1 Timotius 2:8 - Surat Ralan na'a Vaidida

⁸ Yaꞌa inak ma naꞌa inba watan misdovu mia, na era ma brana ra rsikat limarira ra ma raflurut. Brana ra musti rira vavaꞌat ra rmalola, ovu wean i mane raflurut, na deka rsingarahi te rsingrova ira.

1 Timotius 2:8 ပူးပေါင်းရင်းမြစ်များ

Matius 21:21

Yesus nfalak ne, “Afa i ufalak verin mia ini, kena urun! Wean i myorang Yaꞌa ovu ralabira wol raruan, na mia bisma myot-nala vali afa i otu verin aa ara yai. Wol wean inyai watan, naꞌuk bisma fyalak verin vuar isa ne, ‘Mlaun talik wam a kikyai, ma roal mtuba tahat ralan’, na veka wean urun inyai.

Matius 5:44

Naꞌuk Yaꞌa ufalak verin mia ne, mlyobang tamata ovi rira sian mia, ovu miflurut verin tamata ovi rwi-rwa mia.

Matius 6:12

Fara maꞌi vatuk mami salasilan ra, wean ami amabun roak tamata ovi rotu salasilan verin ami.

Lukas 23:34

Yesus nfalak ne, “Bapa, maꞌi vatuk rira salasilan yai, tevek wol rkaꞌa afa i rotu a.” Rotu munuk wean inyai, beti rotu undi ma rtanang Ni kadaravit ra.]

Lukas 24:50

Nata Yesus novun Ni tamata ovi rorang Ia ma rti kota Yerusalem murin a. Ira rbana ma rfaseri ahu isa naran Betania. Naꞌa inyai, na nsikat liman a ma naflahar ira.

Yohanes 4:21

Yesus nfalak ne, “Titi, morang afa i mane ufalak ini: Ni amar veka nma ma tamata ra rsangatur ma raraning Yamadida, naꞌuk wol nanaꞌa roak vuar ini ovu vali wol nanaꞌa Yerusalem.

Kisah 10:2

Tamata yai not-orang afa ovi Ubu ralan nfalak ra, ovu ia ovu ni rahan a teta baꞌi ralang ma dawan Ubu. Ia naflurut lalawatan verin Ubu, ovu vali nala kubang rivun ma nlobang tamata Yahudi ovi kasian ira.

Kisah 10:31

Ia nfalak verin yaꞌa ne, ‘Kornelius, Ubu nrenar roak mu falurut a, ovu nsiꞌik roak ne, mlobang tamata ovi kasian ira.

Kisah 10:4

Kornelius nsiꞌik sansinir yai, na nbobar urun i lahir, ba norat ne, “Afaka ta Duilaꞌa?” Sansinir yai nfalak ne, “Oa motu ma Ubu ralan a lolin, tevek muflurut lalawatan verin Ia ovu mlobang tamata kasian ra. Ba Ia nangnanang afa ovi motu avyai.

Kisah 21:5

Karedralan isa nelak roak, beti amban-talik wan yai. Tamata ovi rorang Yesus ovu awarir-yanarira ra rdoal ma rfaturat ami, ba amamunuk amsangatur naꞌa ngur ratan ma amaflurut.

Kisah 7:60

Ti nata nsangatur ma nafwak ne, “Duilaꞌa, deka mtorung ma ira rvara rira salasilan i rotu ini!” Nfalak munuk wean inyai, na nan nakbosal lahir.

1 Korintus 7:7

Ni lolin a, wean i tamata ra munuk wearira yaꞌa ma wol rsifa. Naꞌuk Ubu nala roak yabi lokat tamata, ba dida yabi ra rsialing ira.

2 Korintus 2:14

Velik ne wean inyai, na ami amfalak fara weninyai verin Ubu, tevek Ia nban-ulu lalawatan verin ami, ma notu ma utumami. Ia notu wean inyai, tevek mami vavaꞌat isa roak ovu Kristus. Ubu nala ami ma amfamalik Ni Ivar Lolin ma tamata ra rkaꞌa Kristus, ti nsoru wan inba watan, wean afa voan lolin i voan a ti nsoru munuk tamata ra naꞌa wan inba watan.

Filipi 1:12

Yaꞌa inak ma mkyaꞌa ne, susa ovi rvotuk roak naꞌa ning vavaꞌat a, rotu ma tamata rivun rarenar ovu rorang Ubu Ni Ivar Lolin a.

1 Tesalonika 1:8

Fiang ini fyamalik Ubu, ma Ni vaivatul ra rafla soru roak. Wol mane naꞌa Makedonia ovu Akhaya watan, naꞌuk naꞌa wan inba watan tamata ra rkaꞌa bira inorang naꞌa Ubu. Ba ami wol amfamalik roak verin ira naꞌa bira inorang a,

1 Timotius 5:14

Wean inyai bi, era ma varu ovi tuvmarmuri ra rsifa ewal, boma rotu duarir-yanarira ra ma rasusan rira rahan teta ra, ma tamata ovi wol rorang Yesus wol rdav-nala lingaꞌan ma rfalak sian ita.

Titus 3:8

Vaivatul avyai kena munuk lahir, ba morang aꞌuk. Ba wean i mair tamata ra, na fwamalik afa ovi ufalak ra, boma tamata ovi rorang Ubu, ralarira urun ma rotu lalawatan afa ovi lolin ra. Afa ovi air ra lolin watan ma rlobang tamata ra.

Ibrani 10:22

Ba wean inyai, na mya ma tfaseri Ubu ovu raladida urun, ovu torang urun Ia. Tevek Yesus nfamerat roak raladida ra ovu laran a, boma wol tvua roak afa sian naꞌa raladida ilaꞌa ra. Ia nfamerat roak tenadida ra ovu wear i nmerat urun a.

Yakobus 4:8

Fyaseri Ubu, boma nfaseri vali mia. Fyamerat limabira ra ovu ralabira ra tali bira salasilan ra. Tamata salasilan mia! Byatuk bira fikiran sian ra, tevek afa avyai rotu ma ralabira raruan naꞌa bira inorang a.

1 Petrus 3:7

Wean vali inyai verin brana ovi msyifa roak a. Mia musti myotu lolin vali awabira ra, tevek mkyaꞌa ne ira wol rira ngrebat wean mia. Myalang ira, tevek Ubu veka nala vavaꞌat kakiwal verin mia ovu ira tali Ni rala lolin a. Myotu wean inyai, boma wol angangal naꞌa bira falurut ra.