1 Yohanes 4:4 - Surat Ralan na'a Vaidida

⁴ Yanak averi, mia mtyali Ubu, ba utubira roak tamata ovi rlabir tamata ra ma rfalak ne, nabi mngaꞌun ira. Tevek Ubu Ni Roh i nleal ralabira ra, veran lia nitdawan ovu ni roh ovi rnaꞌa lanit ivavan ini.

1 Yohanes 4:4 ပူးပေါင်းရင်းမြစ်များ

Yohanes 12:31

Fiang ini, Ubu veka nfaleka inukun verin lanit ivavan ini. Fiang ini vali Ubu veka nfaleka lahir nitdawan i nfareta lanit ivavan a.

Yohanes 14:30

Yaꞌa veka wol ungrihi ma rivun verin mia, tevek naran roak ni amar a ma nitdawan i nfareta lanit ivavan a mane nma. Naꞌuk ia wol ni ngrebat ma nfareta Yaꞌa.

Yohanes 16:11

Ubu Ni Roh veka notu vali ma rkaꞌa Ubu Ni inukun i veka nfaleka verin ira, tevek fiang ini Ubu nukun roak nitdawan i nfareta lanit ivavan a.

Yohanes 17:23

Ning vavaꞌat isa watan ovu ira, ovu vali Bapa ovu Yaꞌa isa watan ita, boma irmunuk isa watan ira. Wean inyai, boma tamata ovi rnaꞌa lanit ivavan a rkaꞌa ne, Oa msinir Yaꞌa, ovu vali mlobang ira wean lahir i mlobang Yaꞌa.

Roma 8:31

Ita veka tfalak afaka naꞌa afa avyai munuk? Wean i Ubu nlotar ita, na iki veka bisma nangal ita?

Roma 8:37

Naꞌuk velik ne tatuan susa avyai munuk, na susa avyai wol rfalek-nala ita, naꞌuk utudida lahir, tevek Yesus Kristus nlobang ita.

1 Korintus 2:12

Naꞌuk Ubu nala Ni Roh verin ami. Wean inyai bi, ami wol amorang kakaꞌa ovi rtali lanit ivavan a. Wean vali inyai bi, ami bisma amkaꞌa munuk afa ovi Ubu nala roak verin ami.

1 Korintus 6:13

Tamata boku tali mia rfalak ne, “Afamtahan ovi taꞌan ra rsuta evudida ralan a, ovu vali evudida ralan a nsaꞌa afamtahan ovi taꞌan roak a.” Naꞌuk ti naran amar i veka tnaꞌa lanit ratan a, na Ubu veka nfamwear munuk afamtahan ra ovu tenadida ra. Ba deka tala tenadida ra ma tatuba ovu tamata ovi wol awadida verin ira, naꞌuk tala tenadida ra ma al tkarya verin Ubu. Totu wean inyai, tevek Ia Duilaꞌa verin ita, ma nfalak afa ovi totu ra naꞌa tenadida ra.

2 Korintus 4:4

Nitdawan nlabir nala roak rira fikiran ra, ba wol rsiꞌik lahir lyawan i ntali Ivar Lolin. Ivar yai nfamalik Kristus vanan i nfitik nyadat a. Kristus wean lahir Ubu felan a.

2 Korintus 6:16

Ubu Ni Rahan Dawan Falurut a ovu wan i baꞌi rfadoku walut ra naꞌa wol wear isa. Ita weadida lahir Ubu i nvaꞌat Ni Rahan Dawan Falurut a. Ia nfalak roak naꞌa Ni Surat Ralan ne: “Yaꞌa veka uti unaꞌa fruarira ra, ma uvaꞌat ovu ira. Yaꞌa veka eluk Ubu verin ira, ovu ira veka reluk Ning tamata ovi rorang Yaꞌa.

