Efesus 4:31 - Surat Ralan na'a Vaidida

³¹ Byatuk kikyai bira fikiran sian ovi rotu ma baꞌi msyingrova ovu msyingarahi, deka mtyahang teri ralabira sian ra verin tamata ra, deka msyifiꞌit, deka fyalak sian tamata, ovu deka myoruk-myak tamata ra.

Efesus 4:31 ပူးပေါင်းရင်းမြစ်များ

Kisah 21:30

Vangoa-vanga dawan naꞌa kota ralan lahir, ba tamata ra rafla tali wan inba watan rma ma rtaha Paulus. Rving soli-sasan ia rti murin, ovu rfolat lahir falfolat ilaꞌa ra naꞌa Rahan Dawan Falurut ni tembok dawan.

Roma 3:14

“Rira vaivatul ovi rtali sumarira ra rngora lahir ovu vaivatul ovi baꞌi rala al rear rfasoba tamata ra, ovu vali vaivatul ovi rfalak sian tamata ra.”

1 Korintus 14:20

Terang a valing averi! Bira fikiran ra deka wean kasikoꞌu ra. Mia musti weabira kasikoꞌu yanat ra, ma wol mkyaꞌa ma myotu afa ovi sian ra, naꞌuk bira fikiran a musti naftibang, wean tamata dawan ra.

1 Korintus 5:8

Ba mya ma totu snoba al tangnanang amar dawan yai, ma deka taꞌan roti i rfadoku ragi mnanat naꞌa. Inyai ihin a ne, naꞌa dida vavaꞌat ra, deka totu lahir afa ovi sian ra munuk, ovu deka tfikir sian tamata liak ra. Naꞌuk totu aꞌuk afa ovi lolin ra ovu afa ovi kena ra, ma deka tsileti lahir ovu afa ovi sian ra.

2 Korintus 12:20

Yaꞌa ralang raruan, betane wean i uma ma utuan mia, na bira afa ovi myotu ra rotu ma ralang a lalau urun, ovu vali wol inabira yaꞌa, tevek afa ovi otu ra wol wean i ralabira ra rfalak a. Ralang raruan betane boku msyingarahi-sikual mia, wol inabira ma msyiꞌik tamata liak rira lolin ra, kaꞌi fyikir aꞌuk tenabira ra, msyifalak sian mia ma fyangra tamata nararira ra, te rfamalik aꞌar tia ma watan tamata liak ra, te fyakaratat tenabira ra, ovu vali betane myotu ma vangoa-vanga.

Galatia 5:20

tamata ovi rsoak nulu walut ra, rtaha afa te rotu rira afnitu ra, isa wol inan lahir isa, rfangru sian, wol inar ma rsiꞌik tamata liak rira lolin ra, rsingrova sian, rfikir aꞌuk tenarira ra, rfaroa tenarira ra tali tamata ovi wol rorang ira, rasdovu aꞌuk ira ovu tamata ovi rira fikiran ra wean ira.

Efesus 4:22

Ira rair mia ma byatuk bira ininan sian ovi myotu ra naꞌa bira vavaꞌat mnanat ra, naꞌut i wol myorang Duilaꞌa obin. Afa mnanat avyai rotu ma rlabir nala mia ovu rotu ma bira vavaꞌat ra wol kena, tevek ralabira ra rasmotak.

Efesus 4:25

Ba era verin mia munuk ma deka msyiklabir kikyai. Fyalak watan afa ovi kena ra verin terabir-valibira ra, tevek itmunuk tamata inorang ra tnaꞌa sidovung isa.

Efesus 4:26

Wean i mingrova, na fyikir ma blawat, boma deka myotu salasilan ra. Deka mtyahang bira ngrova yai ti ma lera nirit nala ia,

Kolose 3:19

Brana ovi msyifa roak ra, mlyobang awabira ra, ovu deka myotu ira wean bira tamata ovi msyinir tia ma watan ira.

Kolose 3:8

Naꞌuk fiang ini, deka myotu kikyai afa sian ra. Deka msyingrova mia, deka myoruk-myak tamata ra, deka fyalak sian tamata ra te myiꞌit ira, ovu deka myala vaivatul ovi ngra ra.

1 Timotius 3:11

Awarira vali musti rkaꞌa warira ma tamata liak ralang ira. Deka rangrihi tia ma watan ma rfalak sian tamata ra. Ira vali musti rtahang nal ralarira naꞌa afaka watan, ovu rotu lalawatan afa ovi rfalak ra.

