1 Yohanes 2:4 - Surat Ralan na'a Vaidida

⁴ Wean i tamata isa nfalak ne, “Yaꞌa ukaꞌa roak Ubu,” naꞌuk ia wol not-orang afa ovi Ubu nfareta verin ita ma totu a, na tamata yai nsiklabir roak, ovu afa ovi kena ra wol rnaꞌa roak ralan a.

1 Yohanes 2:4 ပူးပေါင်းရင်းမြစ်များ

Yohanes 8:44

Yamabira verin nitdawan a, ovu inabira ma myot-orang watan ni ininan ra. Tali lalan a, nitdawan nsifedan lalawatan, ovu ni vavaꞌat wol nanaꞌa afa ovi kena ra, tevek nafena lahir ma notu afa ovi kena ra. Wean i nsiklabir, na notu watan afa ovi ralan nfalak a, tevek ia baꞌi nsiklabir, ovu afa siklabir ra munuk rtali ia.

Titus 1:10

Tevek tamata rivun ilaꞌa rangal afa kena ovi tair ra. Nlia tali inyai munuk, na tamata ovi rorang Yahudi rira inukun i nfalak ne, musti rsunat rira brana ra. Ira rsiweang sian ma rala vaivatul ovi wol kena ra ma rair tamata ra, ovu lunar dawan watan, naꞌuk wol rot-nala akataka.

Titus 1:16

Ira rfalak ne, rkaꞌa Ubu, naꞌuk afa ovi rotu ra wol kena ovu rira vaivatul ra. Ira rira vavaꞌat sian ma wol rorang lahir Ubu, ovu wol rot-nala afa ovi lolin ra.

1 Yohanes 1:10

Wean i tfalak ne, wol totu salasilan, na inyai wean lahir i tfalak ne, Ubu nsiklabir, ma Ni vaivatul ra wol rnaꞌa raladida ra.

1 Yohanes 1:6

Wean i tfalak ne, ralad isa ovu Ia, naꞌuk tvaꞌat naꞌa dedan ralan obin, na tsiklabir roak, ovu wol tot-orang afa mngaꞌun ovi Ubu nfalyawang lalawatan verin ita.

1 Yohanes 1:8

Wean i tfalak ne, wol dida salasilan, na ita kaꞌi tlabir watan tenadida ra, ovu Ubu Ni vaivatul mngaꞌun ra wol rnaꞌa raladida ra.

1 Yohanes 2:3

Wean i tot-orang afa ovi Ubu nfareta ma totu ra, na inyai nfaturu ne, tkaꞌa roak Ia.

1 Yohanes 2:9

Wean i tamata isa nfalak ne, ia nanaꞌa roak lyawan ralan, naꞌuk wol inan lahir teran a valin ovi rorang Yesus, na ia nanaꞌa watan dedan ralan obin, ma naran amar ini.

1 Yohanes 3:6

Ba tamata iki watan ni vavaꞌat isa roak ovu Kristus, na ia wol notu roak salasilan ra. Naꞌuk iki watan wol ntalik tali ni salasilan ra, na ia wol nrea lahir ovu wol nkaꞌa lahir Kristus.

1 Yohanes 4:20

Tamata i nfalak ne, “Yaꞌa ulobang Ubu,” naꞌuk wol inan lahir teran a valin ra, na tamata yai nsiklabir. Tevek wean i tamata yai wol nlobang teran a valin ovi nrea ra, na veka wol nlobang Ubu i wol nrea Ia.

1 Yohanes 4:7

Terang a valing averi, ulobang urun mia! Fara tsilobang ita, tevek dida silobang a ntali Ubu. Tamata ovi rlobang tamata liak ra, na tamata avyai Ubu yanan ira, ovu ira rkaꞌa roak Ubu.