1 Yohanes 3:2 - Surat Ralan na'a Vaidida

² Terang a valing averi, ulobang urun mia! Fiang ini Ubu nala roak ita ma teluk yanan ra. Ita wol tkaꞌa mngaꞌun ne, dida vavaꞌat veka felan aka naꞌa amar i Yesus nma ewal. Naꞌuk tkaꞌa roak ne, naꞌa amar i veka nma ewal, na ita veka wead Ia, tevek ita veka tsiꞌik lahir felan mngaꞌun a.

1 Yohanes 3:2 ပူးပေါင်းရင်းမြစ်များ

Matius 5:8

Ubu naflahar tamata ovi ralarira rmerat urun, tevek ira veka rarea Ia.

Lukas 17:30

Veka wean vali inyai naꞌut i Yaꞌa, Tamata Yanan Yaꞌa, uma ma ufavotuk tenang a.

Lukas 20:36

Tevek ira wearira Ubu Ni sansinir tali lanit ratan ma wol rmata vali. Ubu yanan ira, tevek Ia nfavaꞌat ewal ira tali matmatan.

Yohanes 1:12

Naꞌuk tamata ovi rtorung ma rala Ia ovu rorang Ia, na Ubu nala ngrebat verin ira ma reluk yanan ra.

Yohanes 11:52

Ia wol nmata verin tamata Yahudi ra watan, naꞌuk nmata verin Ubu yanan ra munuk naꞌa wan inba watan, boma nasdovu ira naꞌa isa.

Yohanes 17:24

Bapa, era ma fara tamata ovi mala roak ira verin Yaꞌa, rovu vali Yaꞌa ma amnaꞌa wan i unaꞌa. Motu wean inyai, boma rsiꞌik Ning dawan i mala roak verin Yaꞌa, tevek mlobang roak Yaꞌa, naꞌut i wol motu lanit ivavan obin.

Roma 8:16

Ubu Ni Roh kaꞌi nkarya naꞌa raladida ra ma tfan-aran urun ne, Ubu yanan ita.

Roma 8:18

Terang a valing averi, yaꞌa orang urun ne, Ubu nalang ma dawan ita, ovu nala vavaꞌat i lolin urun verin ita. Vavaꞌat i Ubu nala yai dawan lia susa ovi tatuan fiang ini, ba bisma tfalak ne, dida susa ra koꞌu watan.

Roma 8:19

Afa ovi Ubu notu naꞌa lanit ovu lanit ivavan a munuk inar urun ma rnaban amar i Ubu veka nma ma nfaturu lahir yanan ra.

Roma 8:29

Tamata ovi Ubu nfili lan roak ira ma reluk Ni tamata ra, Ia nfadoku roak tali lalan ma tamata avyai felarira ra rtafal ma wean Yanan a. Ia notu wean inyai, boma Yanan i Yesus Kristus neluk iyaꞌan lalean verin teran a valin tamata ovi rorang Ia.

1 Korintus 13:12

Afa ovi tsiꞌik fiang ini, inyai wean tamata molan a, naꞌa tatal i nakyavu watan a, naꞌuk ni amar a veka nma, ma tsiꞌik lahir ovu lyawan. Fiang ini yaꞌa wol ukaꞌa munuk obin, naꞌuk ni amar a veka naran vali ma veka ukaꞌa munuk, wean Ubu nkaꞌa munuk ralang a.

1 Korintus 15:49

Fiang ini ita weadida roak tamata i Ubu notu ia tali lanun a. Ba ita veka weadida vali Ia i ntali lanit ratan a.

1 Korintus 2:9

Naꞌuk wol rkaꞌa, ba kena lahir wean i rtulis roak naꞌa Surat Ralan ne, “Tamata ra wol rarenar ovu wol rarea, ovu vali wol rfikir lahir obin, naꞌa afa ovi Ubu nfadoku roak verin tamata ovi rala lahir ralarira ra verin Ia.”

2 Korintus 3:18

Fiang ini tamata ovi rorang roak Kristus wol rkum-teri roak waharira ra ovu maloli. Ia notu ma raladida ra lyawan roak, tevek Duilaꞌa vanan i nfitik nyadat a. Wean inyai bi lokat amar, na Ubu Ni Roh a notu ma dida vavaꞌat ra ntafal ma wean Ia naꞌa vanan i nfitik nyadat a.

