wean inyai verin tamata ovi rorang munuk Yesus Kristus, ovu Ia wol nfili tamata, tevek ita weadida isa watan.

Roma 4:25

Ubu ntorung ma tamata ra rfedan Yesus, tevek dida salasilan ra. Nata nfavaꞌat ewal Ia, boma dida vavaꞌat ra rmalola naꞌa Ubu wahan ralan a.

Roma 5:2

Yesus notu lingaꞌan roak verin ita, bi Ubu nfaturu Ni rala lolin verin ita tevek torang Ia. Fiang ini dida vavaꞌat naꞌa roak Ubu Ni rala lolin a ovu inadida lolin, tevek torang urun ne, Ubu veka nala ita ma tovu Ia naꞌa vanan i nfitik nyadat a.

Roma 5:6

Naꞌut i ita wol dida lingaꞌan ma tati talik inukun i musti tatuan tevek dida salasilan ra, na Kristus kaꞌi nmata verin ita, tamata ovi tafena ma tot-orang afa ovi Ubu nfalak ra. Ia notu wean inyai naꞌa amar i nfadoku roak.

Roma 5:8

Naꞌuk Ubu nfaturu Ni silobang i dawan urun verin ita nahu Kristus i nmata roak verin ita, naꞌut i tamata salasilan ita obin.

Roma 6:13

Deka myala eabir-limabira ra, te afa ovi rnaꞌa tenabira ra munuk ma salasilan nfareta mia, ma myotu afa ovi sian ra. Naꞌuk myala tenabira ra verin Ubu, tevek matmatan wol nfareta roak mia, ovu fiang ini bira vali vavaꞌat ngorvaꞌan. Myala tenabira ra munuk lahir verin Ubu, boma myotu watan afa ovi kena ra, ovu wean lahir Ubu ralan nfalak a.

Roma 6:8

Ba wean i tovu roak naꞌa Kristus Ni matmatan a, na torang urun ne, veka tvaꞌat vali ovu Ia.

Roma 8:10

Naꞌuk wean i Kristus nanaꞌa ralabira ra, na velik ne tenabira ra musti rmata tevek salasilan ra, Ubu Ni Roh a nala vavaꞌat kakiwal verin mia, tevek notu roak ma bira vavaꞌat ra rmalola naꞌa wahan ralan a.

Roma 8:37

Naꞌuk velik ne tatuan susa avyai munuk, na susa avyai wol rfalek-nala ita, naꞌuk utudida lahir, tevek Yesus Kristus nlobang ita.

1 Korintus 6:17

Naꞌuk tamata iki watan, wean i isa roak ia ovu Duilaꞌa, na tamata yai ni roh a isa roak ovu Duilaꞌa.

2 Korintus 1:24

Ami wol mami ngrebat ma amfareta mia naꞌa afa ovi myorang a, tevek bira dardirin a nangrebat naꞌa bira inorang a. Naꞌuk velik aba, inamami ma itmunuk tkarya naꞌa isa, boma ralabira lolin urun.

2 Korintus 10:3

Kena ma amvaꞌat naꞌa lanit ivavan ini, naꞌuk ami wol amorang tamata rira fikiran ra naꞌa lanit ivavan, ma amangal tamata ovi rangal ami.

2 Korintus 11:10

Ivar i ntali Yesus Kristus yai kena munuk, ovu nanaꞌa lalawatan ralang a, ba afa ovi ufalak ini kena urun. Yaꞌa wol era kubang tali tamata iki watan naꞌa propinsi Akhaya. Ba wol tamata isa vali notu teri yaꞌa naꞌa afa ovi ralang ilaꞌa nfadoku roak ma ufadawang a, ma wol era kubang.

2 Korintus 13:3

Mia myera ma ufaturu lahir ne, Kristus nangrihi nahu yaꞌa. Kristus nangrihi verin mia, na wol nangrihi ngalalahang, naꞌuk veka nfaturu Ni ngrebat a naꞌa wahabira ralan ra.

2 Korintus 13:5

Eka kaꞌi myorat tenabira ra ne, bira vavaꞌat wean lahir bira inorang verin Kristus, te wahal? Msyiꞌik ma lolin tenabira ra! Mia wol mkyaꞌa ne, Yesus Kristus nleal ralabira ra? Tevek wean i wahal, na bira inorang a veka wol ihin lahir.

