2 Korintus 1:13 - Surat Ralan na'a Vaidida

^13-14 Naꞌa mami surat a, na amtulis watan afa ovi bisma byas ovu fyan-aran. Fiang ini mia wol fyan-aran munuk afa ovi amotu ra, naꞌuk era ma amar isa, na veka fyan-aran. Wean inyai, boma ti naran amar i Duilaꞌa Yesus veka nma ewal a, na ami veka amfadawang mia, ovu mia veka fyadawang vali ami.

2 Korintus 1:13 ပူးပေါင်းရင်းမြစ်များ

Kisah 27:39

Lera wol ndata obin, na tamata kabal ra rarea roak nuhu, naꞌuk wol ref nala wan yai. Ti nata rarea lalaꞌin isa ovu ni ngur, ba rvolan mane rtav-teri kabal naꞌa inyai.

1 Korintus 1:8

Ia veka nfangrebat bira inorang a, ti naran amar i Duilaꞌa Yesus Kristus veka nma ewal a. Ba naꞌa amar yai, na wol bira sala roak naꞌa Duilaꞌa wahan ralan a.

2 Korintus 13:6

Era ma mlyabir teman ami ma msyiꞌik lahir ne, Kristus Ni roak ami ma amkarya verin Ia.

2 Korintus 4:2

Ami amfadoku roak ma wol amotu lahir afa fanfonak ovi rotu ma tmaꞌit a. Ami wol amsiklabir ovu wol amfamalik tia ma watan Ubu Ni vaivatul ra. Naꞌuk amfamalik afa ovi kena ra munuk naꞌa Ni vaivatul ra, boma lyawan verin tamata ra. Ba wean inyai, na amtorung ma tamata rivun bisma rkaꞌa ne, afa ovi amotu ra kena naꞌa Ubu wahan ralan a.

2 Korintus 5:11

Ami amkaꞌa roak ne, amar i Duilaꞌa mane nfaleka inukun verin tamata ra sarseri roak, ba amalang urun Ia. Wean inyai bi amkarya ovu ralamami urun, ma amotu ma tamata ra rorang Duilaꞌa Yesus. Ubu nkaꞌa munuk afa ovi rnaꞌa ralamami ra, ovu inak ma mkyaꞌa vali afa ovi rnaꞌa ralamami ra.

Filemon 1:6

Baba, ita totu kida roak ovu itmunuk raladida isa ovu Kristus, bi uflurut verin oa, boma mu inorang a ntafal ma dawan. Uflurut ma fara mkaꞌa munuk afa lolin ovi Ubu notu roak verin ita nahu Kristus.