1 Timotius 2:15 - Surat Ralan na'a Vaidida

¹⁵ Velik ne wean inyai, naꞌuk Ubu veka nsikat vata ra tali rira salasilan ra, ma rira vavaꞌat kakiwal naꞌa amar i rarali yanarira ra. Ia notu wean inyai, asal ne rorang lalawatan Yesus ovu rlobang tamata ra, ovu rira vavaꞌat ra rmalola, ovu vali ma rtahang nal ralarira ra naꞌa afaka watan.

1 Timotius 2:15 ပူးပေါင်းရင်းမြစ်များ

Lukas 2:7

Yanan iyaꞌan ini, brana Ia. Maria nkuma yanan a ovu sikar, beti nfanuba Ia naꞌa wan i afwatan ra baꞌi rafnaꞌan naꞌa, tevek rahan siwelat ma rafnerung teri naꞌa nngora roak.

1 Korintus 12:23

Ba naꞌa tenadida ra, na afa ovi tfikir ne, wol fyawarira, na ita musti talang urun ira. Naꞌa tenadida ra vali, afa ovi tamata wol bisma rsiꞌik, na ita musti tateri ma lolin afa avyai.

1 Timotius 1:14

Duilaꞌa nala Ni rala lolin verin yaꞌa ma nfangora ralang a, ba orang Ia ovu ulobang tamata liak ra vali. Wean vali inyai verin tamata ovi rorang Kristus Yesus.

1 Timotius 1:5

Ning snurak yai ihin a ne, fara tamata ralarira ilaꞌa ra rmerat ovu rmalola ma rorang urun Duilaꞌa, boma rlobang vali tamata liak ra.

1 Timotius 2:9

Ufalak vali ma wean i vata ra rung a reluk ira, na reluk kadaravit ovi inovan verin vata ra, boma rfaturu ne, rira vavaꞌat lolin. Deka rtebung rira vut ra ma nlia daꞌin. Deka reluk kadaravit ovi fyawar urun, te rfakloꞌi masa te mutiara naꞌa tenarira ra.

Titus 2:12

Ubu nair ita ovu Ni rala lolin a, ma deka totu afa ovi wol inan ra, ovu deka torang afa sian ovi rnaꞌa lanit ivavan ini. Ni rala lolin notu ma tatahang nal ralad ra naꞌa afaka watan, ovu torang urun Ia, ovu vali dida vavaꞌat ra rmalola.

1 Petrus 4:7

Terang a valing averi, lanit ivavan sarseri mane namwear roak, ba misusan wabira ovu bira fikiran ra, ovu vali mtyahang nal ralabira naꞌa afaka watan, boma bisma miflurut lalawatan.