2 Korintus 8:10 - Surat Ralan na'a Vaidida

^10-11 Ba usurak mia wean ini ma naꞌa bira lolin: Kena urun ma fiang ini myot-nala munuk karya ovi ralabira ra rfalak, naꞌut i beti fyabana naꞌa varat i nti a. Mia bira karya yai, ma myala kubang verin tamata liak ovi rorang vali Yesus. Mia myotu ula lalean tali tamata liak ovi rorang vali Yesus, ovu vali fyikir lan lalean ma myotu wean inyai. Afa yai nvua afa lolin verin mia, ba myotu lahir ti naran i roak a, wean i ralabira rfalak ma misdovu lan bira kubang lokat mia, ma inovan ovu bira ngrebat ra.

2 Korintus 8:10 ပူးပေါင်းရင်းမြစ်များ

Matius 10:42

Tamata iki watan nala wear ngneridin gelas isa verin tamata kasian isa, tevek tamata kasian yai norang Yaꞌa, na Ubu veka naval ia naꞌa ni rala lolin a.”

Yohanes 11:50

Mia wol mkyaꞌa ne, ni lolin a, tamata isa nmata verin tamata rivun. Afa yai lolin rahi tamata isa notu ma tamata Roma ra rvisal munuk dida bangsa a.”

Yohanes 16:7

Naꞌuk afa i ufalak ini kena: Ni lolin a uti, boma naꞌa bira lolin. Wean i wol uti, na Ubu Ni Roh i nala lablobang verin mia veka wol nma. Naꞌuk wean i uti, na veka usinir Ia nma verin mia.

Yohanes 18:14

Kayafas nsurak lan roak dawan Yahudi ra ne, “Ni lolin a, tamata isa nmata verin tamata rivun.”

1 Korintus 10:23

Tamata ra rfalak ne, “Ita bisma totu afaka watan, wean i raladida ra rfalak.” Inyai kena urun! Naꞌuk afa ovi totu ra wol mane kena munuk lahir. “Ita bis vali ma totu afaka watan wean i ralad ra rfalak.” Naꞌuk afa ovi totu ra munuk wol mane kena munuk lahir ma al nfangrebat tamata ovi rorang Yesus rira inorang a.

1 Korintus 16:2

Lokat amar kareda, na mingnanang ma lokat mia fyadok-aling bira kubang boku tali bira karya enan ra. Fyadoku kubang avyai naꞌa bira rahan ra, ti naran i uma. Deka mnyaban ma uma, beti misdai ma misdovu bira kubang ra naꞌa isa.

1 Korintus 6:12

Terang a valing averi! Tamata boku rfalak ne, “Ita bisma totu afaka watan, wean i raladida ra rfalak.” Naꞌuk afa boku wol rlobang ita naꞌa dida inorang a. Velik ne bisma otu afaka watan naꞌa afa ovi Ubu wol nfalak teri, naꞌuk wol utorung ma otu afa avyai, tevek ufena ma afaka watan rfareta tenang a.

1 Korintus 7:25

Mane ufamalik naꞌa tamata ovi wol rsifa obin a. Duilaꞌa wol nala fareta verin yaꞌa ma ufamalik afa ini verin mia, naꞌuk yaꞌa ala watan ning fikiran a verin mia, tevek Ubu nfili roak yaꞌa ovu nala Ni rala lolin a verin yaꞌa.

1 Korintus 7:40

Naꞌuk yaꞌa ufikir ne, vata yai veka inan lolin wean i wol nsifa ewal. Yaꞌa ufikir vali ne, afa i ufalak ini wol ntali watan yaꞌa, naꞌuk ntali vali Ubu Ni Roh a.

2 Korintus 12:1

Yaꞌa musti ralang a dawan. Velik ne wol utung akataka, naꞌuk yaꞌa ralang a dawan ma ufamalik afa ovi Ubu nfaturu roak verin yaꞌa, naꞌut i wean i umifi naꞌuk wol utub-lufa ma urea afa ovi Duilaꞌa nfavotuk verin yaꞌa.

2 Korintus 8:6

Wean inyai bi amera urun ma Titus nti nalola mia, boma nlobang mia, wean lahir i notu lan roak a. Amera ma nalola mia, boma nlobang mia ma misdovu munuk bira kubang ovi mane myala al mlyobang tamata liak ovi rorang vali Yesus, ma fyaturu bira rala lolin ra.

2 Korintus 8:8

Yaꞌa ufalak afa avyai, naꞌuk wol mane ufareta mia, ma misdovu bira kubang wean inyai. Naꞌuk mane ufaturu verin mia ne, tamata ovi rorang Yesus naꞌa Makedonia ralarira urun ma rlobang tamata liak ovi rorang vali Yesus. Otu wean inyai, boma ukaꞌa ne, ralabira urun al mlyobang tamata ovi rorang Yesus te wahal.

Filipi 4:17

Yaꞌa wol ufalak wean inyai, tevek era ma mlyobang yaꞌa. Naꞌuk era ma fara Duilaꞌa ntafal Ni kalolin ra ma naflahar mia, tevek mlyobang roak yaꞌa.

Ibrani 13:16

Deka miblufang ma myotu afa ovi lolin ra ovu mlyobang tamata liak ra, tevek afa avyai reluk korban ovi rfaloling Ubu ralan a.