1 Yohanes 2:24 - Surat Ralan na'a Vaidida

²⁴ Ba bir tinemun, ivar mngaꞌun i mryenar roak tali amar i beti myorang Kristus, na fyadoku ma lolin naꞌa ralabira ra. Myotu wean inyai, na veka bira vavaꞌat isa roak ovu Ubu Yanan a ovu Yamadida Ubilaꞌa.

1 Yohanes 2:24 ပူးပေါင်းရင်းမြစ်များ

Lukas 1:2

Ira rtulis wean lahir i trenar roak tali tamata ovi kaꞌi rsiꞌik lahir afa ovi Yesus notu tali lalan a, beti rti ma rfamalik ivar yai.

Lukas 9:44

“Mryenar ma lolin ovu deka miblufang afa ovi ufalak ini. Tamata ra veka rala Yaꞌa, Tamata Yanan Yaꞌa ini, verin tamata ra.”

Yohanes 14:23

Yesus nfalak ne, “Tamata iki watan nlobang Yaꞌa, na ia veka not-orang afa ovi ufalak ra, ovu Yamang veka nlobang ia. Yaꞌa ovu Yamang a veka amama verin ia, ma amleal ovu ia, nata ti wol ni wahan.

Yohanes 15:7

Wean i bira vavaꞌat isa roak ovu Yaꞌa, ovu vali myala lalawatan vaivatul ovi ufalak roak verin mia naꞌa ralabira ra, na myera afaka watan tali Yamang a, na Ia veka nala verin mia.

Yohanes 6:56

Tamata iki watan naꞌan tenang a ovu nenu larang a, na ia ni vavaꞌat isa roak ovu Yaꞌa, ovu vali Yaꞌa Ning vavaꞌat isa roak ovu ia.

Yohanes 8:25

Ba rorat Ia ne, “Oa ini iki mngaꞌun?” Yesus nfalak verin ira ne, “Yaꞌa ufamalik lan roak verin mia ne, Yaꞌa ini iki!

Filipi 4:15

Terang a valing ovi myorang Yesus naꞌa Filipi. Mia mkyaꞌa roak amar i uban-talik propinsi Makedonia. Amar yai, na beti ufamalik Ubu Ni Ivar Lolin a verin mia, ma mtyorung ma mlyobang yaꞌa ovu kubang ma ti ufamalik Ni Ivar Lolin a. Sidovung tamata inorang liak ra wol rlobang yaꞌa wean inyai, ba mia aꞌuk saꞌi myotu wean inyai.

Kolose 3:16

Fara Kristus Ni vaivatul ra rnaꞌa lalawatan ralabira ra. Msyiair ovu msifangnanang mia ma myot-orang Ni vaivatul ra ovu Ni kakaꞌa a. Mryaning Ubu naran a ovu dadedang ovi tamata inorang ra rdedang. Mdyedang vali dadedang ovi Ubu Ni Roh nala verin tamata ra ovu dadedang tali mazmur. Fyalak fara weninyai verin Ubu naꞌa ralabira ra, wean i mdyedang wean inyai.

Ibrani 2:1

Ba terang a valing averi, wean inyai bi musti tsiꞌik wadida ma lolin ma torang urun Ubu Ni Ivar Lolin i trenar roak a, boma deka tafla talik dida inorang a.

Ibrani 3:14

Tevek dida vavaꞌat isa roak ovu Kristus, ovu veka dida munuk afa lolin ovi Ubu nala roak verin Ia. Naꞌuk musti tot-orang lalawatan afa ovi Ubu nfalak ra, tali amar i beti torang Ia ma ti naran i wol dida amar roak.

1 Yohanes 1:3

Afa ovi amsiꞌik ovu amrenar roak yai, amfamalik vali verin mia, boma raladida isa naꞌa dida sidovung a. Ralad isa vali ovu Yamadida, ovu Yanan a Yesus Kristus.

1 Yohanes 1:7

Naꞌuk wean i tvaꞌat naꞌa lyawan ralan wean Ubu nanaꞌa lyawan ralan, na veka ralad isa ovu tamata inorang ra, ovu Ia nfamerat ita lalawatan tali dida salasilan ra munuk nahu Yanan a Yesus laran i nvoat a.

1 Yohanes 2:7

Terang a valing averi, ulobang urun mia. Snurak i neluk fareta verin mia naꞌa surat ini wol mane afa ngorvaꞌan, tevek snurak mnanat ini mryenar roak tali lalan a, naꞌut i beti myorang Yesus Kristus.

1 Yohanes 3:24

Tamata iki watan not-orang afa ovi Ubu nfareta, na ni vavaꞌat isa roak ovu Ubu, ovu vali Ubu ralan isa ovu ia. Ia nala roak Ni Roh a ma nleal raladida ra, ma nfaturu verin ita ne, Ia ralan isa ovu ita.

1 Yohanes 4:13

Ubu nala roak Ni Roh a verin ita, boma tkaꞌa ne, Ia nleal roak raladida ra, ovu ralad isa ovu Ia.

1 Yohanes 4:15

Tamata ovi rtorung ne, Yesus, Ubu Yanan Ia, na Ubu nleal ralarira ra, ovu ira ralar isa roak ovu Ia.

1 Yohanes 4:16

Ita tkaꞌa roak ovu torang vali ne, Ubu nlobang ita. Ubu Ni silobang verin tamata ra nanaꞌa lalawatan. Tamata iki watan nlobang tamata ra, na ia ralan isa ovu Ubu, ovu Ubu nleal roak ralan a.

2 Yohanes 1:2

tevek afa ovi kena ra, inyai Ubu Ni vaivatul ra, rleal roak raladida ra, ovu veka rovun ita, nata ti wol ni wahan.

2 Yohanes 1:9

Tamata iki watan wean i nban-tamuri Kristus ma wol not-orang afa ovi nair ra, na tamata yai Ubu wol yanan ia. Tamata ovi baꞌi rot-orang afa ovi Kristus nair ra, na ira ralarira isa roak ovu Yamadida Ubilaꞌa ovu vali Yanan a.

3 Yohanes 1:3

Ralang lolin urun, tevek tamata inorang boku rma ma rfamalik mu vavaꞌat a. Ira rfalak ne, mot-orang afa ovi kena ra naꞌa mu vavaꞌat a.

Wahyu 3:11

Wol mnanat, na Yaꞌa veka uma lanit ivavan ini! Myorang aꞌuk afa ovi mryenar roak tali Yaꞌa, boma tamata ra wol bisma rala afa ovi utorung roak verin mia ma aval mia naꞌa bira rala lolin ra.

Wahyu 3:3

Ba mingnanang afa ovi rair roak verin mia, ovu afa ovi mryenar roak naꞌa bira inorang a. Mtyalik kikyai ma deka myotu salasilan ra, naꞌuk myot-orang aꞌuk Ning afa ovi rair roak verin mia yai. Wean i wol myahil ma mtyalik tali bira salasilan, na Yaꞌa veka uma wean tamata barborin, ma wol mkyaꞌa ne, lafira ki uma.