Galatia 2:15 - Surat Ralan na'a Vaidida

¹⁵ Ubumam-nusimami ra Yahudi ira, ovu amanovak ne tamata ovi wol Yahudi ra, tamata salasilan ira, tevek wol rkaꞌa mami adat ovu inukun ra.

Galatia 2:15 ပူးပေါင်းရင်းမြစ်များ

Matius 9:11

Ti ma tamata ovi rtali sidovung Farisi rsiꞌik afa yai, na rorat Yesus Ni tamata ra ne, “Afakinimi bira guru nafnaꞌan ovu tamata ovi baꞌi rera babahir kulu ovu tamata ovi rotu salasilan ra?”

Lukas 24:7

‘Ira musti rala Tamata Yanan verin tamata salasilan ra ma rbaku Ia naꞌa aa walwalur, naꞌuk amar itelu nelak, na veka nvaꞌat ewal.’ ”

Kisah 22:21

Naꞌuk Duilaꞌa nfalak verin yaꞌa ne, ‘Muti watan, tevek usinir oa ma muti wan raroa veli, ma fwamalik Yaꞌa verin tamata ovi wol Yahudi ra!’ ”

Roma 3:9

Ita tamata Yahudi ita, na utud aka nlia tamata liak ra naꞌa Ubu wahan ralan a? Ita wol utud akataka, tevek ufalak lan roak ne, tamata ovi rnaꞌa lanit ivavan a munuk rotu salasilan, ma salasilan nfareta rira vavaꞌat ra, velik ne Yahudi te wol Yahudi ira.

Roma 4:16

Ba Ubu nala Ni tnorung a verin Abraham, tevek ni inorang verin Ia. Notu wean inyai tali watan Ni rala lolin a. Wean inyai, na Ubu Ni tnorung yai neluk tnorung mngaꞌun verin ita munuk, tamata ovi teluk Abraham ubun-nusin ra. Ubu nala tnorung yai, wol mane verin tamata Yahudi ovi rot-orang Musa ni inukun ra watan, naꞌuk verin tamata iki watan i ni inorang verin Ubu wean Abraham. Tevek Abraham neluk bapa verin ita munuk, tamata ovi torang Ubu.

Galatia 2:17

Ami amorang Yesus, ma Ubu notu ma mami vavaꞌat ra rmalola ovu Ia, ba tamata Yahudi boku ranovak ne, ami tamata salasilan ami, tevek wol amorang roak rira inukun ra munuk. Ba wean inyai, na Kristus notu ma ami amotu salasilan, tevek wol amorang Yahudi rira inukun ra munuk? Wahal lahir!

Efesus 2:3

Lan ana, dida vavaꞌat ra wean vali tamata avyai ma totu watan afa sian ovi raladida ra rfalak ma totu a. Ita tot-orang watan dida ininan sian ra, ovu vali dida fikiran sian ra. Naꞌut inyai, na inovan ma Ubu nfaturu lahir Ni ngrova a verin ita, wean tamata liak ra munuk.

Filipi 3:4

Ita wol torang ne, afa i rotu yai notu ma ita dida vavaꞌat kakiwal, velik ne, yaꞌa bis udava watan lingaꞌan ma ning vavaꞌat wean inyai, wean i afa yai nlobang yaꞌa. Wean i tamata boku rdav-nala lingaꞌan ma rfakloꞌi rira vavaꞌat naꞌa afa ovi rnaꞌa tenarira ra, na yaꞌa bis otu ma nlia tali inyai.

Titus 3:3

Tevek lan ana, raladida ra vu watan ma totu lalawatan afa ovi wol kena ra. Ita totu vali wean ini: ita wol tot-orang Ubu Ni vaivatul ra, ovu torang watan dida ininan sian ra ma salasilan nfareta ita. Dida fikiran ra sian, tboꞌitea ovu ralad sian tamata ra, tsisala ralad ovu tamata liak ra, ovu isa wol inan lahir isa.