2 Korintus 5:14

Kristus Ni silobang a nfangora urun ami ma nfareta ami. Amfan-aran roak ne, Kristus nmata verin tamata ra munuk, na inyai nfaturu ne, tamata ra munuk rfaroa ira tali Ubu, ma wean ralarira rmata munuk roak.

2 Korintus 5:15

Kristus nmata roak verin tamata ra munuk, boma tamata ovi ralarira rvaꞌat tevek rorang Kristus, wol mane rsiꞌik watan tenarira ra. Naꞌuk tamata avyai rvaꞌat ma al rfaloling Kristus ralan a. Ia nmata ovu nvaꞌat ewal roak tali matmatan a verin ira.

2 Korintus 5:7

Naꞌa mami vavaꞌat ra, na amvaꞌat tali mami inorang verin Kristus. Ami wol amvaꞌat tali afa ovi amsiꞌik ra naꞌa ini.

Galatia 1:4

Ia not-orang afa ovi Yamadida Ubilaꞌa ralan nfalak a ma nmata, tevek dida salasilan ra. Notu wean inyai ma naling ita tali tamata rira afa sian ovi rotu ra ovu ranovak ra.

Galatia 2:16

Naꞌuk ami amkaꞌa roak ne, Ubu notu ma tamata rira vavaꞌat ra rmalola ovu Ia, tevek rorang Yesus Kristus. Ubu wol notu ma tamata rira vavaꞌat ra rmalola ovu Ia, tevek rot-orang Musa ni inukun ra. Ba wean inyai bi ami vali amorang Kristus Yesus, boma Ubu naꞌi vatuk mami salasilan ra, tevek mami inorang naꞌa Kristus. Velik ne amorang Musa ni inukun ra, naꞌuk inyai wol notu ma Ubu naꞌi vatuk mami salasilan ra. Amkaꞌa roak ne, Ubu wol nfadoku verin tamata isa vali ne, veka naꞌi vatuk ni salasilan ra tevek not-orang Musa ni inukun ra.

Galatia 3:11

Ba ita tkaꞌa ma lyawan roak ne, Ubu wol notu ma tamata ni vavaꞌat nmalola ovu Ia, tevek norang Musa ni inukun ra. Surat Ralan nfalak ne, “Tamata ovi rira vavaꞌat ra rmalola tevek rorang Ubu, veka rira vavaꞌat kakiwal.”

Galatia 5:24

Tamata ovi rira vavaꞌat naꞌa roak Kristus Yesus liman ralan a, na ira wol rorang roak rira ininan sian ra, ovu vali sian ovi rtali tenarira ra, ma wean i rira ininan sian ra rmata roak naꞌa aa walwalur.

Galatia 6:14

Naꞌuk verin yaꞌa, na wol mane ufakaratat tenang a naꞌa afakataka. Naꞌuk ralang a dawan, tevek dida Duilaꞌa Yesus Kristus Ni matmatan naꞌa aa walwalur. Ni matmatan yai notu ma afa ovi fyawar verin tamata ovi wol rorang Yesus naꞌa lanit ivavan a, wol fyawar lahir verin yaꞌa. Ira wol rfan-aran vali afa ovi fyawar verin yaꞌa.

Efesus 3:17

Uflurut wean inyai, tevek bira inorang a verin Kristus, ba fara Kristus nanaꞌa ralabira ra. Yaꞌa era vali verin mia ma naꞌa bira vavaꞌat ra, na fyaturu lalawatan bira silobang a, ma neluk faneak ne, bira inorang a nabwaꞌar roak naꞌa Ia.

Efesus 5:2

Naꞌa bira vavaꞌat ra, na msyilobang mia wean lahir afa ovi Kristus nfaturu verin ita ma nlobang ita. Ia nlobang ita, ba ntorung watan ma rfedan Ia tevek dida salasilan ra, ma neluk persembahan ovu korban i voan a lolin urun verin Ubu.

Efesus 5:25

Brana ovi msyifa roak ra musti mlyobang awabira ra, na inyai wean lahir i Kristus nlobang urun tamata ovi rorang Ia, ba nala tenan a ma nmata verin ita.

Filipi 1:21

Ufadoku munuk ning vavaꞌat a naꞌa Kristus, boma alang watan Ia. Wean i umata, na utung lia i uvaꞌat a!

