2 Korintus 13:4 - Surat Ralan na'a Vaidida

⁴ Naꞌut i rbaku Ia naꞌa aa walwalur, na tenan a wol nangrebat ma nmata. Naꞌuk fiang ini Ia nvaꞌat roak, nahu Ubu Ni ngrebat a. Mami vavaꞌat isa roak ovu Kristus, ba tenamami ra wol rangrebat, wean vali Ia. Naꞌuk amvaꞌat vali ovu Ia, ba wean i amtuan mia, na veka amangrebat vali wean Kristus, tevek Ubu Ni ngrebat a.

2 Korintus 13:4 ပူးပေါင်းရင်းမြစ်များ

Yohanes 10:18

Wol tamata isa vali bisma nfedan Yaꞌa, naꞌuk Yaꞌa kaꞌi utorung watan ma umata. Yaꞌa Ning ngrebat ma ala tenang a ma tamata ra rfedan Yaꞌa. Yaꞌa Ning ngrebat vali ma uvaꞌat ewal. Yamang a kaꞌi nsinir Yaꞌa ma otu karya ini.”

Kisah 2:36

Ba Israel averi, wean inyai, na bir tinemun musti mkyaꞌa ne, Yesus i byaku Ia naꞌa aa walwalur ma fyadiri Ia yai, Ubu notu ma neluk Duilaꞌa verin mia, ovu neluk Raja i ntevut dida salasilan ra.”

Kisah 3:16

Yesus Ni ngrebat notu ma brana laklukut ini ean ra rangrebat roak, tevek norang Ia. Mia munuk mkyaꞌa ovu msyiꞌik roak brana laklukut ini. Ia norang Yesus, ba Yesus notu ma lolin lahir ia naꞌa wahabira ralan ra.

Roma 14:9

Wean inyai bi, Kristus nmata ovu nvaꞌat ewal roak, boma Ia neluk Duilaꞌa verin tamata ovi rvaꞌat ra ovu tamata ovi rmata roak a.

Roma 6:4

Naꞌut i rbaptis ita, na dida vavaꞌat mnanat a, wean i tmata roak ma roving ita ovu Kristus naꞌa Ni matmatan a. Yaman nfavaꞌat ewal roak Ia tali Ni matmatan a ovu Ni ngrebat i dawan ilaꞌa. Notu wean inyai, boma dida vavaꞌat ngorvaꞌan a, naling ia tali dida vavaꞌat mnanat a.

1 Korintus 1:25

Tamata boku ranovak ne, Ivar i nfamalik Kristus ne, nmata naꞌa aa walwalur yai, Ivar vu watan. Velik aba, Ivar yai nlia munuk tamata rira kakaꞌa ra. Ira ranovak vali ne, afa ovi Ubu notu nahu Kristus wol ni ngrebat akataka. Velik aba, Ubu Ni ngrebat a nlia munuk tamata rira ngrebat ra.

1 Korintus 15:43

Naꞌut i roving tamata matmatan tenarira ra, na tenarira ra rmafun ovu felarira sian urun. Naꞌuk ti naran amar i Ubu nfavaꞌat ewal tamata matmatan ra, na tenarira ra lolin buas ovu rangrebat urun.

1 Korintus 2:3

Naꞌut i unaꞌa Korintus, na ungrihi, naꞌuk tenang a wol nangrebat, ovu vali ubobar ma raruru lalean yaꞌa, betane wol ot-nala ning karya a.

1 Korintus 6:14

Ubu nfavaꞌat ewal Duilaꞌa Yesus tali matmatan ovu Ni ngrebat a, ba Ia veka nfavaꞌat vali ita wean inyai.

2 Korintus 10:10

Tamata ra rfalak ne, “Paulus ni surat ihin a aleman ovu nangrebat urun. Naꞌuk wean i itmunuk tnaꞌa wan isa, na notu ma felan a wean tamata ovi wol rangrebat, ovu ni afa ovi nfalak ra wol ihir akataka.”

2 Korintus 12:10

Ba inak ovu utorung naꞌa afa ovi wol ot-nala ra, ovu naꞌa afa ovi tamata ra rfalak sian yaꞌa, afa ovi rotu susa yaꞌa, afa ovi rwi-rwa yaꞌa, ovu vali ning susa ra tevek ukarya verin Kristus. Naꞌut i wol ungrebat, na Kristus nfangrebat yaꞌa ovu Ni ngrebat a.

2 Korintus 13:9

Inamami lolin urun wean i mia mingrebat, velik ne felamami ra wean i wol amangrebat. Ami amaflurut, boma fyakena urun afa ovi myotu naꞌa bira vavaꞌat ra naꞌa Ubu wahan ralan a.

Filipi 3:10

Yaꞌa inak rahi lia munuk ma ukaꞌa Kristus ovu bisma ufarnuang lahir Ni ngrebat i notu ma nvaꞌat ewal a. Yaꞌa vali utorung ma utuan susa wean Ia, ovu bis vali ma umata wean Ia naꞌa Ni matmatan a,

Ibrani 5:7

Naꞌut i Yesus nvaꞌat naꞌa lanit ivavan a obin, na Ia naflurut ovu nvakar ma nfaktanit, ma nera verin Ubu i bisma nfatalik Ia tali matmatan a. Ubu nrenar Yesus Ni falurut ra, tevek Yesus nalang Ia ovu not-orang lalawatan afa ovi Ubu ralan nfalak ra.

1 Petrus 3:18

Ufalak afa yai, tevek Kristus nmata fasa watan ma nvara munuk tamata rira salasilan ra. Velik ne Ni vavaꞌat nmalola, naꞌuk nmata verin tamata salasilan ra. Notu wean inyai, boma Ubu lolin ewal ovu ita. Tamata ra rfedan Yesus tenan a, naꞌuk Ubu Ni Roh a nfavaꞌat ewal Ia.

1 Petrus 3:22

Ia nrata roak lanit ratan, ma fiang ini ndoku Ubu Ni lihir mela ma nfareta. Fiang ini Ia nfareta Ubu Ni sansinir ra munuk naꞌa lanit ratan, roh ra munuk rira ngrebat ra, ovu vali ngrebat ra munuk.