Efesus 2:21 - Surat Ralan na'a Vaidida

²¹ Wean tamata ovi rotu rahan rasusan munuk rahan yai ma natnemu, ma rotu naꞌa rahan dawan i tamata raraning Ubu. Ia nasusan vali Ni tamata ra naꞌa sidovung isa i nmerat urun. Kristus notu wean inyai verin ita tamata ovi dida vavaꞌat isa roak ovu Ia ma tnaꞌa isa.

Efesus 2:21 ပူးပေါင်းရင်းမြစ်များ

1 Korintus 3:9

Ami amkarya naꞌa Ubu Ni vaꞌi ralan a ovu amotu karya i nala verin ami. Mia ini Ubu Ni vaꞌi a ovu Ni rahan a.

2 Korintus 6:16

Ubu Ni Rahan Dawan Falurut a ovu wan i baꞌi rfadoku walut ra naꞌa wol wear isa. Ita weadida lahir Ubu i nvaꞌat Ni Rahan Dawan Falurut a. Ia nfalak roak naꞌa Ni Surat Ralan ne: “Yaꞌa veka uti unaꞌa fruarira ra, ma uvaꞌat ovu ira. Yaꞌa veka eluk Ubu verin ira, ovu ira veka reluk Ning tamata ovi rorang Yaꞌa.

Kolose 2:19

Tamata ovi rsiair wean inyai, ira wol rorang roak afa ovi Kristus nair ra. Kristus nfareta munuk Ni tamata ovi rorang Ia, wean lahir i tamata ulun nfareta tenan a, boma ita wead isa watan. Ia nlobang ita ma tmela ma dida vavaꞌat wean Kristus, wean dida urat ra ovu lurid koꞌu dawan ra rnaꞌa tenadida ra, ma tenadida rmela.

1 Timotius 3:15

boma wean i wol uti obin ma utuan oa, tevek angangal boku, na oa bisma mkaꞌa roak ne, dida vavaꞌat wean inba naꞌa Ubu Ni sidovung. Tamata ovi rorang Yesus Kristus rnaꞌa Ubu i nvaꞌat Ni sidovung ini. Tamata inorang ovi rtaha vaivatul mngaꞌun tali Ubu rfangrebat Ubu Ni tamata ra, wean fanderen ovu liri susun ovi rfangrebat rahan a ma ndiri ma lolin.