Filipi 4:13

Kristus nala Ni ngrebat a verin yaꞌa ovu nlobang yaꞌa, ma bis utahang nal ralang naꞌa afaka watan.

Kolose 1:27

Ubu inan ma nfalyawang verin Ni tamata ra naꞌa afa fanfonak i lolin urun yai. Ubu nfadoku roak ma nala Ni kalolin a verin tamata ovi wol Yahudi ra. Ivar Lolin yai ihin a ne, Kristus nleal ralabira ra, boma mkyaꞌa basil ne, veka mimunuk Ubu naꞌa lanit ratan ovu Ni lyawan i nfitik nyadat a.

1 Tesalonika 1:10

Ira rfamalik vali ne, wean inba ma mnyaban watan amar i Ubu Yanan a Yesus veka ntali lanit ratan nma lanit ivavan a. Ubu nfavaꞌat ewal roak Ia tali matmatan. Yesus aꞌuk saꞌi nsikat ita tali dida salasilan ra, boma Ubu Ni ngrova i veka nfaturu yai, deka nkena ita.

1 Tesalonika 5:10

Yesus Kristus nmata al nakvanak ita tali dida salasilan ra, boma ti naran amar i veka nma yai, na nala ita ma tleal isa, velik ne tvaꞌat obin te tmata roak.

Titus 2:14

Ia nala roak tenan a ma al ntevut ita tali dida salasilan ra. Ia nfamerat vali raladida ra, tevek Ni munuk ita, ovu notu ma inadida ma totu aꞌuk lolin a.

Ibrani 8:3

Ubu nfili lokat Mela Falurut Ilaꞌa, ma rfedan afwatan ovi tamata ra rala ma reluk rira korban verin Ia. Ira rtaha vali afa liak ovi tamata ra rala ma reluk rira persembahan verin Ubu. Yesus neluk Mela Falurut Ilaꞌa verin ita, ba Ia musti nala vali afa isa ma neluk Ni korban verin Ubu.

1 Petrus 1:8

Mlyobang Ubu, velik ne wol mryea Ia obin. Ti naran amar ini vali, na mia wol mryea Ia obin, naꞌuk myorang Ia. Inabira lolin urun i lahir ma wol tfamalik nala ia,

1 Yohanes 1:7

Naꞌuk wean i tvaꞌat naꞌa lyawan ralan wean Ubu nanaꞌa lyawan ralan, na veka ralad isa ovu tamata inorang ra, ovu Ia nfamerat ita lalawatan tali dida salasilan ra munuk nahu Yanan a Yesus laran i nvoat a.

1 Yohanes 4:14

Ami amsiꞌik roak Ubu Yanan a, ba amfalak verin mia ne, Yamadida Ubilaꞌa nsinir roak Yanan a ma nma lanit ivavan ini, ma neluk Raja ma nsikat ita tali dida salasilan ra, ma dida vavaꞌat kakiwal.

1 Yohanes 5:20

Ita tkaꞌa roak ne, Ubu Yanan a nma ma nfalyawang verin ita naꞌa raladida ra, boma tkaꞌa Ubu i mngaꞌun a. Ita raladida isa roak ovu Ubu, ovu vali Yanan a Yesus Kristus. Ia Ubu mngaꞌun Ia, ovu Ia saꞌi nala vavaꞌat kakiwal verin tamata ra.

Wahyu 1:5

Salam i nban-muri lalean ntali vali Yesus Kristus i nfamalik lalawatan afa ovi kena ra. Afa ovi kena ra munuk rtali Ubu. Ubu nfavaꞌat lan lalean Yesus tali matmatan, ma nfareta munuk raja ovi rnaꞌa lanit ivavan a. Ia nlobang ita, ovu laran a nvoat roak ma al nfatalik ita tali ngrebat i notu ma tamata ra inar ma rotu salasilan ra.

Wahyu 3:20

Mya ma msyiꞌik! Yaꞌa udiri rahan ngoran a ma ufwak, ovu evan falfolat a. Ba wean i tamata iki watan nasweang Yaꞌa ma uti ralan, na Yaꞌa veka uti ma utuan lahir ia naꞌa ralan ma ufnaꞌan ovu ia. Wean inyai, na Yaꞌa Ningu roak ia.