Efesus 5:12 - Surat Ralan na'a Vaidida

¹² Rira afa ovi rotu fanfonak watan yai, ngra urun, ba ita tamata inorang ra tmaꞌit ovu wol inovan ma tfamalik afa avyai.

Efesus 5:12 ပူးပေါင်းရင်းမြစ်များ

Roma 2:16

Ba veka wean vali inyai naꞌut i Ubu nfadoku roak ma nfaleka inukun verin tamata ra. Naꞌut inyai, na Ubu veka nala ngrebat verin Kristus Yesus ma nfaleka inukun verin tamata ra munuk rira fikiran fanfonak ra. Afa yai wean lahir afa ovi ufamalik naꞌa Ubu Ni Ivar Lolin a.

Efesus 5:11

Deka myorang tamata ovi rira vavaꞌat ra rnaꞌa watan dedan ralan, tevek afa ovi rotu ra wol ihir akataka. Ni lolin ana, fyaturu lahir verin tamata ra ne, rira afa ovi rotu ra sala.

Efesus 5:13

Naꞌuk wean i tatabu ira naꞌa afa sian ovi tamata ra rotu naꞌa dedan ralan a, ma tamata liak deka rot-orang, na inyai wean watan i tatutun damar naꞌa dedan ralan ma tamata ra rsiꞌik lyawan a.

Efesus 5:3

Byatuk munuk bira ininan sian ovi myotu ra. Afa sian avyai wean bira ininan sian ovi rfangra tenabira ra, msyifa tia ma watan ovu tamata ovi wol awabira verin mia, mlyobang daꞌin bira kubang ra ma fyikir aꞌuk tenabira ra. Fyaroa tenabira ra tali afa ovi wol inovan verin Ubu Ni tamata ra. Afa avyai munuk lahir deka rnaꞌa bira vavaꞌat ra, boma tamata ra wol bisma rfamalik mia naꞌa afa avyai.

1 Petrus 4:3

Lan a, myorang watan tamata ovi wol rkaꞌa Ubu, naꞌa rira afa ovi rotu ra. Naꞌa bira vavaꞌat lan ra, na miktufan urun ovu myotu watan afa ovi wol inovan ra, myorang watan bira ininan sian ra, ovu boranavut mia. Mia myotu vali bira snoba ra ma minavut sian ovu myotu afa ktufan ra, ovu vali msyoak verin walut ra, ma Ubu wol inan lahir afa avyai.

Wahyu 20:12

Urea vali tamata matmatan ovi Ubu nfavaꞌat ewal ira, rdiri wan i Ia ndoku ma nfareta, ngoran a. Tamata avyai lan ana tamata dawan ira, na boku vali tamata koꞌu ira watan. Tamata ovi rmata roak naꞌa tahat ralan, ovu vali tamata ovi rmata roak ma rnaꞌa wan i matmatan ra rnaꞌa, rma munuk ma rdiri wan i Ia ndoku ma nfareta, ngoran a. Ba rvadil buku ovi rtulis tamata matmatan ra munuk rira afa ovi rotu roak ra, boma Ubu nfaleka inukun lokat ira ma inovan ovu rira afa ovi rotu ra, wean afa ovi ntulis roak naꞌa buku avyai ralarira ra. Rvadil vali buku liak isa i rfanara ia ne, buku i Ubu ntulis roak tamata ovi rira vavaꞌat kakiwal nararira ra. Buku yai rfanara ia ne, Buku Vavaꞌat Kakiwal.