Efesus 2:2

Naꞌut inyai, na mia myot-orang watan afa sian ovi rtali tamata ovi wol rkaꞌa Ubu, rira afa ovi rotu ra. Bira vavaꞌat i wean inyai nfaturu ne, myorang nitdawan i nfareta nait sian ovi rnaꞌa lanit. Nitdawan yai, fiang ini nkarya naꞌa tamata ovi rangal Ubu, ralarira ra.

Efesus 3:17

Uflurut wean inyai, tevek bira inorang a verin Kristus, ba fara Kristus nanaꞌa ralabira ra. Yaꞌa era vali verin mia ma naꞌa bira vavaꞌat ra, na fyaturu lalawatan bira silobang a, ma neluk faneak ne, bira inorang a nabwaꞌar roak naꞌa Ia.

Efesus 6:10

Terang a valing averi, mane ufakbosal roak ning snurak a, ba ufalak verin mia ne, fara bira vavaꞌat ra isa ovu Ubu lalawatan, boma Ni ngrebat i dawan ilaꞌa, nfangrebat ralabira ra.

1 Yohanes 2:1

Yanak averi, utulis afa ovi verin mia, boma deka myotu salasilan. Naꞌuk wean i tamata iki watan notu salasilan, na Tamata isa nlotar ita naꞌa Yamadida Ubilaꞌa wahan ralan a. Tamata yai Yesus Kristus i Ni vavaꞌat nmalola.

1 Yohanes 2:13

Yamang averi, utulis surat ini verin mia, tevek Ia nanaꞌa roak tali naꞌut i lanit ivavan wol nanaꞌa obin, ovu mkyaꞌa roak Ia. Yaꞌa utulis vali surat ini verin vata-brana tuvmarmuri ra, tevek utubira roak nitdawan a.

1 Yohanes 3:20

Wean i raladida ra rfasala ita naꞌa afa sala ovi totu ra, na raladida ra bis malinan vali. Ubu saꞌi dawan Ia, ovu Ni kakaꞌa dawan rahi afa ovi tkaꞌa naꞌa raladida ra.

1 Yohanes 3:24

Tamata iki watan not-orang afa ovi Ubu nfareta, na ni vavaꞌat isa roak ovu Ubu, ovu vali Ubu ralan isa ovu ia. Ia nala roak Ni Roh a ma nleal raladida ra, ma nfaturu verin ita ne, Ia ralan isa ovu ita.

1 Yohanes 4:13

Ubu nala roak Ni Roh a verin ita, boma tkaꞌa ne, Ia nleal roak raladida ra, ovu ralad isa ovu Ia.

1 Yohanes 4:16

Ita tkaꞌa roak ovu torang vali ne, Ubu nlobang ita. Ubu Ni silobang verin tamata ra nanaꞌa lalawatan. Tamata iki watan nlobang tamata ra, na ia ralan isa ovu Ubu, ovu Ubu nleal roak ralan a.

1 Yohanes 4:6

Naꞌuk ami amtali Ubu. Tamata ovi rkaꞌa Ia, rarenar vali afa ovi amfalak ra. Tamata ovi wol rtali Ubu wol rarenar vali afa ovi amfalak ra. Afa avyai reluk faneak verin ita ma tkaꞌa ne, roh inba kena, ovu roh inba wol kena.

1 Yohanes 5:19

Ita tkaꞌa roak ne, yamadida verin Ubu, ovu vali nitdawan nweang nala munuk roak tamata ovi wol rorang Ubu naꞌa lanit ivavan ini.

1 Yohanes 5:4

Tamata iki watan yaman Ubu, na utun roak afa sian ovi rnaꞌa lanit ivavan ini. Ita utudida roak afa sian avyai, tevek dida inorang verin Yesus.

Wahyu 12:11

Terad-valid ra rfaleka roak nitdawan a, tevek Domba Yanan nmata roak, ma laran a nvoat al ntevut rira salasilan ra, ovu vali wol rbobar ma rmata, naꞌuk rtafal ma rfamalik Ubu Ni vaivatul ra naꞌa Yesus. Velik ne tamata rwi-rwa te rfedan ira, na ira rorang lalawatan Ubu.