2 Petrus 1:15 - Surat Ralan na'a Vaidida

¹⁵ Ba yaꞌa veka ukarya ovu ralang urun, boma velik ne umata roak, naꞌuk mia mingnanang lalawatan afa avyai.

2 Petrus 1:15 ပူးပေါင်းရင်းမြစ်များ

Lukas 12:58

Wean i tamata isa nti ma nmangadu oa verin tamata i baꞌi nfaleka inukun verin tamata ra, na musti mkiwal ma naꞌa bira banbanan obin, na motu ma lolin ovu ia. Tevek wean i wol motu wean inyai, na tamata yai veka nkiwal ma novun oa ti verin tamata i baꞌi nfaleka inukun verin tamata ra, beti tamata i baꞌi nfaleka inukun yai novun oa ti verin polisi ra ma raꞌabuꞌi oa.

2 Tesalonika 2:5

Mia musti mingnanang ne, amar i itmunuk yai, na ufamalik munuk roak afa avyai verin mia.

2 Timotius 2:2

Oa mrenar roak afa ovi air verin tamata rivun, ma rsiꞌik ovu rarenar lahir. Ba mair vali tamata ovi rot-orang lalawatan afa ovi rfalak ra, ovu ira rkaꞌa ma rair tamata liak ra.

Ibrani 11:4

Habel norang Ubu ma nala ni korban verin Ia. Korban i nala yai lolin lia aꞌan i Kain ni korban a. Ubu ntorung Habel ni korban yai, ovu nfalak ne, ni vavaꞌat nmalola, tevek norang Ia. Habel nmata roak, naꞌuk ni inorang neluk snurak lolin verin ita ma naran amar ini, boma torang vali.

2 Petrus 1:12

Wean inyai, bi ufangnanang lalawatan mia naꞌa afa avyai, velik ne mkyaꞌa roak ovu myorang urun afa kena ovi tamata rair roak verin mia naꞌa Kristus.