2 Korintus 11:12 - Surat Ralan na'a Vaidida

¹² Naꞌuk afa ovi otu roak fiang ini, veka otu lalawatan ma angal teri tamata ovi rdava lingaꞌan, ma rfalak verin tamata ovi rfakaratat tenarira ra ne, ira wearira watan ami.

2 Korintus 11:12 ပူးပေါင်းရင်းမြစ်များ

Matius 26:16

Tali amar yai vali, na ia ndava amar kena mane nfedi Yesus.

1 Korintus 5:6

Ba wol inovan lahir ma fyakaratat tenabira ra naꞌa afa ovi sian ra. Mia wol mkyaꞌa ne ragi, velik ne koꞌu watan, naꞌuk bisma nfamela terigu ma dawan ilaꞌa. Inyai wean vali tamata i notu afa sian isa watan, naꞌuk bisma nlabir nala munuk mia.

1 Korintus 9:12

Wean i tamata liak bis watan ma rera afa tali mia, na ami wol bisma amera ma nlia tali ira? Naꞌuk ami wol amotu wean inyai. Ami kaꞌi amvara watan afa avyai, boma deka reluk angangal verin ami ma amfamalik Ubu Ni Ivar Lolin i nfamalik Kristus.

2 Korintus 1:17

Kena ma yaꞌa wol otu afa ovi ufadoku roak ma otu ra. Otu roak wean inyai, ba mia fyikir ne, ning dardirin a wol nanaꞌa wan isa? Te mia minovak ne, afa avyai rtali watan ralang a, ma amar boku ufalak ne, otu, naꞌuk amar boku ufalak ewal ne, wol otu?

2 Korintus 10:17

Rtulis roak naꞌa Surat Ralan wean ini, “Wean i tamata iki watan mane nfadawang afa isa, na nfadawang aꞌuk afa ovi Duilaꞌa notu roak a.”

2 Korintus 11:18

Tamata rivun rfadawang tenarira ra naꞌa afa ovi rotu ra, wean afa ovi rnaꞌa lanit ivavan ini, ba yaꞌa ufadawang vali tenang a.

2 Korintus 11:9

Naꞌut i itmunuk tnaꞌa wan isa ovu utuan susa, tevek wol ning kubang, na wol otu susa mia ma wol era lablobang tali mia. Naꞌut i wol ning akataka, na terad a valid tamata ovi rorang Yesus tali Makedonia rala afa avyai verin yaꞌa. Naꞌa afaka watan, na usiꞌik wang ma lolin, boma deka era kubang tali mia, ovu veka otu lalawatan wean inyai.

2 Korintus 5:12

Yaꞌa wol ufalak wean inyai ma amfakaratat tenamami ra. Naꞌuk inamami ma mkyaꞌa vali afa lolin ovi amotu ra, ma fyalak ne, lolin ami. Amfalak wean inyai, boma byalat nala tamata ovi rfakaratat tenarira ra, tevek rsiꞌik aꞌuk tamata felarira ra, naꞌuk wol rsiꞌik afa ovi rtali tamata ralarira ra.

Galatia 1:7

Velik aba, ivar liak wol mngaꞌun, naꞌuk tamata boku rlabir bira fikiran ra ovu afa sala ovi rair ra, ovu inar ma rkati Ubu Ni Ivar Lolin i nfamalik Kristus.

1 Timotius 5:14

Wean inyai bi, era ma varu ovi tuvmarmuri ra rsifa ewal, boma rotu duarir-yanarira ra ma rasusan rira rahan teta ra, ma tamata ovi wol rorang Yesus wol rdav-nala lingaꞌan ma rfalak sian ita.