2 Korintus 9:6 - Surat Ralan na'a Vaidida

⁶ Mingnanang vaivatul ini! Tamata ovi ravuri-rava nabat ra kadkedan watan naꞌa rira vaꞌi ra, na rira vaꞌi ihin a veka kedan a watan vali. Naꞌuk tamata ovi ravuri-rava ma nabat rivun, na rira vaꞌi ihin a veka rivun vali.

2 Korintus 9:6 ပူးပေါင်းရင်းမြစ်များ

Lukas 6:38

Myala bira afaka watan verin tamata ra, na Ubu veka nala vali verin mia. Wean tamata i nala wanat kadut isa verin oa. Ia nfak wanat naꞌa kadut ma nngora, beti nayaꞌuk ma ntafal ma nngora, ma wanat boku rvoat. Tevek afa i myala al myukur tamata ra, Ubu veka nala vali al nukur mia.”

1 Korintus 1:12

Ufalak wean inyai, tevek ira rfalak ne, tali bir tinemun, na boku rfalak ne rorang yaꞌa, Paulus. Boku rfalak ne rorang Apolos, boku vali rfalak ne rorang Petrus, ovu vali boku rfalak ne rorang Kristus.

1 Korintus 15:20

Naꞌuk kena urun, tevek Ubu nfavaꞌat lan lalean Kristus tali matmatan! Ba inyai neluk faneak ne, Ia veka nfavaꞌat ewal tamata matmatan ra.

1 Korintus 7:29

Terang a valing averi! Yaꞌa ufikir ne, dida amar a mamahin, ba tali amar ini, na deka fyikir daꞌin awabira ra.

2 Korintus 9:10

Ubu nala nabat ra verin tamata ovi rotu vaꞌi ra, ovu vali nala afamtahan ra verin ita munuk. Ia veka notu vali wean inyai verin mia. Ia veka nala nabat ra ma mivuri-miva, ovu veka notu ma nabat avyai vuar ma rivun, boma ralabira ra lolin ma myala ma dawan vali verin tamata ovi wol rira ra.

2 Korintus 9:5

Ba wean inyai, bi usinir lan terad a valid avyai ma rti rlobang mia, boma misdovuk nala bira kubang ovi mtyorung roak ma myala yai. Otu wean inyai, boma nfaturu ne, bira kubang ovi misdovuk avyai myala ovu ralabira urun, ovu wol mane tamata rkiwal mia ma myala.

Galatia 3:17

Afa i ufalak ini ihin a wean ini: lan ana, Ubu nala roak Ni tnorung a verin Abraham. Varat ratut ifaꞌat rahin vututelu nelak roak, beti nala inukun ra verin Musa. Ni inukun avyai rban-muri, ba wol raꞌi vatuk nala Ubu Ni tnorung yai.

Galatia 5:16

Terang a valing averi, mane ufalak verin mia wean ini. Naꞌa bira vavaꞌat ra, na myot-orang watan afa ovi Ubu Ni Roh nfalak verin mia, boma deka myorang bira ininan sian ra.

Efesus 4:17

Nata ufangnanang urun mia, tevek afa ovi beti ufalak verin mia naꞌa ngrebat i Duilaꞌa nala verin yaꞌa: Bira vavaꞌat ra deka wean kikyai tamata ovi wol rkaꞌa Ubu, tevek rira afa ovi rotu ra rorang watan rira fikiran vu ra.

Kolose 2:4

Velik ne raroa yaꞌa tali mia, naꞌuk ufikir lalawatan mia. Yaꞌa ralang a lolin urun, tevek urenar ne, ralabira isa ma myorang urun Kristus. Ba utulis surat ini verin mia, boma tamata ra deka rweang tia ma watan mia ovu rira vaivatul lolin ra, naꞌuk rsiklabir sian.

Ibrani 6:10

Ubu Ni inukun ra kena munuk, ovu wol nsiklabir naꞌa inukun ovi nfasuka ra. Ia veka wol nablufang bira karya ovi myotu ovu ralabira urun verin Ia, ovu fyaturu bira silobang a verin Ia naꞌut i mlyobang tamata inorang ra, ma naran amar ini.