1 Timotius 3:3

Ia deka nanavut, te inan ma nsingarahi, naꞌuk tfili tamata i nmarkai ovu wol inan ma nsingarahi, ovu vali wol wahan kubang.

1 Timotius 5:13

Ira vali rvatuk rira amar ma tia ma watan ira naꞌa tamata rira rahan ra. Ira wol mane rbosa sian watan, naꞌuk rfamalik aꞌar tia ma watan tamata liak ra. Ira inar ma rtafal afa naꞌa tamata liak rira sala ra, ovu rfamalik vali afa ovi wol lolin ra.

2 Timotius 2:23

Deka morang tamata ovi vair ma rangrihi afa ovi boda-badi ra. Oa mkaꞌa roak ne, afa avyai rotu watan mi rsingarahi i.

2 Timotius 3:3

Ira wol rkaꞌa ma rsilobang, rafena ma rabun afa sian ovi tamata ra rotu verin ira, ovu inar ma rsiklabir ma rfalak sian tamata ra. Ira veka wol rkamlabir ma rtahang ralarira ra, ba rsivaval sian, ovu rangal afa ovi lolin ra.

Titus 1:7

Dawan kareda ovi rban-ulu verin rira sidovung ra rasusan Ubu Ni karya. Wean inyai bi, musti fwili tamata ovi wol rira sala, boma tamata ra wol rfasala ira. Ira wol rfakaratat tenarira ra, wol rfarlan ma rangrova, wol ranavut, wol rsitaha ovu wol wahar kubang.

Titus 2:3

Mair vali wean inyai verin itvata ra, boma rira afa ovi rotu ra rfaturu ne, rorang Ubu. Ira wol rfalak sian tamata ra, wol ranavut ovu musti rair afa ovi kena ra.

Yakobus 1:19

Terang a valing averi, ulobang urun mia. Ba mingnanang afa i ufalak ini. Misngaꞌut ma mryenar afa ovi tamata liak rfalak ra, naꞌuk mnyaban ma mnanat veki beti mingrihi, ovu deka fyarlan ma mingrova.

Yakobus 3:14

Naꞌuk wean i tamata isa wol inan lahir ma nsiꞌik tamata liak ni lolin a, ovu nfikir aꞌuk tenan a, na deka nfakaratat tenan a ma nsiklabir ma nfulak nvali afa ovi kena ra.

Yakobus 4:11

Terang a valing averi, deka msyifalak sian mia. Tamata iki watan nfalak sian ovu nfaleka inukun verin teran a valin ra, na ia nfalak sian roak Ubu Ni inukun ra, ovu wol not-orang roak afa ovi Ubu nfalak ra. Ba ihin a, mia wol myot-orang roak Ni inukun ra, naꞌuk myeluk tamata i baꞌi nfaleka inukun, ovu mtyasorat roak inukun avyai.

1 Petrus 2:1

Mia mryenar roak afa ovi Ubu notu ra verin mia, ba era ma byatuk munuk lahir afa sian ovi baꞌi myotu ra. Deka msyiklabir, ovu deka fyalak afa boku, naꞌuk myotu afa liak. Deka mlyobang tamata liak rira metan ra, ovu deka fyalak sian tamata ma fyangra tamata naran a.

1 Yohanes 3:12

Bira vavaꞌat a deka wean Kain, tevek nitdawan naꞌa roak ralan a ma nfedan warin a. Notu afakinimi nfedan warin a? Tevek afa ovi notu ra sian lalawatan, naꞌuk afa ovi warin a notu ra kena ovu Ubu ralan a.

1 Yohanes 3:15

Tamata i wol inan lahir teran a valin ra, ia wean watan tamata ovi rsifedan roak a. Mia mkyaꞌa roak ne, tamata ovi rsifedan ra veka wol rira vavaꞌat kakiwal.

Wahyu 12:10

Nata urenar vai isa dawan urun ia, ntali lanit ratan nma. Vai yai nfalak ne, “Amar ini, nitdawan wol ndiri roak Ubu wahan ralan a ma nfalak sian ovu nmangadu lalawatan ita ovu terad a valid ra, tevek Ubu nvatuk roak ia tali lanit ratan, ma nsuta lanit ivavan ini. Ba fiang ini Ubu notu lingaꞌan ma nsikat tamata ra tali rira salasilan ra, ma rira vavaꞌat kakiwal. Ubu nfaturu Ni ngrebat a ma neluk raja ma nfareta! Raja i ntevut dida salasilan ra nfaturu vali Ni fareta a naꞌa lanit ivavan a!