1 Timotius 5:20 - Surat Ralan na'a Vaidida

²⁰ Oa musti mtabu tamata ovi rotu salasilan ra naꞌa sidovung waharira ralan ra, boma tamata inorang liak ra rbobar ma deka rotu afa ovi sala ra.

1 Timotius 5:20 ပူးပေါင်းရင်းမြစ်များ

Kisah 19:17

Tamata Yahudi ovu tamata ovi wol Yahudi ra munuk naꞌa Efesus rarenar afa yai ma rbobar urun, ba rfadawang Duilaꞌa Yesus.

Kisah 5:11

Ba tamata ovi rorang Yesus ovu tamata liak ovi rarenar afa ini, irmunuk rbobar urun.

Kisah 5:5

Ti ma Ananias nrenar munuk afa i Petrus nfalak yai, na nmata lahir ma nleka nsuta lanun. Ba tamata ovi rarenar ivar yai rbobar urun.

2 Korintus 7:11

Eka minovak naꞌa ralabira lalau i Ubu ralan a nfalak yai. Ralabira lalau yai notu ma ralabira urun ovu mlyotar nala tenabira ra. Afa yai notu vali ma mingrova tamata ovi rotu salasilan ra, ovu byobar, betane salasilan yai notu ma myot-orang vali. Ralabira i lalau yai notu vali ma myaseak ma mtyuan yaꞌa, ovu ivaꞌubira ma myotu afa ovi ufalak ra. Wol mane inyai watan, naꞌuk mibrahi vali ma myukun lahir tamata i notu sala. Afa ovi myotu munuk roak yai rfaturu lahir ne, wol bira sala.

Efesus 5:11

Deka myorang tamata ovi rira vavaꞌat ra rnaꞌa watan dedan ralan, tevek afa ovi rotu ra wol ihir akataka. Ni lolin ana, fyaturu lahir verin tamata ra ne, rira afa ovi rotu ra sala.

1 Timotius 1:20

Tali tamata avyai, na tamata irua nararira Himeneus ovu Aleksander. Yaꞌa ala roak ira verin nitdawan ma nwi-nwa ira, boma deka rfalak sian Ubu.

2 Timotius 4:2

Fwamalik Ubu Ni vaivatul ra verin tamata ra. Mususan wam, boma velik ne inar te wol inar ma rarenar, naꞌuk mungrihi watan. Fwakena tamata ovi rair afa ovi wol kena ra, mtabu tamata ovi rotu afa sian ra ovu fwaloling ira ma rotu afa lolin watan. Wean i mair ira, na mtahang ralam ma dawan.

Titus 1:13

Afa ovi nfalak ra kena. Ba mtabu ma dawan ira, boma rorang aꞌuk Yesus Ni vaivatul ra.

Titus 2:15

Baba, era ma mair munuk afa ovi ufalak roak verin oa. Msurak tamata ovi rorang Yesus naꞌa inyai ovu ngrebat i ntali Ubu. Msiꞌik ma lolin, boma tamata ra rarenar ma lolin afa ovi mair verin ira.