2 Timotius 2:11 - Surat Ralan na'a Vaidida

^11-12 Ba fara mtahang nal ralam naꞌa susa ra, tevek vaivatul ovi kena urun: “Wean i tovu roak naꞌa Kristus Ni matmatan, na veka tvaꞌat vali ovu Ia. Wean i tatahang ralad naꞌa afa susa ra, na ita veka tfareta vali ovu Ia naꞌut i nma ewal. Naꞌuk wean i tfalak ne wol torang roak Ia, na Ia veka nfalak vali ne, wol nkaꞌa ita.

2 Timotius 2:11 ပူးပေါင်းရင်းမြစ်များ

Yohanes 14:19

Wol mnanat, na tamata ovi rnaꞌa lanit ivavan a veka wol rarea roak Yaꞌa. Naꞌuk mia veka msyiꞌik ewal Yaꞌa, tevek veka uvaꞌat ewal tali matmatan, ba mia veka byaꞌat vali.

Roma 6:5

Dida vavaꞌat isa roak ovu Kristus ma tovu vali Ia naꞌa Ni matmatan a. Ba wean inyai, na Ubu veka nala vavaꞌat ngorvaꞌan verin ita, wean lahir i nala roak verin Kristus naꞌut i nfavaꞌat ewal Ia.

Roma 6:8

Ba wean i tovu roak naꞌa Kristus Ni matmatan a, na torang urun ne, veka tvaꞌat vali ovu Ia.

2 Korintus 13:4

Naꞌut i rbaku Ia naꞌa aa walwalur, na tenan a wol nangrebat ma nmata. Naꞌuk fiang ini Ia nvaꞌat roak, nahu Ubu Ni ngrebat a. Mami vavaꞌat isa roak ovu Kristus, ba tenamami ra wol rangrebat, wean vali Ia. Naꞌuk amvaꞌat vali ovu Ia, ba wean i amtuan mia, na veka amangrebat vali wean Kristus, tevek Ubu Ni ngrebat a.

2 Korintus 4:10

Amkaꞌa roak ne, tamata ra rfedan Yesus, ba bisma rotu vali ami wean inyai, tevek amkarya verin Ia. Naꞌuk amvaꞌat watan wean ini, ma tamata liak rsiꞌik lahir Yesus Ni vavaꞌat a nvotuk vali naꞌa tenamami ra.

1 Tesalonika 4:17

Notu munuk roak afa avyai, beti Ubu nsikat tamata inorang ovi rvaꞌat obin ma itmunuk tnaꞌa mutan ralan ra, ma tatuan Duilaꞌa Yesus naꞌa lanit. Itmunuk Duilaꞌa naꞌa inyai, nata ti wol ni wahan.

1 Tesalonika 5:10

Yesus Kristus nmata al nakvanak ita tali dida salasilan ra, boma ti naran amar i veka nma yai, na nala ita ma tleal isa, velik ne tvaꞌat obin te tmata roak.

1 Timotius 1:15

Vaivatul ovi kena lahir, ba fara tamata ra munuk veka rorang. Vaivatul ovi wean ini, “Kristus Yesus nma lanit ivavan a ma nsikat tamata ra tali rira salasilan ra, boma rira vavaꞌat kakiwal.” Yaꞌa ning salasilan ra rlia munuk tamata ra.

1 Timotius 3:1

Vaivatul ovi kena urun: tamata i inan ma neluk dawan kareda i nban-ulu verin ni sidovung a, na inan ma nkarya afa i lolin a.

Titus 3:8

Vaivatul avyai kena munuk lahir, ba morang aꞌuk. Ba wean i mair tamata ra, na fwamalik afa ovi ufalak ra, boma tamata ovi rorang Ubu, ralarira urun ma rotu lalawatan afa ovi lolin ra. Afa ovi air ra lolin watan ma rlobang tamata ra.