1 Timotius 3:14 - Surat Ralan na'a Vaidida

¹⁴ Utulis surat ini verin oa, fara wol mnanat, na veka uti ma ulola oa. Velik ne wean inyai, naꞌuk utulis surat ini verin oa,

1 Timotius 3:14 ပူးပေါင်းရင်းမြစ်များ

1 Korintus 11:34

Ba wean i tamata isa nablafar, na ia musti nafnaꞌan lan naꞌa ni rahan veki, boma naꞌut i misdovu mia, na ia wol notu afa ovi rotu ma Duilaꞌa veka nukun ia. Afa liak ra veka ufalyawang verin mia naꞌut i uma ewal.

1 Tesalonika 2:18

Inamami ma ti amalola mia, ba udava lingaꞌan fafira roak, naꞌuk nitdawan a notu teri ami.

1 Timotius 3:13

Tamata ovi rlobang ma lolin rira sidovung a, na tamata ra veka ralang ira naꞌa rira karya. Ira veka rabrahi vali ma rfamalik verin tamata liak naꞌa rira inorang verin Yesus Kristus.

1 Timotius 3:15

boma wean i wol uti obin ma utuan oa, tevek angangal boku, na oa bisma mkaꞌa roak ne, dida vavaꞌat wean inba naꞌa Ubu Ni sidovung. Tamata ovi rorang Yesus Kristus rnaꞌa Ubu i nvaꞌat Ni sidovung ini. Tamata inorang ovi rtaha vaivatul mngaꞌun tali Ubu rfangrebat Ubu Ni tamata ra, wean fanderen ovu liri susun ovi rfangrebat rahan a ma ndiri ma lolin.

1 Timotius 4:13

Ivaꞌum ma bwas Surat Ralan verin tamata ra. Fwalyawang Ubu Ni vaivatul ra verin tamata ra ovu msurak a mair ira. Motu lalawatan afa avyai, ti naran i uma.

Filemon 1:22

Ba wean inyai, na mlobang ma fwadoku wan isa naꞌa mu rahan a ma unaꞌa teri, tevek era lablobang verin Ubu ma nrenar bira falurut ra, ma rfatalik yaꞌa tali buꞌi ralan ma tsituan ewal ita.

Ibrani 13:23

Inak ma ufalak verin mia ne, rfatalik roak terad i Timotius tali buꞌi ralan. Ba wol mnanat, na ia veka nma wang i unaꞌa ini, ma amrua amati amalola mia naꞌa wabira i mnyaꞌa yai.

2 Yohanes 1:12

Velik ne mane utulis snurak rivun ilaꞌa verin mia, naꞌuk wol ufadoku naꞌa surat ini. Naꞌuk inak ma ti ulola mia, ma tfamalik afa avyai, boma did tinemun inad lolin.

3 Yohanes 1:14

Yaꞌa inak ma wol mnanat, na tsituan roak ita, boma bisma ungrihi lahir nulu oa.