2 Korintus 10:7 - Surat Ralan na'a Vaidida

⁷ Msyiꞌik ma lolin afa ovi rvotuk naꞌa matabira ra! Wean i tamata isa tali mia norang urun ne, Kristus Ni roak ia, na ia musti nanovak vali naꞌa ralan a ne, Kristus Ni vali ami, wean vali ia.

2 Korintus 10:7 ပူးပေါင်းရင်းမြစ်များ

Matius 23:5

Ira rtulis vaivatul boku tali Surat Ralan a ma rkeak naꞌa ulurira te naꞌa limarira ra. Ira roru ravit blawat i ni wahan nsoli lanun a. Ira rotu munuk afa avyai naꞌa tamata rivun waharira ralan ra, boma tamata ra rsiꞌik ma rfadawang ira.

Lukas 16:15

Ba Yesus nfalak verin ira ne, “Mia myotu felabira ra wean tamata ovi baꞌi rotu aꞌuk afa ovi lolin ra naꞌa tamata waharira ralan ra, naꞌuk Ubu nkaꞌa munuk ralabira ra. Afa ovi tamata ranovak ne lolin urun, na Ubu wol inan lahir afa avyai.

Yohanes 7:24

Deka sngaꞌut ma fyaleka inukun verin tamata ra tali afa ovi msyiꞌik ra, naꞌuk fyaleka inukun verin ira ovu ni malolan a.”

1 Korintus 1:12

Ufalak wean inyai, tevek ira rfalak ne, tali bir tinemun, na boku rfalak ne rorang yaꞌa, Paulus. Boku rfalak ne rorang Apolos, boku vali rfalak ne rorang Petrus, ovu vali boku rfalak ne rorang Kristus.

1 Korintus 14:37

Wean i tamata isa nanovak ne, nabi ia, te Ubu nala ngrebat liak verin ia, na musti nkaꞌa ne, afa ovi ufalak verin mia, wean lahir afa ovi Ubu nfareta ra.

1 Korintus 15:23

Naꞌuk Ubu nfavaꞌat ewal tamata ra wean ini: Ia nfavaꞌat lan roak Kristus, ma Ia wean karya enan i ula lalean tali vaꞌi ihin a. Ba ti ma naran amar i Kristus veka nma ewal lanit ivavan a, na Ia veka nfavaꞌat ewal vali tamata ovi rira vavaꞌat isa roak ovu Kristus.

1 Korintus 3:23

Ubu Ni Kristus, ovu Kristus Ni munuk roak mia.

1 Korintus 9:1

Yaꞌa otu rasul, ovu yaꞌa bisma otu afaka watan naꞌa ning vavaꞌat a lokat amar, ovu vali urea roak dida Duilaꞌa Yesus. Duilaꞌa Ni karya i otu a, inyai nfaturu lahir mia.

2 Korintus 10:1

Terang a valing averi! Tamata boku rfalak ne, “Paulus wol nabrahi ma nsurak mia wean i itmunuk tnaꞌa wan isa, naꞌuk wean i nanaꞌa raroa, na nabrahi watan ma nsurak mia.” Naꞌuk yaꞌa Paulus, ufakabava tenang a ovu umarkai wean Kristus.

2 Korintus 11:18

Tamata rivun rfadawang tenarira ra naꞌa afa ovi rotu ra, wean afa ovi rnaꞌa lanit ivavan ini, ba yaꞌa ufadawang vali tenang a.

2 Korintus 11:23

Tamata avyai rkarya naꞌa Yesus Kristus Ni karya a? Yaꞌi yo! Ungrihi wean inyai, na yaꞌa weang tamata i nfoar urun! Velik aba, yaꞌa ukarya ma nlia munuk tamata avyai. Tamata boku rala yaꞌa ma ti raꞌabuꞌi yaꞌa, nlia tali tamata avyai. Amar boku rvaval urun yaꞌa, ma nlia tali ira. Utuan ma rivun roak susa ovi aleman urun i lahir, ba notu ma wol ufikir roak ne, veka uvaꞌat.

2 Korintus 11:4

Ufalak wean inyai, tevek inabira ma myorang watan tamata ovi rma ma rfamalik Yesus liak a. Yesus i rfamalik yai, naling ia tali Yesus i amfamalik verin mia a. Velik ne tamata avyai rfamalik roh i wol wean Roh i amfamalik a, naꞌuk inabira ovu mtyorung ma myala roh yai tali tamata avyai. Rfamalik ivar lolin i wol wean Ivar Lolin i amfamalik roak verin mia, naꞌuk mtyorung vali afa yai.

2 Korintus 12:11

Kena ma yaꞌa weang tamata boda ra, tevek mkyiwal ma otu wean inyai. Velik aba, musti fyadawang yaꞌa, velik ne wol fyawang akataka. Naꞌuk naꞌa afaka watan, na bira rasul ovi fyalak ne, dawan urun ira, na rasul avyai rira dawan a wol nlia yaꞌa.

2 Korintus 13:3

Mia myera ma ufaturu lahir ne, Kristus nangrihi nahu yaꞌa. Kristus nangrihi verin mia, na wol nangrihi ngalalahang, naꞌuk veka nfaturu Ni ngrebat a naꞌa wahabira ralan ra.

2 Korintus 5:12

Yaꞌa wol ufalak wean inyai ma amfakaratat tenamami ra. Naꞌuk inamami ma mkyaꞌa vali afa lolin ovi amotu ra, ma fyalak ne, lolin ami. Amfalak wean inyai, boma byalat nala tamata ovi rfakaratat tenarira ra, tevek rsiꞌik aꞌuk tamata felarira ra, naꞌuk wol rsiꞌik afa ovi rtali tamata ralarira ra.

Galatia 3:29

Kristus Ni munuk roak mia, ba Abraham yanan vali mia. Ubu veka nala Ni kalolin a verin mia, wean i ntorung roak verin Abraham.

1 Yohanes 4:6

Naꞌuk ami amtali Ubu. Tamata ovi rkaꞌa Ia, rarenar vali afa ovi amfalak ra. Tamata ovi wol rtali Ubu wol rarenar vali afa ovi amfalak ra. Afa avyai reluk faneak verin ita ma tkaꞌa ne, roh inba kena, ovu roh inba wol kena.