2 Korintus 11:21 - Surat Ralan na'a Vaidida

²¹ Umaꞌit ma ufalak verin mia ne, wol ning ngrebat ma ot-orang afa ovi rasul siklabir avyai rotu ra! Naꞌuk afa ovi rotu ma al rfakaratat tenarira ra, yaꞌa ubrahi vali ma otu wean ira. Yaꞌa otu watan wean tamata ovi rboda rira afa ovi rotu ra.

2 Korintus 11:21 ပူးပေါင်းရင်းမြစ်များ

2 Korintus 10:10

Tamata ra rfalak ne, “Paulus ni surat ihin a aleman ovu nangrebat urun. Naꞌuk wean i itmunuk tnaꞌa wan isa, na notu ma felan a wean tamata ovi wol rangrebat, ovu ni afa ovi nfalak ra wol ihir akataka.”

2 Korintus 11:1

Terang a valing averi, yaꞌa era verin mia ma mtyahang ralabira veki naꞌa afa ovi mane ufalak verin mia ini, velik ne minovak ne, yaꞌa uboda naꞌa afa ovi mane ufalak ra. Naꞌuk ukaꞌa roak ne, mtyahang nal ralabira.

2 Korintus 11:17

Yaꞌa mane ufalak afa ovi otu ma ufakaratat tenang a. Naꞌuk Duilaꞌa wol nfalak ma ufalak afa avyai. Yaꞌa ungrihi weang watan tamata i nboda ma ufadawang tenang a.

2 Korintus 13:10

Ba wean inyai bi utulis surat ini, velik ne tsifaroa ita. Utulis surat ini verin mia, boma wean i uti ma utuan mia, na wol ala ning ngrebat i Duilaꞌa nala verin yaꞌa, ma vaing dawan mia. Duilaꞌa nala ngrebat yai ma al usurak mia ma ufangrebat mia, ovu wol mane ala ngrebat yai ma ot-visal bira inorang a.

2 Korintus 6:8

Tamata boku ralang ami, naꞌuk boku rfamaꞌit vali ami. Boku rfadawang ami, naꞌuk boku rfalak sian vali ami. Ami amfalak lalawatan afa ovi kena ra, naꞌuk tamata boku rfalak ne, amsiklabir.