1 Yohanes 5:16 - Surat Ralan na'a Vaidida

¹⁶ Wean i tamata isa nsiꞌik ne, teran a valin notu salasilan, na salasilan yai wol nala matmatan verin ia, na ia musti naflurut verin Ubu, boma nala vavaꞌat verin ia. Afa i ufalak ini nkena tamata ovi rotu salasilan ra, naꞌuk wol rvua matmatan verin ira. Salasilan boku vali rvua matmatan. Yaꞌa wol ufalak ma musti miflurut verin tamata ovi rotu salasilan avyai.

1 Yohanes 5:16 ပူးပေါင်းရင်းမြစ်များ

Lukas 12:10

Tamata iki watan nfalak afa boku ma nangal Yaꞌa, Tamata Yanan Yaꞌa, na Ubu veka naꞌi vatuk ni salasilan avyai. Naꞌuk tamata iki watan wean i nfalak sian Ubu Ni Roh a, na Ubu veka wol naꞌi vatuk roak ni salasilan ra.

Yohanes 17:9

Yaꞌa uflurut verin ira. Wol uflurut verin tamata ra munuk naꞌa lanit ivavan ini, naꞌuk verin tamata ovi mala roak ira verin Yaꞌa, tevek Oa Mu ira.

2 Timotius 4:14

Aleksander i baꞌi notu binan ovu afa liak ra tali tembaga notu sian daꞌin yaꞌa, ba Ubu veka nbalas ni afa sian ovi notu ra.

1 Yohanes 5:17

Afa sian ovi totu roak yai, ihin a ne, salasilan, naꞌuk salasilan boku wol rvua matmatan.