2 Korintus 4:17

Tevek sian ovi amtuan ra wol kaꞌi aleman, naꞌuk veka rvua afa lolin verin ami ma ti wol ni wahan, ovu nlia munuk afakataka. Afa lolin avyai, lolin lia sian ovi amtuan ra.

Galatia 3:26

Terang a valing averi, Ubu yanan munuk mia, tevek myorang roak Yesus Kristus.

Galatia 4:6

Ubu nala roak ita ma teluk yanan ra, ba nsinir Yanan Ni Roh a ma nleal raladida ra. Ubu Yanan Ni Roh yai notu ma bis tfalak ne, “Bapa oo, Bapa!”

Filipi 3:21

Tenadida ra rmafun ovu veka rakvisal, naꞌuk Kristus veka nkati tenadida ra ma ngorvaꞌan, wean Ia tenan mngaꞌun a ovu lolin urun a. Ia veka not-nala afa yai, tevek Ni ngrebat ma nfaret-nala munuk afakataka.

Kolose 3:4

Yesus Kristus nala vavaꞌat mngaꞌun verin mia. Naꞌa amar i veka nma ewal, na mia veka mnyaꞌa vali ovu Ia naꞌa vanan i nfitik nyadat ma felan lolin urun, ba mia weabira vali Ia.

Ibrani 9:28

Kristus wean vali inyai. Ia nala tenan a ma nmata fasa watan ma naꞌi vatuk tamata rivun rira salasilan ra. Ia veka nma ewal, naꞌuk wol mane nmata ma ntevut dida salasilan ra. Ia veka nma verin tamata ovi rnaban Ia, ma nsikat ira tali rira salasilan ra, ma rira vavaꞌat kakiwal.

2 Petrus 1:4

Ba wean inyai, na Ubu nala roak tnorung ma dida vavaꞌat kakiwal, ovu Ni kalolin ovi dawan a ovu fyawar urun a. Ia notu wean inyai, boma bisma dida lingaꞌan ma raladida lolin wean Ia, ovu bisma tvatuk munuk lahir dida fikiran sian ra, ovu wol torang roak dida ininan sian i not-visal lahir ita.

1 Yohanes 2:28

Ba yanak averi, dida vavaꞌat musti isa lalawatan ovu Kristus, boma ti naran amar i nma ewal a, na raladida ra wol kakoꞌu ma tdiri Ubu wahan ralan a, ovu wol tmaꞌit ma tatuan Ia.

1 Yohanes 2:7

Terang a valing averi, ulobang urun mia. Snurak i neluk fareta verin mia naꞌa surat ini wol mane afa ngorvaꞌan, tevek snurak mnanat ini mryenar roak tali lalan a, naꞌut i beti myorang Yesus Kristus.

1 Yohanes 3:1

Eka minovak! Yamadida Ubilaꞌa Ni silobang a dawan urun verin ita, ba nala ita ma teluk yanan ra. Ubu yanan urun ita. Tamata ovi rnaꞌa lanit ivavan ini wol rkaꞌa ne, Ubu yanan ita, tevek ira wol rkaꞌa Ubu.

1 Yohanes 3:10

Faneak verin Ubu yanan ra ovu nitdawan yanan ra rsialing ira. Iki watan wol not-orang afa ovi Ubu ralan a nfalak a, ovu wol ralan urun al nlobang teran a valin ra, na Ubu wol yanan ia.

1 Yohanes 3:21

Terang a valing averi, ulobang urun mia. Wean i raladida ra wol rfasala ita, na raladida ra dawan ma tdiri Ubu wahan ralan a,

1 Yohanes 5:1

Tamata iki watan norang ne, Yesus yai Raja i ntevut dida salasilan ra, na tamata yai, Ubu yanan roak ia. Wean i tlobang tamata isa yaman a, na tlobang vali tamata yai.

Wahyu 2:28

Yaꞌa veka ala vali nara telyawar a verin ira, ma nfaturu ne, uturira.

Wahyu 22:4

ovu rarea lahir Ubu felan a ovu faneak i naꞌa roak rearira ra. Faneak yai Ubu naran a.