Efesus 6:21 - Surat Ralan na'a Vaidida

²¹ Terang a valing averi, terad a valid i naran Tikhikus, ntaha surat ini verin mia ovu veka nfamalik munuk afa ovi otu ra ovu ning ivar a, boma mkyaꞌa ning vavaꞌat ovu ning karya ra. Tikhikus i tlobang urun ia yai, ivaꞌun ma nfabana Duilaꞌa Ni karya.

Efesus 6:21 ပူးပေါင်းရင်းမြစ်များ

Kisah 20:4

Brana ifira rfatuang vali ia. Isa naran Sopater i Pirus yanan ia, ntali kota Berea. Tamata irua rtali kota Tesalonika, nararira Aristarkhus ovu Sekundus. Isa ntali kota Derbe naran Gayus, na tamata itelu rtali propinsi Asia, nararira Timotius, Tikhikus ovu Trofimus.

1 Korintus 4:17

Wean inyai bi, usinir Timotius ma nti nalola mia. Ia wean lahir yanak lalean a, ba ulobang urun ia. Ia not-orang lalawatan afa ovi Duilaꞌa nfalak ra, ba veka nfangnanang mia naꞌa afa ovi air verin mia, ovu afa ovi otu ra naꞌa ning vavaꞌat i orang Yesus Kristus. Afa avyai air munuk roak verin sidovung tamata ovi rorang Yesus naꞌa wan inba watan.

Filipi 1:12

Yaꞌa inak ma mkyaꞌa ne, susa ovi rvotuk roak naꞌa ning vavaꞌat a, rotu ma tamata rivun rarenar ovu rorang Ubu Ni Ivar Lolin a.

Kolose 1:7

Amlobang urun mami kida Epafras i amamunuk amkarya. Epafras ini nair roak Ivar Lolin yai verin mia, ovu neluk tamata sansinir verin Kristus ma nkarya urun al nlobang mia. Ia not-orang lalawatan afa ovi Ubu nfalak ra.

1 Timotius 4:6

Wean i mair munuk roak afa avyai verin terad a valid ovi rorang vali Yesus, na oa veka weam tamata i nfabana ma lolin Kristus Yesus Ni karya. Oa muan kesratan, boma mu inorang ntafal, ovu mkaꞌa roak afa ovi nair oa tali Ni Surat Ralan a.

2 Timotius 4:12

Yaꞌa usinir roak Tikhikus ma nti kota Efesus.

Titus 3:12

Yaꞌa veka usinir Artemas te Tikhikus ma ti nfatuang oa. Wean i nti naran roak, na yarak mdava lingaꞌan ma mwa ma mtuan yaꞌa naꞌa kota Nikopolis, tevek uvolan roak mane uti kota yai, ma unaꞌa inyai naꞌut i radridin a dawan.

Filemon 1:16

Fiang ini Onesimus wol mane neluk tamata sansinir watan verin oa, wean lan, naꞌuk nlia tali inyai, na ia norang roak Yesus, ovu ulobang urun ia. Ia fyawan urun verin yaꞌa, naꞌuk verin oa, na nlia tali inyai! Tevek Duilaꞌa Ni ia, ovu vali oa mu ia.

1 Petrus 5:12

Terang a valing averi, ning surat etal i ukirim verin mia ini, era ma ning kida Silas nlobang yaꞌa ma ntulis. Ia tamata i norang Yesus vali ovu not-orang lalawatan afa ovi Ubu nfalak ra. Naꞌa surat ini, usurak mia ma bira dardirin naꞌa bira inorang a musti nangrebat. Ufalak vali verin mia ne, Ubu Ni rala lolin i ufalyawang verin mia ini, kena munuk lahir. Mtyahang teri bira dardirin naꞌa bira inorang a.

2 Petrus 3:15

Mingnanang: dida Duilaꞌa ntahang ralan a naꞌa afa ovi mane notu ra, boma nala amar ra verin tamata ra ma nsikat ira tali rira salasilan ra, ma rira vavaꞌat kakiwal. Paulus, teradida i tlobang urun ia, ntulis roak afa avyai verin mia naꞌa ni surat a. Ia ntulis surat yai ovu ni kakaꞌa dawan i Ubu nala verin ia.